24-Apr-2023

ଡୁଙ୍ଗୁରିପାଲି/ଏସ୍‌.ରାମପୁର(ଅରବିନ୍ଦ ମିଶ୍ର)-ସୁବର୍ଣ୍ଣପୁର ଜିଲ୍ଲା ରାମପୁର ଥାନା ଅଭ୍ୟର୍ଥନା କକ୍ଷରେ ଏକ ମେଗା ରକ୍ତଦାନ ଶିବରି ଅନୁଷ୍ଠିତ ପାଇଁ ଆଜି ଥାନାଧିକାରୀ ଭାନୁଶଙ୍କର ଯାଦବକଙ୍କ ଅଧ୍ୟକ୍ଷତାରେ ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି ।  ଆସନ୍ତା ମେ ୩ତାରିଖରେ ଥାନା  ପରିସରରେ ଏହି ରକ୍ତ ଦାନ ଶିବିର ଅନୁଷ୍ଠିତ ହେବ । ଏଥିରେ ୫୫୦ ୟୁନିଟ ରକ୍ତ ସଂଗୃହିତ ହେବାର ଲକ୍ଷ୍ୟ ରଖାଯାଇଛି । ଗ୍ରୀଷ୍ମ ଋତୁୁରେ ରକ୍ତର ଆବଶ୍ୟକତା ଅଧିକ ରହିଥାଏ । ଏଣୁ ଅଧିକ ସଂଖ୍ୟାରେ ରକ୍ତ ସଂଗୃହିତକୁ ଗୁରୁତ୍ୱ ଦେବାକୁ ଆଲୋଚନା ହୋଇଥିଲା । ଏଥିରେ ଡୁଙ୍ଗୁରିପାଲି, ରାମପୁର ଅଂଚଳର ବିଭିନ୍ନ ସଂଗଠନର କର୍ମକର୍ତ୍ତାମାନେ ଯୋଗ ଦେଇ ନିଜସ୍ୱ ମତାମତମାନେ ଉପସ୍ଥାପନ କରିଥିଲେ । ରକ୍ତଦାତା ମାନଙ୍କୁ ସମସ୍ତ ପ୍ରକାର ସୁବିଧା ଯୋଗାଇ ଦେବା ସହ ଯେଉଁ ଗ୍ରାମରେ ୧୦ରୁ ଅଧିକ ସଂଖ୍ୟକ ରକ୍ତଦାତା ବାହାରିବେ ସେମାନଙ୍କୁ ନେବା ଆଣିବା ବ୍ୟବସ୍ଥା ମଧ୍ୟ କରାଯିବା, ସେମାନଙ୍କ ଖାଇବା ଠାରୁ ଆରମ୍ଭ କରି ଉତ୍ସାହତି କରାଯିବା ପାଇଁ ପ୍ରମାଣ ପତ୍ର ମଧ୍ୟ ପ୍ରଦାନ କରାଯିବ ବୋଲି ଥାନାଧିକାରୀ ଶ୍ରୀଯୁକ୍ତ ଯାଦବ ପ୍ରକାଶ କରିଥିଲେ ।  ରାମପୁର ସରପଞ୍ଚ ମନୋଜ ପୁରୋହିତ ପ୍ରତ୍ୟେକ ସରପଞ୍ଚାୟତ ସରପଞ୍ଚମାନେ  ଅନୁନ୍ୟ ୩୦ଜଣ ଲେଖାଏ ରକ୍ତଦାତା ଆଣିବାକୁ ଅନୁରୋଧ କରାଯିବ ବୋଲି କହିଥିଲେ । ସମାଜସେବୀ ଉମେଶ ପୁଜାରୀ, ଡୁଙ୍ଗୁରିପାଲି ସେବା ଫାଉଣ୍ଡେସର ପ୍ରତିଷ୍ଠାତା ବିଭୁଦତ୍ତ ବିଶ୍ୱାଳ, କୋସଲ ସାମ୍ବାଦିକ ସଂଘର ଆବାହକ ରତ୍ନାକର ସେଠ ପ୍ରମୁଖ ଯୋଗ ଦେଇ ରକ୍ତଦାନ ଶିବିର କିପରି ସଫଳ ହୋଇ ପାରିବ ସେ ଉପରେ ଆଲୋକପାତ କରିଥିଲେ । ଅନ୍ୟମାନଙ୍କ ମଧ୍ୟରେ ବନମାଳୀ ବେହେରା, ସଞ୍ଜୟ କୁମାର ସାହୁ,  ଗୋଳକ ବିହାରି ସାହୁ,  କମଳ ନାଗ,  ତ୍ରୀଲୋଚନ ସାହୁ,  ସିଦ୍ଧାନ୍ତ କୁମାର ପଧାନ,  ବଳରାମ ସେଠ,  ବିକାଶ କୁମାର ପତି, ଭରତ ସାହୁ,  ଯଶୋବନ୍ତ ଛତର,  ଅକ୍ଷୟ କୁମାର ବିସି, ରାଜୀବ ସାଣ୍ଢ,  ପଲଉ ବାଗ,  ନେପାଳ କଇଁର, ଯନାର୍ଦ୍ଧନ ପଧାନ,  ଶ୍ରୀକାନ୍ତ ସାହୁ, ବ୍ଲକ ସାମ୍ବାଦିକ ସଂଘର ଅରବିନ୍ଦ ମିଶ୍ର, ସାଗର ଜେନା, ଚୌବର୍ଗ ଭୋଇ, ଗୋପାଳ ମାଝି, ନିମାଇ ଥପା, ପ୍ରଶାନ୍ତ ସେଠଙ୍କ ସମେତ ସାମ୍ବାଦିକ ପ୍ରକାଶ ହାତୀ, ସବ୍ ଇନ୍ସପେକ୍ଟର ଅବିନାଶ ପଧାନଙ୍କ ସମେତ ଥାନା କର୍ମଚାରୀମାନେ  ଉପସ୍ଥିତ ଥିଲେ ।