09-May-2023

ସୋନପୁର (ମନୋରଞ୍ଜନ ତ୍ରିପାଠୀ)-  ଭିଜିଲାନ୍ସ ଜାଲରେ ପଡ଼ିଲେ ସୁବର୍ଣ୍ଣପୁର ଜିଲ୍ଲା ତରଭା ସବ୍ ରେଜିଷ୍ଟ୍ରି କାର୍ଯ୍ୟାଳୟର ମୁଖ୍ୟ କିରାଣୀ ଶିବ ପ୍ରସାଦ ଗୁରୁ । ସେ ମଧ୍ୟସ୍ଥି ହେମକାନ୍ତ ବିଶିଙ୍କ ଜରିଆରେ ପ୍ରଦୀପ କୁମାର ସାହୁଙ୍କ ଠାରୁ ୨୪ହଜାର ଟଙ୍କା ଲାଞ୍ଚ ନେଉଥିବା ବେଳେ ସୋନପୁର ଓ ବଲାଙ୍ଗିର ଭିଜିଲାନ୍ସ ଟିମ୍  ହାତରେ ଧରା ପଢିଛନ୍ତି । ଜମି ପଞ୍ଜିକରଣ ପାଇଁ ଅଭିଯୋଗକାରୀଙ୍କ ଠାରୁ ଲାଞ୍ଚ ନେଉଥିବା ବେଳେ ପୂର୍ବ ଯୋଜନା ମୁତାବକ ଭିଜିଲାନ୍ସ ଟିମ ମାଡି ବସି ହେମକାନ୍ତଙ୍କ ଠାରୁ ସମସ୍ତ ଟଙ୍କା  ଜବତ କରିଥିଲା  । ଶିବ ପ୍ରସାଦ ଗୁରୁ ଓ ହେମକାନ୍ତ ବିଶିଙ୍କୁ ସୋନପୁର ଭିଜିଲାନ୍ସ ଅଫିସକୁ ଆଣି ପଚରାଉଚୁରା କରାଯାଉଛି  । ଏସଂପର୍କରେ ସମ୍ବଲପୁର ଭିଜିଲାନ୍ସ ଥାନାରେ ଏକ ମାମଲା ରୁଜୁ କରି ଅଧିକ ତଦନ୍ତ ଜାରି ରଖିଛି ଭିଜିଲାନ୍ସ ଟିମ ।