28-Apr-2023

ବିନିକା(ହିମାଂଶୁ ଶେଖର ପୁଟେଲ)ବିନିକା ସ୍ପୋର୍ଟସ କ୍ଲବ ତରଫରୁ ସ୍ଥାନୀୟ ବିଜୁ ପଟ୍ଟନାୟକ ଷ୍ଟାଡିୟମ ଠାରେ ଆଇପିଏଲ ଢାଞ୍ଚାରେ ଚାଲିଥିବା ବିପିଏଲ ସିଜନ-୩ କ୍ରିକେଟ ଟୁର୍ଣ୍ଣାମେଣ୍ଟ ଦ୍ଵିତୀୟ ରାଉଣ୍ଡର ଦ୍ଵିତୀୟ ମ୍ୟାଚରେ ପିସିସିକୁ ହରାଇ ଆନ୍ୟା ସ୍ପୋର୍ଟିଙ୍ଗ ବିଜୟୀ ହୋଇଛି । ଟଚ ଜିଣି ପିସିସି ପ୍ରଥମେ ବ୍ୟାଟିଂ କରି ୯ଓଭରରେ ସମସ୍ତ ୱିକେଟ ହରାଇ ୪୧ରନ କରିଥିଲା ତାର ଜବାବରେ ଆନ୍ୟା ସ୍ପୋର୍ଟିଙ୍ଗ ୮.୩ ଓଭରରେ ୪ୱିକେଟ ହରାଇ ୪୨ରନ କରି ବିଜୟୀ ହୋଇଥିଲା । ମ୍ୟାଚକୁ ପ୍ରଦୀପ ମହାଳିଂ ଓ ଜିତେନ୍ଦ୍ର ମାହାଣା ପରିଚାଳନା କରିଥିବା ବେଳେ ସ୍କୋରର ଭାବେ ହାଡୁ ବଢେଇ,ଆଲୋକ ସେଠୀ ଏବଂ ମ୍ୟାଚର ଧରାବିବରଣୀ ଶଶାଙ୍କ ଓ ଭବାନୀ ପ୍ରଦାନ କରିଥିଲେ ।ସ୍ପୋର୍ଟସ କ୍ଲବ ଉପ ସଭାପତି ବୁଲୁ ଦଣ୍ଡିଆଙ୍କ ଅଧ୍ୟକ୍ଷତାରେ ଅନୁଷ୍ଠିତ ପୁରସ୍କାର ବିତରଣୀ ଉତ୍ସବରେ ମୁଖ୍ୟଅତିଥି ଭାବେ ବୀରମହାରାଜପୁର ବିଧାନସଭା ଆସନର ବିଜେପି ଆଶାୟୀ ବିଧାୟକ ପ୍ରାର୍ଥୀ ତଥା ଅନୁସୂଚିତ ଜାତି ମୋର୍ଚା ପ୍ରଭା ରୀ ବଳରାମ ସୁନା,ସମ୍ମାନିତ ଅତିଥି ଭାବେ ବିନିକା ବିଜେପି ପୂର୍ବତନ ନଗର ସଭାପତି ସମ୍ବିତ ନେପାକ,ବିନିକା ନଗର ଇପ ସଭାପତି ଧର୍ମେନ୍ଦ୍ର ସାହୁ ସମ୍ମାନିତ ଅତିଥି ଭାବେ ଯୋଗଦେଇ ବିଜୟୀ/ରନରଅପ ଦଳ ଏବଂ ଆନ୍ୟା ସ୍ପୋର୍ଟିଙ୍ଗ ର  ଦିନେଶ ନାଏକ ୨.୩ଓଭର ବୋଲିଂ କରି ୩ ମୂଲ୍ୟବାନ ୱିକେଟ ନେଇ ଦଳକୁ ବିଜୟୀ କରିବାରେ ପ୍ରମୁଖ ଭୂମିକା ତୁଲାଇଥିବାରୁ ମ୍ୟାନ ଅଫ ଦି ମ୍ୟାଚ ପୁରସ୍କାର ପ୍ରଦାନ କରାଯାଇଥିଲା । ଶୁକ୍ରବାର ଅପରାହ୍ନରେ ଅତୁଳ-୧୧ ବନାମ

ବାଦୀ ବ୍ରଦରସ ମଧ୍ୟରେ ମ୍ୟାଚ ଅନୁଷ୍ଟିତ ହେବ ।ଉଭୟ ଦଳର ଖେଳାଳୀ ଙ୍କୁ ଉତ୍ସାହିତ କରିବା ସହିତ ପୁରସ୍କାର ପ୍ରଦାନ ପାଇଁ ମୁଖ୍ୟ ଅତିଥି ଭାବରେ ପ୍ରଦେଶ କଂଗ୍ରେସ କମିଟି ସଦସ୍ୟ ସଂଗ୍ରାମ କେଶରୀ ନାୟକ (ଜିଲୁ),ସମ୍ମାନିତ ଅତିଥି ଭାବେ ଏନ ଏସ ୟୁ ଆଇ ସୁବର୍ଣ୍ଣପୁର ଜିଲ୍ଲା କାର୍ଯ୍ୟକାରୀ ସଭାପତି ଟିକୁ ହୋତା, ସୋସିଆଲ ମିଡ଼ିଆ ଜିଲ୍ଲା ସଂଯୋଜକ ସୁମନ୍ତ ସାହୁ,ଯୁବ କଂଗ୍ରେସ ସଂଗଠକ ଅନିଲ ନାଏକ ପ୍ରମୁଖ ଯୋଗଦେବେ ବୋଲି ଆୟୋଜକଙ୍କ ସୂତ୍ରରୁ ପ୍ରକାଶ ।