25-Apr-2023

ବଲାଙ୍ଗିର(ଦେବାଶିଷ ବହିଦାର ):  ପ୍ରତିବର୍ଷ ଭଳି ଏବର୍ଷ ମଧ୍ୟ ଏପ୍ରିଲ ୨୫ରେ ବିଶ୍ଵ ମେଲେରିଆ ଦିବସ ବଲାଙ୍ଗିର ସହରାଞ୍ଚଳ ପ୍ରାଥମିକ ସ୍ୱାସ୍ଥ୍ୟ କେନ୍ଦ୍ର, ଶାସ୍ତ୍ରୀ ନଗର  ପରିସର ମଧ୍ୟରେ ପାଳନ କରାଯାଇଛି l  ମ୍ୟାଲେରିଆ ରୋଗ ସମ୍ପର୍କରେ ଜନସଚେତନତା ସୃଷ୍ଟି କରିବା ଲାଗି ଏହି ଦିବସରେ ବିଶ୍ୱ ସ୍ୱାସ୍ଥ୍ୟ ସଂଗଠନ ପକ୍ଷରୁ ବିଭିନ୍ନ କାର୍ଯ୍ୟକ୍ରମ ର ଆୟୋଜନ କରାଯାଇଥାଏ ଏବଂ ବିଶ୍ଵ ସଂଗଠନ ପକ୍ଷରୁ ପ୍ରକାଶିତ ଏକ ବିଜ୍ଞପ୍ତିରେ କୁହାଯାଇଛି ଯେ,ସମଗ୍ର ବିଶ୍ୱକୁ ମ୍ୟାଲେରିଆ ମୁକ୍ତ କରିବା ହେଉଛି ମୂଳ ଲକ୍ଷ ଓ ପ୍ରତ୍ୟେକ ଗ୍ରାମ ଠୁଁ ଆରମ୍ଭ କରି ସହର ପର୍ଯ୍ୟନ୍ତ ଆମ ଲୋକ ମାନଙ୍କୁ ମେଲେରିଆ ସମ୍ପର୍କିତ ସଚେତନ କରାଇ ପାରିଲେ ମେଲେରିଆ ଦୂର ହୋଇ ପାରିବ  ବୋଲି ପ୍ରାଥମିକ ସ୍ୱାସ୍ଥ୍ୟ କେନ୍ଦ୍ର ର ମେଡିକାଲ ଅଫିସର ଡା. ଆଶିଷ ବିଶ୍ୱାସ ସଭାରେ  ଅଧ୍ୟକ୍ଷତା କରି ଉପସ୍ଥିତ ସବୁ ଜନସାଧାରଣ ତଥା ରୋଗୀ ମାନଙ୍କୁ ଜଣାଇଥିଲେ l

ସଚେତନତା ଦୃଷ୍ଟି ରୁ କାର୍ଯ୍ୟକ୍ରମ ଗୁଡିକର ମୁଖ୍ୟ ଉଦ୍ଦେଶ୍ୟ ହେଲା ଗ୍ରାମବାସୀ ମାନଙ୍କୁ ମ୍ୟାଲେରିଆ ରୋଗର କାରଣ, ଏହାର ଲକ୍ଷଣ, ଚିକତ୍ସା ଏବଂ ନିରାକରଣ ଏବଂ ଏହାକୁ କିପରି ବିଭିନ୍ନ ଅଭିନଵ ପନ୍ଥା ଅନୁସରଣ କରି ମ୍ୟାଲେରିଆ ପ୍ରକୋପ କମାଇ ହେବ ଓ ଲୋକଙ୍କ ଜୀବନ ରକ୍ଷା କରିବା ସେ ବିଷୟରେ ମୁଖ୍ୟ ସ୍ୱାସ୍ଥ୍ୟ ସେବିକା, ଶ୍ରୀମତୀ ମାମୀ ସିଂଦେଓ ଓ ରୋଜାଲିନା ହୋତା ଜଣାଇ ଥିବାବେଳେ ମେଲେରିଆ କୁ କିଭଳି ଚିହ୍ନଟ କରାଯିବ ଏହାର ସଠିକ ପଦକ୍ଷେପ ନିଆଯାଇପାରିବ ସେ ସମ୍ପର୍କରେ ସ୍ୱାସ୍ଥ୍ୟ କେନ୍ଦ୍ରର ପ୍ରଯୁକ୍ତି ରିରୀକ୍ଷକ ସତ୍ୟବ୍ରତ ଷଡ଼ଙ୍ଗୀ ସଭିଙ୍କୁ ଅବଗତ କରାଇଥିଲେ l
ମେଲେରିଆ ର ମୂଳତ୍ପାଟନ କରିବା ଅତି ଆବଶ୍ୟକ ଓ ଏହା ପାଇଁ ଜନ ସମୂହ ଙ୍କ ସହଯୋଗ ଓ ସଚେତନତା କରାଯିବା ସଂଗେ ସଂଗେ ସରକାର ଙ୍କ ସହଯୋଗରେ ନିର୍ଧାରିତ କାର୍ଯ୍ୟକ୍ରମ ମାନେ ସଠିକ କରାଇ ପାରିଲେ ମେଲେରିଆ ଜନିତ ରୋଗ କୁ ଦୂର କରାଯାଇ ପାରିବ ବୋଲି ନେସନାଲ ପିସ ଊନୀସନ ର ନିର୍ଦ୍ଧେଶକ ଓ ଚେୟାର୍ରମେନ ଶ୍ରୀ ସତ୍ୟ ରଞ୍ଜନ ମିଶ୍ର ଓ ରବି ରଞ୍ଜନ ପୂଜାରୀ ଜଣାଇଥିଲେ l
ଉପରୋକ୍ତ ଦିବସ ରେ ପ୍ରାଥମିକ ସ୍ୱାସ୍ଥ୍ୟ କେନ୍ଦ୍ରର ସତ୍ୟ ବ୍ରତ ଷଡ଼ଙ୍ଗୀ,ରୋନି ବଗର୍ତ୍ତୀ,ଅଞ୍ଜଳି ନାଗ, ବିପିନ ବିହାରୀ ସେଟ ଦାଶରଥି ପ୍ରଧାନ,ସଭ୍ୟ ସଭ୍ୟା ବୃନ୍ଦ, ସ୍ଥାନୀୟ ଆଶା ଦିଦି, ସ୍ୱାସ୍ଥ୍ୟ କର୍ମୀ, ଜନସାଧାରଣ ଉପସ୍ଥିତ ରହି ଦିବସ କୁ ସାଫଲ୍ୟ କରାଇଥିଲେ l ସଭା ଶେଷରେ ସ୍ୱାସ୍ଥ୍ୟ କେନ୍ଦ୍ର ର ଯୁଗ୍ମ ସମ୍ପାଦିକା ଶ୍ରୀମତୀ ସୂର୍ଯ୍ୟାଶ୍ମି ହୋତା ସଭିଙ୍କୁ ଧନ୍ୟବାଦ ଅର୍ପଣ କରିଥିଲେ l