24-Apr-2023

ଲୋଇସିଂହା/ଆଗଲପୁର, (ବିନୋଦ କୁମାର ଦୀପ) ଆଗଲପୁର ବ୍ଲକ କୃଷି କାର୍ଯ୍ୟାଳୟ ପକ୍ଷରୁ ଅନୁଷ୍ଠିତ ଅକ୍ଷୟ ତୃତୀୟା ତଥା କୃଷକ ଦିବସ ବ୍ଲକ କୃଷି ଅଧିକାରୀ ସ୍ୱସ୍ତିକ କୁମାର ପଣ୍ଡା (ଅଧ୍ୟକ୍ଷ)ଙ୍କ ନେତୃତ୍ୱରେ ଆଗଲପୁର କୃଷି ସୂଚନା ପରାମର୍ଶ କେନ୍ଦ୍ର ଠାରେ ଉକ୍ତ କାର୍ଯ୍ୟକ୍ରମ ଟି ଅନୁଷ୍ଠିତ ହୋଇଯାଇଛି l ଏହି କାର୍ଯ୍ୟକ୍ରମ ରେ ମୁଖ୍ୟଅତିଥି ଭାବରେ ବ୍ଲକ ଅଧ୍ୟକ୍ଷl ଶ୍ରୀମତୀ ଗୀତାଞ୍ଜଳି ଦାସ ଯୋଗ ଦେଇଥିବା ବେଳେ ସମ୍ମାନିତ ଅତିଥି ଭାବେ ସହକାରୀ ଉଦ୍ୟାନ କୃଷି ଅଧିକାରୀ କୁମାରୀ ସୌମ୍ୟାଶ୍ରୀ ଶ୍ରାବଣୀ ମହାପାତ୍ର, ଜୋନ 2 ଜିଲ୍ଲା ପରିଷଦ ସଭ୍ୟା ଶ୍ରୀମତୀ ବୀଣାପାଣି ଦାସ ଯୋଗ ଦେଇଥିଲେ l ପୂଜା ଏବଂ ପବିତ୍ର କୃଷିଭିତ୍ତିକ ପର୍ବ ଅକ୍ଷୟ ତୃତୀୟା ଅବସରରେ ମାଟିମାତା ଙ୍କୁ ପୂଜା କରି ଅକ୍ଷିମୁଠି ଅନୁକୂଳ କରିଛି ଚାଷୀ l କ୍ଷେତରେ ବିହନ ବୁଣିବା ସହ ଭଲ ଅମଳ ପାଇଁ ମାଟି ମାତା ଙ୍କୁ ପୂଜା କରାଯାଇଛି l ଏହି ଦିନ ଜମିରେ ବିହନ ମୁଠାଏ ପକାଇ ପୂଜା କରି ଚାଷ ଆରମ୍ଭ କଲେ ଭଲ ଚାଷ ହୁଏ ବୋଲି ଚାଷୀ ଙ୍କ  ବିଶ୍ୱାସ l ଯାହାକୁ ବିଶ୍ୱାସ କରି ଅଖି ମୁଠି ଅନକୂଳ କରେ ଚାଷୀ l ଚାଷୀଙ୍କ ମଙ୍ଗଳ ମନାସୀ ମାଟି ମାଆର ପୂଜାର୍ଚ୍ଚନା କରିବା ସହ ଅକ୍ଷୀମୁଠି ଅନୁକୂଳ କରି ଚାଷ ଜମିରେ ହଳ ବୁଲାଇବା ସହ ଓଡ଼ିଶାରେ କୃଷିର ବିକାଶ ଓ କୃଷକଙ୍କ ଆର୍ଥିକ ମେରୁଦଣ୍ଡ ମଜବୁତ ହେଉ ବୋଲି ପ୍ରାର୍ଥନା କରିଥିଲେ ଅତିଥି ବୃନ୍ଦ l ବ୍ଲକ ର ବିଭିନ୍ନ ପଂଚାୟତ ର ଚାଷୀ ତଥା ସ୍ଥାନୀୟ ଲୋକେ ଅକ୍ଷୟl ତୃତୀୟା କାର୍ଯ୍ୟକ୍ରମରେ ଉପସ୍ଥିତ ଥିଲେ l