21-Apr-2023

ବଲାଙ୍ଗୀର(ପ୍ରେରଣା ଖବର)-ବଲାଙ୍ଗୀର ଜିଲ୍ଲାର ସୀମାନ୍ତରୁ ସୋନପୁର ଜିଲ୍ଲାର ତରଭାବ୍ଲକ ଓ ସୋନପୁର ବ୍ଲକ ଅଞ୍ଚଳକୁ ଲମ୍ବିଥିବା ୧୦୨ ବର୍ଗ କିଲୋମିଟର ଜଙ୍ଗଲ ବିପଦରେ ରହିଛି । ଗତ ସପ୍ତାହେ ହେଲେ ଜଙ୍ଗଲର ବିଭିନ୍ନ ସ୍ଥାନରେ ନିଆଁଲାଗି ହୁତୁ ହୁତୁ ହୋଇ ଜଳୁଛି । ସେପଟେ ସରକାରଙ୍କ କଡା ନିର୍ଦ୍ଦେଶ ସତ୍ୱେ ବନବିଭାଗ ଜଙ୍ଗଲର ନିଆଁକୁ ଲିଭାଇବାରେ ବିଫଳ ହୋଇଛି । ଦିନ ଦିନ ଧରି ଜଙ୍ଗଲ ଜଳୁଛି କିନ୍ତୁ ଜଙ୍ଗଲବିଭାଗର ନିଆଁଲିଭାଳି ଟିମ୍ କିମ୍ବା ବନବିଭାଗର କର୍ମଚାରୀଙ୍କ ଦେଖା ମିଳୁନାହିଁ । ଗତକାଲି ବାରପାହଡ ଜଙ୍ଗଲର ରାଣିସର୍ଡା ଛକ ପାଖ ଜଙ୍ଗଲରେ ତଳୁ ଉପର ପର୍ଯ୍ୟନ୍ତ ନିଆଁ ଲାଗିଥିବା ଓ ଏହା ଗତ ଦୁଇଦିନ ହେଲା ଜଳୁଥିଲେ ହେଁ କୌଣସି ବନକର୍ମଚାରୀ ପହଞ୍ଚିନଥିବା ସ୍ଥାନୀୟ ଲୋକେ ଅଭିଯୋଗ କରିଛନ୍ତି । ଚଳିତ କେନ୍ଦ୍ରପତ୍ର ସିଜନରେ କିଛି କେନ୍ଦୁପତ୍ର ବିଭାଗର ତଳିଆ କର୍ମଚାରୀ ଗୋଚ୍ଛାକଟାଇରେ ହେରଫେର କରି ଜଙ୍ଗଲର ତଳି ଅଞ୍ଚଳରେ ନିଆଁ ଲଗାଉଥିବା ଓ ଏହା ଜଙ୍ଗଲକୁ ବ୍ୟାପୁଥିବା ସ୍ଥାନୀୟ ଲୋକେ ଅଭିଯୋଗ କରିଛନ୍ତି । ଠିକ ସେହିପରି ଯେଉଁ ଅଞ୍ଚଳରେ ବନବିଭାଗ  ବୃକ୍ଷରୋପଣ କରିଥିଲା ସେଠାରେ କମପରିମାଣର ଚାରା ଲଗାଇ ବହୁତ ପରିମାଣରେ ଦୁର୍ନୀତି କରାଯାଇଥିବାରୁ ତାକୁ ଲୁଚାଇବାକୁ ତୃତୀୟବର୍ଷ ବେଳକୁ ନିଜେ ନିଆଁ ଲଗାଇଦେଉଥିବା ମଧ୍ୟ ଅଭିଯୋଗ ହେଉଛି ।  ସୋନପୁର ରେଞ୍ଜ  ଅନ୍ତର୍ଗତ ନାରାୟଣପୁର ସେକ୍ସନରେ ଥିବା ଫରେଷ୍ଟର ତିଲେଇମାଲ ଅଫିସରେ ନରହି କେବଳ ରେଞ୍ଜରଙ୍କ ସହିତ ମିଶି ବନୀକରଣ ଅର୍ଥ ହିସାବ କରିବାକୁ ସୋନପୁରରେ ଡେରା ପକାଇଛନ୍ତି । ନାରାୟଣପୁର ସେକ୍ସନରେ ଜଣେ ଫରେଷ୍ଟର ସମେତ ମାତ୍ର ୨ଜଣ ଫରେଷ୍ଟଗାର୍ଡ ରହିଛନ୍ତି ।

ସେମାନେ ସମସ୍ତେ ଜଙ୍ଗଲ ଜଗିବା ବଦଳରେ ଜଙ୍ଗଲବିଭାଗ ତରଫରୁ ଚାଲିଥିବା ବନୀକରଣ ଓ ଅନ୍ୟାନ୍ୟ ଉନ୍ନୟନ କାମରେ ଅର୍ଥ ହେରଫେର କରିବାରେ ବ୍ୟକ୍ତ ଥିବା ଅଭିଯୋଗ ଉଠୁଛି । ଏବେ ସୋନପୁର ରେଞ୍ଜର ଥିବା ମନୋରଂଜନ ବାଘଙ୍କ ପଦୋନ୍ନତି ହୋଇଛଲିଭାଇବା ଦିଗରେ ଧ୍ୟାନ ଦେଉନଥିବା ଅଭିଯୋଗ ଉଠିଛି ।  ସେଥିପାଇଁ ସେ ତାଙ୍କର ହିସାବକିତାବରେ ବ୍ୟସ୍ତ ରହୁଥିବାରୁ ଜଙ୍ଗଲ ନିଆଁକୁ  ସବୁଠୁ ବିଡମ୍ବନାର ବିଷୟ ହେଲା ସେଟଲାଇଟ ରୁ ଜଙ୍ଗଲର କେଉଁ ପଏଣ୍ଟରେ ନିଆଁ ଲାଗିଛି ତାହା ତୁରନ୍ତ ବିଭାଗକୁ ସୂଚନା ଆସିଥାଏ । ଏହି ତଥ୍ୟକୁ ଆଧାର କରି ଜଙ୍ଗଲ ବିଭାଗରେ ନିୟୋଜିତ କର୍ମଚାରୀ ଓ ନିଆଁଲିଭାଳି ଟିମ୍ ପହଞ୍ଚି ନିଆଁକୁ ଲିଭାଇଥାନ୍ତି । କିନ୍ତୁ ଦିନ ଦିନ ଧରି ଜଙ୍ଗଲ ଜଳୁଥିଲେ ହେଁ ନିଆଁ ଲିଭାଇବାକୁ ଆସୁନଥିବାରୁ ଅଞ୍ଚଳରେ ଜନଅସନ୍ତୋଷ ଦେଖାଦେଉଛି । ପ୍ରଥମରେ ଜଙ୍ଗଲରୁ ଗଛଚୋରୀ ବଢୁଥିବା ଓ ଏହି ସମୟରେ ଜଙ୍ଗଲ ନିଆଁ କାରଣରୁ ବାରାପାହାଡ ରିଜର୍ଭ ଜଙ୍ଗଲ ତାର ଅସ୍ତିତ୍ୱ ହରାଇବାକୁ ଯାଉଛି । ବଲାଙ୍ଗୀର ଜିଲ୍ଲା ସୀମାନ୍ତ ରାଣିସର୍ଡାଠାରୁ ଆରମ୍ଭ କରି ଅର୍ଡା, ଖଗସାକନା, ରାଜପାଲି ଅରଖଖୋଲ, ଜଡାଖୋଲ, ବାରପାହାଡଖୋଲ, ଡାହିମାଳର କଟଙ୍ଗଖୋଲ ଓ ତିଲେଇମାଲ ଜଙ୍ଗଲରେ ନିଆଁ ଲାଗି ବ୍ୟାପ ଜଙ୍ଗଲନଷ୍ଟ ହୋଇସାରିଛି । ଏବେ ନିଆଁ ନଲିଭାଉଥିବାରୁ ଅନ୍ୟ ଅଞ୍ଚଳରେ ମଧ୍ୟ ଜଙ୍ଗଲ ଜଳୁଛି । ଏହି ଅଭିଯୋଗ ନେଇ ସୋନପୁର ଏସିଏଫ ପି.କେ.ଧରୁଆଙ୍କୁ ପଚାରିବାରୁ ଯେଉଁ ଯେଉଁ ପଏଣ୍ଟରେ ନିଆଁ ଲାଗୁଛି ତାହାର ସୂଚନା ଆସିଲେ ଆମେ ଟିମ ପଠାଇ ନିଆଁ ଲିଭାଉଛୁ । ରାନୀସର୍ଡା ଜଙ୍ଗଲର ନିଆଁର ସୂଚନା ଆସିଛି କି ନାହିଁ ମୁଁ ଦେଖୁଛି ବୋଲି କହିଛନ୍ତି ।