07-May-2023

ବଲାଙ୍ଗିର(ଦେବାଶିଷ ବହିଦାର ): ପ୍ରତି ରବିବାର ଦିବା ଘ.୧୨.୩୦ମି. ସମୟରେ ବଲାଙ୍ଗିର ଭୀମଭୋଇ ମେଡିକାଲ କଲେଜ ଓ ହସ୍‌ପିଟାଲ ପରିସରରେ ରୋଗୀ ଓ ସେମାନଙ୍କର ସହାୟକ ଭାବରେ ଆସିଥିବା ବ୍ୟକ୍ତି ବିଶେଷମାନଙ୍କୁ ସହଯୋଗ ଫାଉଣ୍ଡେସନ ତରଫରୁ ଅନ୍ନପୂର୍ଣ୍ଣା ମାଧ୍ୟମରେ ୭ ମାସ ହେଲା ଭାତ ଓ ଡାଲମା ତାହା ସହିତ ବେଳେ ବେଳେ ଅନ୍ୟାନ୍ୟ ମିଷ୍ଟାନ୍ନ ବଣ୍ଟନ କରିଆସୁଛି । ଓଡିଶା ସରକାର ରବିବାର ଦିନ ଆହାର କେନ୍ଦ୍ର ବନ୍ଦ ଥିବା ବେଳେ ସହଯୋଗ ଫାଉଣ୍ଡେସନ ତରଫରୁ ନିଆଯାଇଥିବା ରବିବାର ଦିନ ଅନ୍ନପୂର୍ଣ୍ଣା ଯୋଜନା ମାଗଣାରେ ଖାଇବାକୁ ଯୋଗାଉଛି । ସେଥି ପାଇଁ ସହଯୋଗ ଫାଉଣ୍ଡେସନର କାର୍ଯ୍ୟକ୍ରମକୁ ପ୍ରଶଂସା କରିବା ସହିତ ଭବିଷ୍ୟତରେ ରବିବାର ଅନ୍ନପୂର୍ଣ୍ଣା କାର୍ଯ୍ୟକ୍ରମ ଆହାରର ବିକଳ୍ପ ହେଉ ବୋଲି ସମ୍ମାନିତ ଅତିଥି ଭାବରେ ଯୋଗଦେଇଥିବା ନନ୍ଦିଘୋଷ ଟିଭିର ବ୍ୟୁରୋ ମୁଖ୍ୟ ଦିପକ ପୁରୋହିତ ଓ ଶିବା ଆର୍ଟର ମାଲିକ ଶିବ ଶଙ୍କର ମେହେର ମତପ୍ରକାଶ କରିଥିଲେ ।  କାର୍ଯ୍ୟକ୍ରମରେ ଆପ କା ସ୍ୱାସ୍ଥ୍ୟ ଆପକା ସାଥ ଅତିଥିଗଣ ଦ୍ୱାରା ଉନ୍ମୋଚନ ହୋଇଥିଲା । ଯାହା ସହଯୋଗ ଫାଉଣ୍ଡେସନ ତରଫରୁ ଆସନ୍ତା ଶନିବାର ଦିନ ଠାରୁ ବଲାଙ୍ଗିର ବିଭୁତିପଡା ସ୍ଥିତ ପାର୍କରେ ସକାଳ ୬ଟାରୁ ୭ଟା ପର୍ଯ୍ୟନ୍ତ ସ୍ୱାସ୍ଥ୍ୟ ସମ୍ପର୍କିତ ସଚେତନତା ଜାରି ରହିବ । କାର୍ଯ୍ୟକ୍ରମରେ ସହଯୋଗ ଫାଉଣ୍ଡେସନର ସଭ୍ୟ

ତଥା ମୋଟିଭେଟର ଆର୍ତ୍ତତ୍ରାଣ ପାଢୀ, ଆପ କା ସ୍ୱାସ୍ଥ୍ୟ ଆପକା ସାଥ ବିଷୟରେ ବିଷଦ ଭାବରେ ଅବଗତ କରାଇଥିଲେ । ଅନ୍ନପୂର୍ଣ୍ଣା କାର୍ଯ୍ୟକ୍ରମକୁ ଆଜି ପାଇଁ ସହଯୋଗର ହାତ ବଢାଇଥିଲେ ଟିଟିଲାଗଡର ସମାଜସେବୀ ଅମର ଜୈନ । କାର୍ଯ୍ୟକ୍ରମରେ ପିଙ୍କି ମୋଦୀ, ପ୍ରତ୍ୟୁଷ ପୁରୋହିତ, ପ୍ରଭାତ ଶ୍ରୀବାସ୍ତବ, ରାମ ଅବତାର ଅଗ୍ରୱାଲା,  ସନ୍ତୋଷ ଲାଲା, ପୂଜା ଲାଲ, ତୁଫାନ ପାତ୍ର, ସୁଦିପ୍ତ ତ୍ରିପାଠି, ଦିପକ ଜୈନ, ଅନିଲ ମୋଦୀ,  ଶଙ୍କର ଦିପ, ଅଚ୍ୟୁତ ସାହୁ, ରାମ ନାରାୟଣ ଦାଶ, ପବନ ଅଗ୍ରୱାଲା ପ୍ରମୁଖ ସହଯୋଗ କରିଥିଲେ । କାର୍ଯ୍ୟକ୍ରମକୁ ଡ. ପଂଚାନନ ପ୍ରଧାନ ପରିଚାଳନା କରିଥିଲେ ।