08-May-2023

ବାଲାଙ୍ଗୀର(ଦେବାଶିଷ ବହିଦାର): ଗତକାଲି ସ୍ଥାନୀୟ ନଟରାଜ ପେଲେସ ଠାରେ ବଲାଙ୍ଗୀର ଜିଲ୍ଲା ର ୧୪ ଗୋଟି ବ୍ଲକର ଅଧ୍ୟକ୍ଷ, ଅଧ୍ୟକ୍ଷା, ଉପଉଧ୍ୟକ୍ଷ, ଉପାଧ୍ୟକ୍ଷା ତଥା ସମିତି ସଭ୍ୟ ସଭ୍ୟା ମାନଙ୍କୁ ନେଇ ଏକ ବୈଠକ ଅନୁଷ୍ଠିତ ହୋଇଥିଲା । ଏଥିରେ ସମସ୍ତଙ୍କ ନେଇ ଏକ ଜିଲ୍ଲାସ୍ତରୀୟ ସଂଘ ଗଠନ କରାଯାଇଛି ।  ବଲାଙ୍ଗୀର ସଦର ବ୍ଲକ ସଦେଇପାଲିର ସମିତି ସଭ୍ୟ ଗୋଲାପ ବାଗ ଏଥିରେ ସଭାପତି ଭାବରେ ମନୋନୀତ ହୋଇଛନ୍ତି । ଏଥିରେ ସଂପାଦକ ଭାବରେ ବଙ୍ଗୋମୁଣ୍ଡା ବ୍ଲକ ର ମୁରଲୀଧର କୁମ୍ଭାର , ଲୋଇସିଂହା ବ୍ଲକର ଜ୍ୟୋସ୍ନାମୟୀ ନାଗ ଉପସଭାପତି, ଟିଟିଲାଗଡ଼ ବ୍ଲକର କମଳ ରଣା ଉପସଭାପତି ଭାବରେ ମନୋନୀତ ହୋଇଛନ୍ତି । ଜିଲ୍ଲାର ସମସ୍ତ ବ୍ଲକର ଅଧ୍ୟକ୍ଷ ଓ ଅଧ୍ୟକ୍ଷା ମାନେ ଏକ୍ସ ଅଫିସିଓ ମେମ୍ବର ଭାବରେ କମିଟିର ସଦସ୍ୟ ରହିବେ । ଏହାଛଡା ପ୍ରତ୍ୟେକ ବ୍ଲକର ଜଣେ ଜଣେ ବ୍ଲକ ପ୍ରତିନିଧି ଭାବରେ ମନୋନୀତ ହୋଇଛନ୍ତି । ଅନ୍ୟ ମାନଙ୍କ ମଧ୍ୟରେ ବଲାଙ୍ଗିର ବ୍ଲକ ଅଧ୍ୟକ୍ଷା ସରିତା ବାଗ, ପୁଇଁତଳା ବ୍ଳକ ଅଧକ୍ଷ ସରୋଜ ପ୍ରଧାନ, ଦେଓଗାଁ ବ୍ଲକ ଅଧ୍ୟକ୍ଷ ଦୟାନିଧି ଖମାରୀ, ମୁରିବାହଲ ବ୍ଲକ ଅଧ୍ୟକ୍ଷ ହରି ବନ୍ଧୁ ମେହେର, ଲୋଇସିଂହା ଅଧକ୍ଷ ଯତୀନ୍ଦ୍ର ପୁଟେଲ, ବେଲପଡ଼ା ବ୍ଲକ ଉପାଧକ୍ଷ ଦୁର୍ଯ୍ଯୋଧନ କୁମ୍ଭାର ପ୍ରମୁଖ ଉପସ୍ଥିତ ରହି ଆଲୋଚନାରେ ଅଂଶଗ୍ରହଣ କରିଥିଲେ l ଆଗାମୀ ଦିନରେ ସଂଘ ର ଦାବି ଓ ଅନ୍ୟାନ୍ୟ ସମସ୍ୟା ସମ୍ପର୍କରେ ଜିଲ୍ଲା ପ୍ରଶାସନ କୁ ଅବଗତ କରାଯିବା ପାଇଁ ନିଷ୍ପତ୍ତି ଗ୍ରହୀତ ହୋଇଥିଲା l