07-May-2023

ବିନିକା(ହିମାଂଶୁ ଶେଖର ପୁଟୈଲ)ବିନିକା ସ୍ପୋର୍ଟସ କ୍ଲବ ତରଫରୁ ସ୍ଥାନୀୟ ବିଜୁ ପଟ୍ଟନାୟକ ଷ୍ଟାଡିୟମ ଠାରେ ଆଇପିଏଲ ଢାଞ୍ଚାରେ ଚାଲିଥିବା ବିପିଏଲ ସିଜନ-୩ କ୍ରିକେଟ ଟୁର୍ଣ୍ଣାମେଣ୍ଟର ଶନିବାର ଅନୁଷ୍ଟିତ ଚତୁର୍ଥ ରାଉଣ୍ଡର ତୃତୀୟ ମ୍ୟାଚରେ ଅତୁଳ-୧୧କୁ ହରାଇ ସାଗର-୧୧ ଏକତରଫା ବିଜୟ ହୋଇଛି । ଟଚ ଜିଣି ଅତୁଳ ପ୍ରଥମେ ବ୍ୟାଟିଂ କରି ୧୦ଓଭରରେ ୭ୱିକେଟ ହରାଇ ୫୭ରନ କରିଥିଲା ତାର ଜବାବରେ ସାଗର ଦଳର ଅପନର ବ୍ୟାଟ୍ସମ୍ୟାନ ରବୀନ୍ଦ୍ର ଓ ପ୍ରଶାନ୍ତ ବିନା ୱିକେଟରେ ୪.୨ ଓଭରରେ ୬୧ରନ କରି ଦଳକୁ  ବିଜୟୀ କରିବାରେ ପ୍ରମୁଖ ଭୂମିକା ନିଭାଇଥିଲେ । ମ୍ୟାଚକୁ  ବାବୁଲାଲ ସାହୁ  ଓ ସବ୍ୟସାଚୀ ମିଶ୍ର ପରିଚାଳନା କରିଥିବା ବେଳେ ସ୍କୋରର ଭାବେ ଆଲୋକ ସେଠୀ ଏବଂ ମ୍ୟାଚର ଧରାବିବରଣୀ ବୈରାଗୀ ପ୍ରଧାନ ପ୍ରଦାନ କରିଥିଲେ ।ସ୍ପୋର୍ଟସ କ୍ଲବ ସମ୍ପାଦକ ମନୋଜ ଦାସଙ୍କ ଅଧ୍ୟକ୍ଷତାରେ ଅନୁଷ୍ଠିତ ପୁରସ୍କାର ବିତରଣୀ ଉତ୍ସବରେ ମୁଖ୍ୟଅତିଥି ଭାବେ ଏଲଆଇସିସି ଏଜେଣ୍ଟ ହରିବନ୍ଧୁ ମେହେର,ସମ୍ମାନିତ ଅତିଥି ଭାବେ ପାଢ଼ୀ କଷ୍ଟ୍ରକସନ ମାଲିକ ଗୌରବ ପାଢ଼ୀ,ଯୁବ ବ୍ୟବସାୟୀ ରାକେଶ ସାହୁ ଯୋଗଦେଇ ବିଜୟୀ/ରନରସଅପ ଦଳ ଓ ସାଗର ଦଳ ତରଫରୁ ଉଚ୍ଚ କୋଟିର ବୋଲିଂ ପ୍ରଦର୍ଶନ କରିଥିବା ସୁନିଲ ଭୋଇଙ୍କୁ ମ୍ୟାନ ଅଫ ଦି ମ୍ୟାଚ ପୁରସ୍କାର ପ୍ରଦାନ କରାଯାଇଥିଲା । ରବିବାର ଅପରାହ୍ନରେ ବାଦୀ ବ୍ରଦରସ ବନାମ କମ୍ରେଡ ମଧ୍ୟରେ ସଂଘର୍ଷପୂର୍ଣ୍ଣ ମ୍ୟାଚ ଅନୁଷ୍ଟିତ ହେବ ।ଉଭୟ ଦଳର ଖେଳାଳୀ ମାନଙ୍କୁ ଉତ୍ସାହିତ କରିବା ସହିତ ପୁରସ୍କାର ପ୍ରଦାନ ନିମନ୍ତେ ମୁଖ୍ୟ ଅତିଥି ଭାବେ ଭାରତୀୟ ଷ୍ଟେଟ ବ୍ୟାଙ୍କ ଗଡପଳାସୁନୀ ଶାଖା ପରିଚାଳକ ଘନଶ୍ୟାମ ମେହେର,ସ୍ଵତନ୍ତ୍ର ଅତିଥି ଭାବେ ବିନିକା ସରକାରୀ ବାଳକ ଉଚ୍ଚ ବିଦ୍ୟାଳୟ ପ୍ରଧାନ ଶିକ୍ଷକ ନୀଳାଚଳ ମେହେର,ସମ୍ମାନିତ ଅତିଥି ଭାବେ ବିଜେଡ଼ି ବିନିକା ବ୍ଲକ ସଂଗଠକ ତଥା ଚାଷୀ ନେତା ଭୀମସେନ ସାହୁ,ଯୁବ ଉଦ୍ୟୋଗୀ ସୁଧୀର କର ପ୍ରମୁଖ ଯୋଗଦେବେ ବୋଲି ଆୟୋଜକଙ୍କ ସୂତ୍ରରୁ ପ୍ରକାଶ ।