10-May-2023

ବିନିକା(ହିମାଂଶୁ ଶେଖର ପୁଟେଲ)ବିନିକା ସ୍ପୋର୍ଟସ କ୍ଲବ ତରଫରୁ ସ୍ଥାନୀୟ ବିଜୁ ପଟ୍ଟନାୟକ ଷ୍ଟାଡିୟମ ଠାରେ ଆଇପିଏଲ ଢାଞ୍ଚାରେ ଚାଲିଥିବା ବିପିଏଲ ସିଜନ-୩ କ୍ରିକେଟ ଟୁର୍ଣ୍ଣାମେଣ୍ଟର ମଙ୍ଗଳବାର ଅନୁଷ୍ଟିତ ପଞ୍ଚମ ରାଉଣ୍ଡର ଦ୍ଵିତୀୟ ମ୍ୟାଚରେ ଆନ୍ୟା ସ୍ପୋଟିଙ୍ଗକୁ ହରାଇ ସାଗର-୧୧ ଚମତ୍କାର ବିଜୟ ହାସଲ କରିଛି । ଟଚ ଜିଣି ଆନ୍ୟା ପ୍ରଥମେ ବ୍ୟାଟିଂ କରି ୮ଓଭରରେ ୮ୱିକେଟ ହରାଇ ୬୪ରନ କରିଥିଲା ତାର ଜବାବରେ ସାଗର-୧୧ ଦଳ ୭.୩ଓଭରରେ ୬୫ରନ କରି ବିଜୟୀ ହୋଇଥିଲା ମ୍ୟାଚକୁ ବିନୋଦ ପାତ୍ର ଓ ସବ୍ୟସାଚୀ ମିଶ୍ର ପରିଚାଳନା କରିଥିବା ବେଳେ ସ୍କୋରର ଭାବେ ହାଡୁ ବଢେଇ,ଆଲୋକ ସେଠୀ,ଶ୍ରୀତମ ଦାସ ଏବଂ ମ୍ୟାଚର ଧାରାବିବରଣୀ ଶଶାଙ୍କ ଶେଖର ଦାସ,ବୈରାଗୀ ପ୍ରଧାନ ପ୍ରଦାନ କରିଥିଲେ ।ସ୍ପୋର୍ଟସ କ୍ଲବ ସଭାପତି ସୋମନାଥ ମିଶ୍ରଙ୍କ ଅଧ୍ୟକ୍ଷତାରେ ଅନୁଷ୍ଠିତ ପୁରସ୍କାର ବିତରଣୀ ଉତ୍ସବରେ ମୁଖ୍ୟଅତିଥି ଭାବରେ ବୀରମହାରାଜପୁର ଗୋଷ୍ଟି ଶିକ୍ଷା ଅଧିକାରୀ ଶାନ୍ତନୁ କୁମ୍ଭକାର,ସ୍ଵତନ୍ତ୍ର ଅତିଥି ଭାବେ ବିନିକା-ଫୁଲମୁଠୀ ମହିଳା ଜୁନିଅର କଲେଜ ଅଧ୍ୟକ୍ଷ ପଞ୍ଚାନନ ସାହୁ,ସମ୍ମାନିତ ଅତିଥି ଭାବେ ବିନିକା ଅତିରିକ୍ତ ଗୋଷ୍ଠୀ ଶିକ୍ଷା ଅଧିକାରୀ ବସନ୍ତ ଭୋଇ,ସିଦ୍ଧାର୍ଥ ଡିଗ୍ରୀ କଲେଜ ଅର୍ଥନୀତି ବିଭାଗ ଅଧ୍ୟାପକ ବିଶ୍ଵନାଥ ମିଶ୍ର ପ୍ରମୁଖ ଯୋଗଦେଇ ବିଜୟୀ/ଉପ ବିଜେତା ଦଳ,ମ୍ୟାନ ଅଫ ଦି ମ୍ୟାଚ ଜୟଦେବ ବେହେରା,ବେଷ୍ଟ ବ୍ୟାଟ୍ସମ୍ୟାନ କୈବର୍ତ୍ତ ଦୀପଙ୍କୁ ମାନପତ୍ର

ଦେଇ ସମ୍ମାନିତ କରାଯାଇଥିଲା ।ବୁଧବାର ଅପରାହ୍ନରେ ତ୍ରିରଙ୍ଗା ୟୁଥ କ୍ଲବ ଓ ଅତୁଳ-୧୧ ମଧ୍ୟରେ ମ୍ୟାଚ ହେବ ।ଉଭୟ ଦଳର ଖେଳାଳୀ ମାନଙ୍କୁ ଉତ୍ସାହିତ କରିବା ସହିତ ସେମାନଙ୍କୁ ପୁରସ୍କାର ପ୍ରଦାନ କରିବା ନିମନ୍ତେ ମୁଖ୍ୟ ଅତିଥି ଭାବରେ ବିନିକା ଜୋନ ନଂ୧ର ଜିଲ୍ଲାପରିଷଦ ସଦସ୍ୟା ପ୍ରମିଳା କଲତା,ସ୍ଵତନ୍ତ୍ର ଅତିଥି ଭାବେ ସୁବର୍ଣ୍ଣପୁର ଜିଲ୍ଲା ବିଜେପି ମହିଳା ମୋର୍ଚା ସାଧାରଣ ସମ୍ପାଦିକା ସୁରଚି ବେହେରା,ସମ୍ମାନିତ ଅତିଥି ଭାବେ ବିନିକା ନଗର ବିଜେପି  ମହିଳା ମୋର୍ଚା ସଭାନେତ୍ରୀ ଭାରତୀ ପଣ୍ଡା,ମହିଳା ମୋର୍ଚା ନଗର ମଣ୍ଡଳ ସାଧାରଣ ସମ୍ପାଦିକା ପିଙ୍କି ଅଗ୍ରୱାଲ ପ୍ରମୁଖ ଯୋଗଦାନ କରିବେ ବୋଲି ଆୟୋଜକଙ୍କ ସୂତ୍ରରୁ ପ୍ରକାଶ ।