07-May-2023

ବିନିକା(ହିମାଂଶୁ ଶେଖର ପୁଟେଲ)ଚଳିତ ମାସ ୨୨ରୁ ୨୫ତାରିଖ ପର୍ଯ୍ୟନ୍ତ  ବିନିକା ରଥପଡା ବିଶେଶ୍ୱର ମନ୍ଦିର ଠାରେ ଅନୁଷ୍ଟିତ ହେବାକୁ ଥିବା ଶୀତଳଷଷ୍ଠୀ ମହୋତ୍ସବ ପାଇଁ ଦେବଦେବ ମହାଦେବ ଓ ପାର୍ବତୀ ଦେବୀଙ୍କ ପିତାମାତା ଚୂଡାନ୍ତ ହୋଇଥିବା ବେଳେ ମହୋତ୍ସବ ପରିଚାଳନା ନେଇ ନୂତନ କମିଟି ଗଠିତ ହୋଇଯାଇଛି ।ଏଥିରେ ସଭାପତି ଭାବେ ପୂର୍ଣ୍ଣଚନ୍ଦ୍ର ମେହେର,କାର୍ଯ୍ୟକାରୀ ସଭାପତି ଅଜିତ ସାମନ୍ତରାୟ,ଉପସଭାପତି ସନ୍ତୋଷ ମହାକୁର,ସମ୍ପାଦକ ଚରଣ ମେହେର,ସହ ସମ୍ପାଦକ ସମ୍ବିତ ନେପାକ ମନୋନୀତ ହୋଇଥିବା ବେଳେ ଉପଦେଷ୍ଟା ମଣ୍ଡଳୀରେ ସୁଧାଂଶୁ ଶେଖର ଦାଶ,ମାନଗୋବିନ୍ଦ ମେହେର,ଶୀତଳ ମହାକୁର,ଅଶୋକ ପଟ୍ଟନାୟକ,ପଞ୍ଚାନନ ମେହେର, ହରିଭକ୍ତ ମେହେର,ଡମ୍ବରୁଧର ମେହେର,ଜୟଦେବ ରାଉତ,କୃଷ୍ଣଚନ୍ଦ୍ର ସାହୁ,ଉମାବଲ୍ଲଭ ଷଡ଼ଙ୍ଗୀ,ନାରାୟଣ ପାଢ଼ୀ,ଦୀନବନ୍ଧୁ ବାଘ, ଗୋପାଳଜି ବାରିକ,ସକ୍ରିୟ ସଦସ୍ୟ ଭାବେ ସନ୍ତୋଷ ସାହୁ,ବିଜୟ ସାମଲ,ଭୁବନେଶ୍ୱର ପାତ୍ର,ସଚିତାନନ୍ଦ ନେଗୀ,ବିକାଶ ମହାନ୍ତି,କୃଷ୍ଣଚନ୍ଦ୍ର କୁମ୍ଭାର ପ୍ରମୁଖ ରହିଛନ୍ତି ।ସେହିପରି ଶିକ୍ଷକ ଅନନ୍ତ କୁମାର ପଣ୍ଡା ଓ ତାଙ୍କ ଧର୍ମପତ୍ନୀ ପ୍ରଭାସିନୀ ପଣ୍ଡା ବିଶେଶ୍ୱର ବାବାଙ୍କ ପିତାମାତା ଦାୟିତ୍ଵ ତୁଲାଉଥିବା ବେଳେ ମାଁ ପାର୍ବତୀ ଦେବୀଙ୍କ ପିତାମାତା ଭାବେ ପ୍ରକାଶ କୁମାର ଅଗ୍ରୱାଲ(ବିଟୁ)ଓ ତାଙ୍କ ଧର୍ମପତ୍ନୀ ନୀତୁ ଅଗ୍ରୱାଲ ଦାୟିତ୍ଵ ନିର୍ବାହ କରିବେ। ଏହି ଅବସରରେ ପ୍ରଭୁ ଶିବଙ୍କୁ ପୁଅ ରୂପେ ପାଇବା ନେଇ ଅନନ୍ତ ଓ ପ୍ରଭାସିନୀ ବେଶ ଖୁସିରେ ଆତ୍ମହରା ହୋଇ କେଉଁ ଜନ୍ମର ସିକୃତି ଯୋଗୁଁ ଆମ୍ବେ ସ୍ବାମୀ ସ୍ତ୍ରୀ ଦୁହେଁ ଦେବ ଦେବ ମହାଦେବଙ୍କ ପିତାମାତା ହେବାର ସୁଯୋଗ ପାଇଁଛୁ ।ତେଣୁ ତାଙ୍କର ଅପାର କରୁଣା ଆମ ପ୍ରତି ରହିବ ବୋଲି ପ୍ରକାଶ କରିଥିଲେ ।ସେହିପରି ଭାଗ୍ୟରେ ଥିଲେ ପାର୍ବତୀ ମାଁ ଙ୍କୁ ଝିଅ ରୂପେ ପାଇବା ଆମ ପାଇଁ ସୌଭାଗ୍ୟ ବୋଲି ପାର୍ବତୀଙ୍କ ପିତାମାତା ପ୍ରକାଶ ଓ ନୀତୁ କହିଛନ୍ତି । ଝିଅ ବାହାଘର ପାଇଁ ଯାହା ଦରକାର ତାହା ଦେବାର ବ୍ୟବସ୍ଥା ଏବଂ ବିବାହ ଉତ୍ସବକୁ ଯେପରି ବନ୍ଧୁବାନ୍ଧବ ଓ ଶ୍ରଦ୍ଧାଳୁ ଭକ୍ତ ଉପସ୍ଥିତି ରହି ଦେବାଦେବୀଙ୍କ ଆଶୀର୍ବାଦ ନେବେ ସେନେଇ ପ୍ରୟାସ କରାଯାଇଛି । ବିଗତ ବର୍ଷ ଭଳି ଏଥର ମଧ୍ୟ ଶିବ ପାର୍ବତୀଙ୍କ ବିବାହ ଉତ୍ସବ ଜାକଜମକରେ ପାଳନ ନେଇ ସବୁ ପ୍ରକାର ଉଦ୍ୟମ କରାଯାଇଛି ବୋଲି କମିଟି ସୂତ୍ରରୁ ପ୍ରକାଶ ।