27-Apr-2023

ବଙ୍ଗୋମୁଣ୍ଡା (ପୂର୍ଣ୍ଣ ଶଶୀ ଶେଖର ରାଓ )ପଞ୍ଚାୟତ ଜରିଆରେ ସୁବିଧାରେ ଏହି ସହାୟତା ରାଶି ପ୍ରଦାନ ପାଇଁ ସରକାର ଘୋଷଣା ମଧ୍ୟ କରୁଛନ୍ତି l ହେଲେ ଏହାର୍ ବ୍ୟତିକ୍ରମ ଦେଖା ଦେଇଛି ବଲାଙ୍ଗିର ଜିଲ୍ଲା ଉପାନ୍ତ ବଙ୍ଗୋମୁଣ୍ଡା ପଞ୍ଚାୟତରେ l
 ଅଭିଯୋଗରୁ ପ୍ରକାଶ ଯେ , ବଲାଙ୍ଗିର ଜିଲ୍ଲା ବଙ୍ଗୋମୁଣ୍ଡା ବ୍ଲକ ବଙ୍ଗୋମୁଣ୍ଡା ପଞ୍ଚାୟତରେ ବୁଢ଼ା ବୁଢୀ ମାନେ ବାର୍ଦ୍ଧକ୍ୟ ଭତ୍ତା ପାଇବାରୁ ବଞ୍ଚିତ ହୋଇଛନ୍ତି l ଏବେ ପଞ୍ଚାୟତ ବଦଳରେ ବ୍ୟାଙ୍କ୍ ମାଧ୍ୟମରେ ବାର୍ଦ୍ଧକ୍ୟ ଭତ୍ତା ପ୍ରଦାନ କରାଯାଉଥିବାରୁ ଭତ୍ତା ପ୍ରଦାନରେ ଏପରି ବିଳମ୍ବ ଘଟୁଛି ବୋଲି ହିତାଧିକାରୀ ମାନେ କହିଛନ୍ତି l ପ୍ରତ୍ୟେକ ଦିନ ସରକାରୀ ସାହାଯ୍ୟରେ ବଞ୍ଚିତ ଏପରି ଅନେକ୍ ବୁଢ଼ା ବୁଢୀ ପଞ୍ଚାୟତର ଚକ୍କର କାଟି କାଟି ହଇରାଣ ହେବା ସାର ହେଉଛି l ଏ ସମ୍ପର୍କରେ ଆମେ ବଙ୍ଗୋମୁଣ୍ଡା ପଞ୍ଚାୟତର ସରପଞ୍ଚ ଆଜିତ କୁମାର ଯୋଶୀ ଙ୍କୁ ପଚାରିବାରୁ ସେ ଏ ବାବଦରେ ଆମ ର କିଛି ଦୋଷ ନାହିଁ ବୋଲି କହିଥିଲେ l ହିତାଧିକାରୀ ମାନଙ୍କ ଟଂକା ଯେଉଁଦିନ ଠାରୁ ବ୍ୟାଙ୍କ୍ ମାଧ୍ୟମରେ ପ୍ରଦାନ କରାଗଲା ସେହି ଦିନଠାରୁ ହିତାଧିକାରୀ ମାନଙ୍କ ମଧ୍ୟରେ ଏପରି ଅସନ୍ତୋଷ ଲାଗିରହିଥିବା କଥାକୁ ସ୍ଵୀକାର କରିଥିଲେ l ସେ ଯାହା ହେଉ , ବଙ୍ଗୋମୁଣ୍ଡା ପଞ୍ଚାୟତ ଅଧୀନରେ ଥିବା ହିତାଧିକାରୀ ମାନଙ୍କୁ ଠିକ୍ ସମୟରେ ସରକାରୀ ପ୍ରଦତ୍ତ ରାଶି ପ୍ରଦାନ କରିବାକୁ ଦାବି ହେଉଛି l