06-May-2023

ବଲାଙ୍ଗିର(ଦେବାଶିଷ ବହିଦାର)- ଚିର ମରୁଡି ପ୍ରପିଡିତ ବଲାଙ୍ଗିର ଜିଲ୍ଲାରେ କିଛି ମାତ୍ରାରେ ଜଳ ସେଚନ ର ସ୍ଥିତି ବଢାଇବା ପାଇଁ ଅଞ୍ଚଳରେ ଯେତେ ସବୁ ପ୍ରାକୃତିକ ନାଳା ଅଛି ସେ ଉପରେ ଆମକୁ ଛୋଟ ଛୋଟ ଚେକ ଡ୍ୟାମ ମାଧ୍ୟମରେ ପାଣୀ ଗଚ୍ଛିତ ରଖିବାକୁ ହେବ । ସେହି କ୍ରମରେ ଆଜି ବଲାଙ୍ଗିର ବ୍ଲକ ସ୍ଥିତ ବରକାନୀ ଠାରେ ବହି ଯାଉଥିବା ମଠଖାଇ ନାଳର ଦୁଇଟି ସ୍ଥାନ ଯଥା ବରକାନୀ ଓ ବରପଦର ଠାରେ ଦୁଇ ଗୋଟି ଚ୍ୟାକ ଡ୍ୟାମ ର ଭିତ୍ତିପ୍ରସ୍ତର ଦିଆଯାଇଛି । ଏହି ଦୁଇ ଚ୍ୟାକଡ୍ୟାମରେ ଗଚ୍ଛିତ ହେବାକୁ ଥିବା ପାଣୀ ଯୋଗୁଁ ଅଂଚଳର ଜମିର ଅଦ୍ରତା ବଢିବା ସହ ୧୦୦ଏକରରୁ ଉର୍ଦ୍ଧ୍ୱଚାଷ ଜନିକୁ ଜଳ ସେଚନ ପାଇଁ ପାଣୀ ପହଞ୍ଚିପାରିବ । ତେଣୁ ଏହି ଉଭୟ ଚ୍ୟାକଡ୍ୟାନ ଏହି ଅଂଚଳର କ୍ଷୁଦ୍ର ଚାଷୀମାନଙ୍କ ପାଇଁ ଏକ ଆଶିର୍ବାଦ ସଦୃଶ ପାଲଟିବ ବୋଲି ଆଜି ଉଭୟ ଚ୍ୟାକଡ୍ୟାମର ଭିତ୍ତିପ୍ରସ୍ତର ର ପରବର୍ତ୍ତି ସଭା ରେ ମାନ୍ୟବର ଲାଙ୍ଗିର ବିଧାୟକ ନିଜ ବକ୍ତବ୍ୟରେ କହିଛନ୍ତି । ବରକାନୀ ଓ ବରପଦର ଠାରେ ହେବାକୁ ଥିବା ଏହି ଉଭୟ ଚ୍ୟାକଡ୍ୟମର ବ୍ୟୟ ଅଟକଳ ଯଥା କ୍ରମେ ୩୭ ଲକ୍ଷ ଓ ୩୬ ଲକ୍ଷ ହୋଇଥିବା ବେଳେ ଏହାର ସମୟ ସୀମା ଦୁଇ ମାସ ଧାର୍ଯ୍ୟ କରାଯାଇଛି । ଏହି ପ୍ରକଳ୍ପ

ନିର୍ମାଣରେ ଯୋମିତି କୌଣସି ଅବହେଳା କରାନ ଯିବ, ଏହାର ଜଳ ଧାରଣ କ୍ଷମତା ଯୋଜନ ମୁତାବକ ଠିକ ରହିବ ଏବଂ ଯେପରି ସମୟସୀମା ବ୍ୟତିକ୍ରମ ନହେବ ସେ ଉପରେ ସ୍ୱତନ୍ତ୍ର ଧ୍ୟାନ ଦେବାକୁ ଉପସ୍ଥିତ ଥିବା ବିଭାଗୀୟ ଯନ୍ତ୍ରୀ ଶ୍ରୀ ବେହେରାଙ୍କୁ ଶ୍ରୀ ମିଶ୍ର ନିର୍ଦ୍ଦେଶ ଦେଇଥିଲେ । ଏହି ଉଭୟ ଚ୍ୟାକଡ୍ୟାମର ଭିତ୍ତିପ୍ରସ୍ତର ସଭାରେ ସ୍ଥାନୀୟ ସରପଞ୍ଚ ବଳଦେବ ସାହୁ ବିଧାୟକ ଶ୍ରୀ ମିଶ୍ରଙ୍କ ଅଂଚଳ ତରଫରୁ ଧନ୍ୟବାଦ ଦେବା ସହ କୃତଜ୍ଞତା ଜଣାଇଥିଲେ । ସଭାରେ ମଞ୍ଚସୀନ ଥିବା ଗାଁର ବରିଷ୍ଠ ନାଗରୀକ ମାନେ ପଞ୍ଚାୟତରେ ସାଧାରଣତଃ ଅର୍ଥନୈତିକ ଅନଗ୍ରସର ଲୋକେ ବେସି ପରିମାଣରେ ବାସ କରୁଥିବାରୁ ଏଠାରେ ଏକ କଲ୍ୟାଣ ମଣ୍ଡପ ନିର୍ମାଣ ପାଇଁ ବିଧାୟକ ପଦକ୍ଷେପ ଗ୍ରହଣ କରନ୍ତୁ ବୋଲି ଦାବୀ କରିଥିଲେ । ତାଛଡା ଅଂଚଳରେ ଅନେକ ନାମକରା ଫୁଟବଲ ଖେଳାଳି ଥିବାରୁ ଏକ ମିନି ଷ୍ଟାଡିଅମର ଆବଶ୍ୟକତା ଉପରେ ଗ୍ରାମବାସୀ ବିଧାୟକଙ୍କ ଦୃଷ୍ଟି ଆକର୍ଷଣ କରିଥିଲେ । ଅନ୍ୟମାନଙ୍କ ମଧ୍ୟରେ ବିଧାୟକ ପ୍ରତିନିଧି କିଶୋର ସିଂ ନିନା, ଶିବରାଜ ସିଂ ମାଝୀ, ଦୃବ ପ୍ରସାଦ ସାହୁ, ଶରତ ଚନ୍ଦ୍ର ଭୋଇ, ଚନ୍ଦନ ବିଶ୍ୱାଲ, ପଲଟୁ ସିଂ ମାଝୀ, ଗଣ୍ଡାରାମ ପ୍ରଧାନ ପ୍ରମୁଖଙ୍କ ସମେତ ଅନେକ ମହିଳା ଓ ପୁରୁଷ ଉପସ୍ଥିତ ଥିଲେ ।