10-May-2023

ବଲାଙ୍ଗିର (ଦେବାଶିଷ ବହିଦାର): ସ୍ୱାସ୍ଥ୍ୟ କ୍ଷେତ୍ରରେ ଅବହେଳିତ ବଲାଙ୍ଗିର ଜିଲ୍ଲାରେ ଭୀମ ଭୋଇ ମେଡ଼ିକାଲ କଲେଜ ଓ ହସ୍ପିଟାଲ ସ୍ଥାପନ ହେବା ପରେ ଉନ୍ନତ ମାନର ଚିକିତ୍ସା ସେବା କ୍ଷେତ୍ରରେ ବଲାଙ୍ଗିର ଆଉ ଏକ ପାଦ ଆଗେଇ ଯାଇଛି l ବଲାଙ୍ଗିର ମେଡିକାଲ କଲେଜ ଓ ହସ୍ପିଟାଲର ସର୍ବୋଚ୍ଚ ପଦବୀରେ ଏବେ ଆମେ ଏପରି ଜଣେ ସମର୍ପିତ ଡାକ୍ତରଙ୍କୁ ପାଇଛୁ ଯାହାଙ୍କ ପାଇଁ ରୋଗୀ ସେବା ଏକ ପେସା ନୁହେଁ ବରଂ ନିଶା ଅଟେ l ରୋଗୀ ସେବା କୁ ଜୀବନର ବ୍ରତ ଭାବରେ ଗ୍ରହଣ କରିଥିବା ଏହି ମହିୟସୀ ମହିଳାଙ୍କ ନାମ ହେଉଛି ଡାକ୍ତର୍ ମାନସୀ ପଣ୍ଡା l ବଲାଙ୍ଗିର ଭୀମ ଭୋଇ ମେଡ଼ିକାଲ କଲେଜ ଓ ହସ୍ପିଟାଲର ସୁପରିଟେଣ୍ଡେଣ୍ଟ ଭାବରେ ଦାୟିତ୍ଵ ଗ୍ରହଣ କରିବା ପରେ ଶ୍ରୀମତୀ ପଣ୍ଡା ଉଭୟ ରୋଗୀ ଓ ମେଡିକାଲ ଷ୍ଟାଫ୍ ମାନଙ୍କ ମଧ୍ୟରେ ଏକ ଶ୍ରଦ୍ଧାଶୀଳ ଓ ସମ୍ମାନସ୍ପଦ ନାମ ହୋଇଯାଇଛନ୍ତି l ସମସ୍ତେ ଶ୍ରୀମତୀ ପଣ୍ଡା ଙ୍କ ପ୍ରଶଂସାରେ ଶତମୁଖ l ସକାଳରୁ ସନ୍ଧ୍ଯା ଯାଏ  ନିଜର କର୍ମମୟ ଜୀବନ ରେ  କେବେ ବି ହେଳା କରି ନାହାଁନ୍ତି ମାନସୀ ପଣ୍ଡା l ପୀଡିତ, ଦୁଃଖୀ ଓ ଅସହାୟଙ୍କ ପାଇଁ ମାନସୀ ପଣ୍ଡା ଙ୍କ ହୃଦୟ ଯେତିକି କୋମଳ କାମରେ ଅବହେଳା ପ୍ରଦର୍ଶନ କରୁଥିବା କର୍ମଚାରୀଙ୍କ ପାଇଁ ମଧ୍ୟ ସେ ତା ଠୁଁ ଅଧିକ କଠୋର  ମେଡିକାଲ ର ବିଭିନ୍ନ୍ ବିଭାଗକୁ ଯାଇ ଶ୍ରୀମତୀ ପଣ୍ଡା ତଦାରଖ କରିବା ତାଙ୍କ ବୃତ୍ତି ପ୍ରତି ଥିବା ନିଷ୍ଠାର ଆଉ ଏକ ପରିଚୟ ଅଟେ l ଏଥି ସହ ମେଡ଼ିସିନ୍ ବିଭାଗର ମୁଖ୍ୟ ମନୋରଞ୍ଜନ ବେହେରା ଓ ଶିଶୁ ରୋଗ ବିଭାଗର ମୁଖ୍ୟ ଶାନ୍ତି ସେବା ମିଶ୍ର, ଡାକ୍ତର୍ ସି ମାରାଣ୍ଡି ଓ ଡାକ୍ତର ପି .କେ ରଥ ଙ୍କ ରୋଗୀ ସେବା କ୍ଷେତ୍ରରେ ଦକ୍ଷତା ସେମାନଙ୍କୁ ଏକ ସ୍ଵତନ୍ତ୍ର ପରିଚୟ ଦେଇପାରିଛି l