10-May-2023

ପାଟଣାଗଡ଼ (ପୁର୍ଣ୍ଣ ଶଶୀ ଶେଖର ରାଓ) ବଲାଙ୍ଗିର ଜିଲ୍ଲା ପାଟଣାଗଡ଼ ସହରର ବସଷ୍ଟାଣ୍ଡ ଠାରେ ଥିବା ହନୁମାନ ମନ୍ଦିର ସମ୍ମୁଖରେ ଆଜି ସନ୍ଧ୍ୟାରେ ହନୁମାନ ଚାଳିଶା ପଠନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଏଥିରେ ମୁଖ୍ୟ ବକ୍ତା ଭାବେ ବିକ୍ରମ ଆଚାର୍ଯ୍ୟ ଦାୟିତ୍ଵ ତୁଲାଇଥିବା ବେଳେ ସେ ହିନ୍ଦୁ ଧର୍ମ ର ମହତ୍ତ୍ଵ ବର୍ଣ୍ଣନା କରିଥିଲେ।ସେ ନିଜ ବକ୍ତବ୍ୟରେ କହିଥିଲେ କି ବଜରଙ୍ଗଦଳ ହେଉଛି ହିନ୍ଦୁ ଧର୍ମ ର ରକ୍ଷାକର୍ତ୍ତା ଓ ସାରା ଭାରତରେ ହିନ୍ଦୁ ଧର୍ମ କୁ ବଞ୍ଚାଇ ରଖିବା ପାଇଁ ବଜରଙ୍ଗଦଳ ଗଠିତ ହୋଇଛି ଏହା କୌଣସି ରାଜନୈତିକ ଦଳ ନୁହେଁ। ଯେକୌଣସି ଦଳ ଦେଶରେ ରାଜୁତି କରେ ଓ ହିନ୍ଦୁ ଧର୍ମ କୁ ଗୁରୁତ୍ବ ଦିଏ ତାହେଲେ ତାଙ୍କୁ ସମର୍ଥନ କରାଯିବ। ସହଯୋଗୀ ବକ୍ତା ଭାବେ ପ୍ରଭାକର ପାତ୍ର ନିଜ ବକ୍ତବ୍ୟରେ କହିଥିଲେ ଯେ ଧିରେ ଧିରେ ହିନ୍ଦୁ ଧର୍ମାବଲମ୍ବୀ ଲୋକଙ୍କ ସଂଖ୍ୟା କମିବାରେ ଲାଗୁଛି ତାହା କିପରି ଭାବେ ବଞ୍ଚାଇବାକୁ ପଡ଼ିବ ସେଥିପ୍ରତି ଧ୍ୟାନ ଦେବା ଆବଶ୍ୟକ। କଂଗ୍ରେସ ସରକାର କାର୍ଯ୍ୟ କାଳରେ ହିନ୍ଦୁ ମାନଙ୍କ ପ୍ରତି ଅନ୍ୟାୟ ଅତ୍ୟାଚାର ହୋଇଆସୁଥିବା ବେଳେ ତାହାର କଡ଼ା ଜବାବ ଦେବାକୁ ପଡ଼ିବ। ଆଜି ର ମୁଖ୍ୟ ପ୍ରସଙ୍ଗ ଥିଲା କର୍ଣ୍ଣାଟକ ନିର୍ବାଚନ ସମୟରେ କଂଗ୍ରେସ ଦଳ ଯଦି ସରକାର ହୁଏ ତାହେଲେ ବଜରଙ୍ଗଦଳ ଓ ବିଶ୍ବହିନ୍ଦୁ ପରିଷଦ କୁ ବ୍ୟାନ କରାଯିବ ଓ ସେମାନଙ୍କ ପ୍ରତି କାର୍ଯ୍ୟନୁଷ୍ଠାନ ନିଆଯିବ ବୋଲି ଯେଉଁ ମନ୍ତବ୍ୟ ରଖିଥିଲେ ତାର ବିରୋଧରେ ଆଜି ସାରା ଭାରତରେ ବଜରଙ୍ଗଦଳ ଓ ବିଶ୍ବହିନ୍ଦୁ ପରିଷଦ ର ମିଳିତ ଉଦ୍ୟମରେ ହନୁମାନ ଚାଳିଶା ପଠନ କରିଥିବା ବେଳେ ପାଟଣାଗଡ଼ ସହର ରେ ମଧ୍ୟ ସେହିପରିପ୍ରକ୍ଷୀରେ  ବିକ୍ଷୋଭ ପ୍ରଦର୍ଶନ କରିଥିଲେ । ଉକ୍ତ କାର୍ଯ୍ୟକ୍ରମରେ  ବଜରଙ୍ଗଦଳ ର ସଭାପତି ସୋମ୍ରେନ୍ଦ୍ର ଦାସ (ବଣ୍ଟି), ଧିରେନ୍ଦ୍ର ସେଠ, ରାକେଶ ପୁରୋହିତ, ରାକେଶ ନିଆଲ,ସମ୍ବିତ ତ୍ରିପାଠୀ,ରାଣା ଚିନ୍ଦା, ଅଜିତ୍ ଭାଟି,ତରୁଣ ସାଏ, ଲକ୍ଷ୍ମଣ ବୁଡେକ, କାହ୍ନା ବାଗ , କିଶୋର ତୁମନିଆ, ନୃସିଂହ ପଣ୍ଡା ଙ୍କ ସହିତ ଅନ୍ୟାନ୍ୟ ସଦସ୍ୟ ମାନେ ଉପସ୍ଥିତ ଥିଲେ। ଏଥିରେ ପାଟଣାଗଡ଼ ସହରର ଆଇନଜୀବୀ, ଗଣମାଧ୍ୟମ ପ୍ରତିନିଧି,ଅଟୋ ରିକ୍ସା ଚାଳକ,  ହିନ୍ଦୁ ପ୍ରେମୀମାନେ ସାମିଲ ଥିଲେ। ସମ୍ବଲପୁର ରେ ଗତ ହନୁମାନ ଜୟନ୍ତୀ ରେ ହିନ୍ଦୁ ମାନଙ୍କ ପ୍ରତି ଆକ୍ରମଣ କରାଗଲା ତାହାର ଦୃଢ଼ ନିନ୍ଦା କରିଛନ୍ତି ବଜରଙ୍ଗଦଳ।