25-Apr-2023

ବିନିକା(ହିମାଂଶୁ ଶେଖର ପୁଟେଲ): ବିନିକା ସ୍ପୋର୍ଟସ କ୍ଲବ ତରଫରୁ ସ୍ଥାନୀୟ ବିଜୁ ପଟ୍ଟନାୟକ ଷ୍ଟାଡିୟମ ଠାରେ ଚାଲିଥିବା ବିପିଏଲ ସିଜନ-୩ କ୍ରିକେଟ ଟୁର୍ଣ୍ଣାମେଣ୍ଟର ସୋମବାର ଅନୁଷ୍ଟିତ ସଂଘର୍ଷପୂର୍ଣ୍ଣ ମ୍ୟାଚରେ ପିସିସିକୁ ହରାଇ ତ୍ରିରଙ୍ଗା ୟୁଥ କ୍ଲବ ତାର ବିଜୟୀ ହୋଇଛି । ଟଚ ଜିଣି ପ୍ରଥମେ ପିସିସି ଦଳ ୧୦ଓଭରରେ ୮ୱିକେଟ ହରାଇ ୬୯ରନ କରିଥିଲା ।ଶେଷ ଓଭରରେ ତ୍ରିରଙ୍ଗାକୁ ଜିତିବାକୁ ୬ବଳରେ ୬ରନ ଦରକାର ଥିବାବେଳେ ଦଳର ବିଟୁ ପ୍ରଥମ ବଳରେ ବିଶାଳ ଛକ୍କା ମାରି ଦଳକୁ ବିଜୟୀ କରିବାରେ ସକ୍ଷମ ହୋଇଥିଲେ । ମ୍ୟାଚକୁ ପ୍ରଦୀପ ମହାଳୀଙ୍ଗ ଓ ସୟିଦ ବାଘ ପରିଚାଳନା କରିଥିବା ବେଳେ ସ୍କୋରର ଭାବେ ହାଡୁ ବଢେଇ,ଆଲୋକ ସେଠୀ ଏବଂ ମ୍ୟାଚର ଧାରାବିବରଣୀ ଶଶାଙ୍କ ଶେଖର ପ୍ରଦାନ କରିଥିଲେ ।ସ୍ପୋର୍ଟସ କ୍ଲବ ସମ୍ପାଦକ ମନୋଜ ଦାସଙ୍କ ଅଧ୍ୟକ୍ଷତାରେ ଅନୁଷ୍ଠିତ ପୁରସ୍କାର ବିତରଣୀ ଉତ୍ସବରେ ସାଂସଦ ପ୍ରତିନିଧି ତଥା ଆଇନଜୀବୀ ପ୍ରଶାନ୍ତ ଦଣ୍ଡସନା ମୁଖ୍ୟଅତିଥି,ବିନିକା ଓକିଲ ସଂଘ ସଂପାଦକ ହରିବଂଶ ମେହେର,ପୂର୍ବତନ ସାମ୍ବାଦିକ ତଥା ଯୁବ ଓକିଲ ବୀରେନ୍ଦ୍ର ପୋଢ ସମ୍ମାନିତ ଅତିଥି ଭାବେ ଯୋଗଦେଇ ବିଜୟୀ/ରନରଅପ ଦଳ ଏବଂ ଚମତ୍କାର ଖେଳ ପ୍ରଦର୍ଶନ

କରିଥିବା ତ୍ରିରଙ୍ଗାର ବିଟୁ କୁ ମ୍ୟାନ ଅଫ ଦି ମ୍ୟାଚ ପୁରସ୍କାରରେ ସମ୍ମାନୀତ କରାଯାଇଥିଲା । ଟୁର୍ଣ୍ଣାମେଣ୍ଟ ପରିଚାଳନାରେ ଆକାଶ ବଞ୍ଛୋର,ବାବୁଲୁ ରାଉତ,ଶଶାଙ୍କ ଦାସ,ରୋନିତ ସାହୁ ସହଯୋଗ କରିଥିଲେ ।ଆଜି ମଙ୍ଗଳବାର ଅପରାହ୍ନରେ  ସିଦ୍ଧିକ୍ଷା ରେବେଲ୍ ବନାମ ବାଦୀ ବ୍ରଦରସ ମଧ୍ୟରେ ମ୍ୟାଚ ଅନୁଷ୍ଟିତ ହେବ ।ଏଥିରେ ପୂର୍ବତନ ଖେଳାଳୀ ସନ୍ତୋଷ କର,ଚକ୍ରଧର ପାଣିଗ୍ରାହୀ, କଂସ ମହାରାଜ ରାମଚନ୍ଦ୍ର ଦାସ ପ୍ରମୁଖ ଅତିଥି ଭାବେ ଯୋଗଦେଇ ଉଭୟ ଦଳର ଖେଳାଳୀ ମାନଙ୍କୁ ଉତ୍ସାହିତ କରିବା ସହିତ ପୁରସ୍କାର ପ୍ରଦାନ କରିବେ ବୋଲି ଆୟୋଜକଙ୍କ ସୂତ୍ରରୁ ପ୍ରକାଶ ।