29-Apr-2023

ବିନିକା(ହିମାଂଶୁ ଶେଖର ପୁଟେଲ)ବିନିକା ସ୍ପୋର୍ଟସ କ୍ଲବ ତରଫରୁ ସ୍ଥାନୀୟ ବିଜୁ ପଟ୍ଟନାୟକ ଷ୍ଟାଡିୟମ ଠାରେ ଆଇପିଏଲ ଢାଞ୍ଚାରେ ଚାଲିଥିବା ବିପିଏଲ ସିଜନ-୩ କ୍ରିକେଟ ଟୁର୍ଣ୍ଣାମେଣ୍ଟ ଦ୍ଵିତୀୟ ରାଉଣ୍ଡର ତୃତୀୟ ମ୍ୟାଚରେ ଅତୁଳ-୧୧କୁ ହରାଇ ବାଦୀ ବ୍ରଦରସ ବିଜୟୀ ହୋଇଛି । ଟଚ ଜିଣି ଅତୁଲ-୧୧ ପ୍ରଥମେ ବ୍ୟାଟିଂ କରି ୧୦ଓଭରରେ ୭ୱିକେଟ ହରାଇ ୫୦ରନ କରିଥିଲା ତାର ଜବାବରେ ବାଦୀ ବ୍ରଦରସ ର ଓପନର ଖେଳାଳୀ ଧୂଆଁଧାର ବ୍ୟାଟିଂ କରି ୪.୫ ଓଭରରେ ୧ୱିକେଟ ହରାଇ ୫୨ରନ କରି ବିଜୟୀ ହୋଇଥିଲେ । ମ୍ୟାଚକୁ ପ୍ରଦୀପ ମହାଳିଂ ଓ ରଞ୍ଜିତ ପଣ୍ଡା ପରିଚାଳନା କରିଥିବା ବେଳେ ସ୍କୋରର ଭାବେ ହାଡୁ ବଢେଇ,ଆଲୋକ ସେଠୀ ଏବଂ ମ୍ୟାଚର ଧରାବିବରଣୀ ଭବାନୀ ଶଙ୍କର ଜଗଦଳା ପ୍ରଦାନ କରିଥିଲେ ।ସ୍ପୋର୍ଟସ କ୍ଲବ କୋଷାଧ୍ୟକ୍ଷ ହିମାଂଶୁ ଶେଖର ପୁଟେଲଙ୍କ ଅଧ୍ୟକ୍ଷତାରେ ଅନୁଷ୍ଠିତ ପୁରସ୍କାର ବିତରଣୀ ଉତ୍ସବରେ ମୁଖ୍ୟଅତିଥି ଭାବେ ଓଡ଼ିଶା ପ୍ରଦେଶ କଂଗ୍ରେସ କମିଟି ସଦସ୍ୟ ସଂଗ୍ରାମ କେଶରୀ ନାୟକ,ସମ୍ମାନିତ ଅତିଥି ଭାବେ ଏନଏସୟୁଆଇ ସୁବର୍ଣ୍ଣପୁର ଜିଲ୍ଲା କାର୍ଯ୍ୟକାରୀ ସଭାପତି ଟିକୁ ହୋତା,ସୋସିଆଲ ମିଡ଼ିଆ ଜିଲ୍ଲା ସଂଯୋଜକ

ସୁମନ୍ତ ସାହୁ,ଯୁବ କଂଗ୍ରେସ ସଂଗଠକ ଅନିଲ ନାଏକ ପ୍ରମୁଖ ଯୋଗଦେଇ ବିଜୟୀ/ରନରଅପ ଦଳ,ସର୍ବାଧିକ ରନ କରିଥିବା ରିଣ୍ଟୁ ମେହେର ମ୍ୟାନ ଅଫ ଦି ମ୍ୟାଚ,ବେଷ୍ଟ ସିକସର୍ ବିଶ୍ଵନାଥଙ୍କୁ ପୁରସ୍କାର ପ୍ରଦାନ କରାଯାଇଥିଲା । ଶନିବାର ଅପରାହ୍ନରେ ତ୍ରିରଙ୍ଗା ୟୁଦ କ୍ଲବ ବନାମ ସିଦ୍ଧିକ୍ଷା ରେବେଲସ  ମଧ୍ୟରେ ମ୍ୟାଚ ଅନୁଷ୍ଟିତ ହେବ ।ଉଭୟ ଦଳର ଖେଳାଳୀ ଙ୍କୁ ଉତ୍ସାହିତ କରିବା ସହିତ ପୁରସ୍କାର ପ୍ରଦାନ ପାଇଁ ଯୁବ ବିଜେଡ଼ି ସଂଗଠକ ତଥା ସ୍ବେଚ୍ଛାସେବୀ ବାବୁଲାଲ ପଣ୍ଡା,ଯୁବ ବ୍ୟବସାୟୀ ବିକାଶ ଦଣ୍ଡସନା,ଯୁବ ଆଇନଜୀବୀ ଦେବରାଜ ମେହେର ପ୍ରମୁଖ ଅତିଥି ଭାବରେ ଯୋଗଦେବେ ବୋଲି ଆୟୋଜକଙ୍କ ସୂତ୍ରରୁ ପ୍ରକାଶ ।