25-Apr-2023

ବଲାଙ୍ଗିର(ଦେବାଶିଷ ବହିଦାର ): ଗତ ୨୧ ରୁ ୩୦ ତାରିଖ ତିନି ଦିନ ଧରି ବରଗଡର ଗଣପତି ଭିଲ୍ଲା ଠାରେ ଦ୍ୱିତୀୟ ୱେଷ୍ଟ ଜୋନ ଟାଇକଣ୍ଡୋ ଚମ୍ପିୟାନସିପ୍ ଅନୁଷ୍ଠିତ ହୋଇଯାଇଛି । ଏଥିରେ ବଲାଙ୍ଗିର ଜିଲ୍ଲା ଟାଇକଣ୍ଡୋ ସଂଘ ତରଫରୁ ଏକ ୧୩ ଜଣିଆ ଦଳ ଭାଗ ନେଇ ସଫଳତା ହାସଲ କରିଥିବା ବଲାଙ୍ଗିର ଜିଲ୍ଲା

ଟାଇକଣ୍ଡୋ ସଂଘର ସାଧାରଣ ସଂପାଦକ ତଥା କୋଚ ଅସୀମ କୁମାର ଭୋଇ ଗଣମାଧ୍ୟମକୁ ସୂଚନା ଦେଇଛନ୍ତି । ଏଥିରେ ବାଳିକା ଖିରୋଗୀ ( ଫାଇଟ) ବିଭାଗରେ ସାନ୍‌ଭି ପ୍ରଧାନ, ପରିମିତା ବିଶ୍ୱାଲ ସ୍ୱର୍ଣ୍ଣ ପଦକ, କୌଶଲ୍ୟା ଷାଣ୍ଢ, ମଞ୍ଜିଲ ସେଠ

ରୌପ୍ୟ ପଦକ, ସୋନାକ୍ଷି ସନ୍ଧ୍ୟା ଭୋଇ ବ୍ରୋଞ୍ଚ ପଦକ ପାଇଥିବା ବେଳେ ବାଳକ ବିଭାଗରେ ପ୍ରନିତ କୁମାର ଦାଶ, ସୀମାଦ୍ରି ଆଦେଶ ସ୍ୱର୍ଣ୍ଣ ପଦକ, ଶ୍ରେୟାଂଶ କୁମାର ସିଂଭଞ୍ଜ, ଆଶିର୍ବାଦ ଅର୍ପଣ ମିଶ୍ର, ବିଭୁବ୍ରତ ସାହୁ, ଓମ୍ ପ୍ରକାଶ ପୃଷ୍ଟି ରୌପ୍ୟ ପଦକ ଏବଂ କ୍ରିଷ୍ଣା ଅର୍ଜୁନ ବନଛୋର, ଶଙ୍କିତ୍ତନ ଷାଣ୍ଢ ବ୍ରୋଞ୍ଚ ପଦକ ପାଇଛନ୍ତି । ଏହି ଅବସରରେ ରାଜ୍ୟ ଟାଇକଣ୍ଡୋ ସଂଘ ସାଧାରଣ ସଂପାଦକ ମନମୋହନ ଭଞ୍ଜ ଟାଇକଣ୍ଡୋ କୋଚ ଅସୀମ କୁମାର ଭୋଇଙ୍କୁ ମମେଣ୍ଟୋ ସହିତ ସମ୍ମାନିତ କରିଥିଲେ ।