25-Apr-2023

ବଲାଙ୍ଗିର (ଦେବାଶିଷ ବହିଦାର )' ଆଜି ହେଉଛି ବିଶ୍ୱ ମେଲେରିଆ ନିରାକରଣ ଦିବସ ଏଥି ପାଇଁ ବଲାଙ୍ଗିର ଜିଲ୍ଲାର ବିଭିନ୍ନ ସ୍ଥାନରେ ସଚେତନତା କାର୍ଯ୍ୟକ୍ରମ ମାନ ଅନୁଷ୍ଠିତ ହୋଇଯାଇଛି l ଏହି ଅବସରରେ ଆଜି ବଲାଙ୍ଗିର ପାଟଣାଗଡ ରୋଡ ସ୍ଥିତ ସ୍ଵରାଜ ହସ୍ପିଟାଲ ଠାରେ ଏକ ମିନି ମାରାଥନ ର ଆୟୋଜନ କରାଯାଇଥିଲା l ଏହି ମିନି ମାରାଥନ୍ ସ୍ଵରାଜ ହସ୍ପିଟାଲ ରୁ ବାହାରି କଚେରୀ ଚ୍ଛକ୍ ରେ ପହଂଚି ଥିଲା l ଏଥିରେ ହସପିଟାଲର କର୍ମଚାରୀ ଓ ଡାକ୍ତର୍ ମାନେ ସାମିଲ ହୋଇ ଜନସାଧାରଣ ଙ୍କୁ ମେଲେରିଆ ଦାଉରୁ ରକ୍ଷା ପାଇବା ପାଇଁ ସଚେତନତା ମୂଳକ ପଦକ୍ଷେପ ଗ୍ରହଣ କରିବାକୁ ପରମର୍ଶ ଦେଇଥିଲେ l ପ୍ରଥମେ ବଲାଙ୍ଗିର ସି ଡି ଏମ୍ ଓ ଡ .କୁବେର ଚନ୍ଦ୍ର ମହନ୍ତ ଓ ସ୍ଵରାଜ ହସ୍ପିଟାଲ ର ନିର୍ଦେଶକ ଡ. ସୁଜ୍ଞାନୀ ମିଶ୍ର ପତାକା ଦେଖାଇ ମିନି ମାରାଥନ କୁ ଉଦଘାଟନ କରିଥିଲେ l