21-Apr-2023

ଡୁଙ୍ଗୁରିପାଲ(ଅରବିନ୍ଦ ମିଶ୍ର)-ଏହି ବ୍ଲକ ଅନ୍ତର୍ଗତ ସହଲା ପଞ୍ଚାୟତର ସରପଞ୍ଚ ପଟୁଆରୀ ପଧାନ ପଞ୍ଚାୟତିରାଜ  ଓ ପାନୀୟ ଜଳ ବିଭାଗ ପକ୍ଷରୁ ତାଙ୍କୁ ନିଳମ୍ବନ କରିଥିଲେ । ନିଳମ୍ବନ ପରେ ପଞ୍ଚାୟତର ନାଏବ ସରପଞ୍ଚ ଦାୟିତ୍ୱରେ ଥିଲେ । ବିଭାଗୀୟ ପତ୍ର ସଂଖ୍ୟା ୮୧୨୧/୧୫.୪.୨୦୨୩ ଅନୁସାରେ ପୁଣି ତାଙ୍କୁ ତାଙ୍କର ପଦବୀରେ ରହିବାକୁ  ନିର୍ଦ୍ଦେଶ ଦିଆଯାଇଛି । ୧୫ଦିନ ମଧ୍ୟରେ କାରଣ ଦର୍ଶାଅ ନୋଟିସ ମଧ୍ୟ ଦିଆଯାଇଛି ।  ନିଳମ୍ବନ ଆଦେଶ ଉଠିବା ପରେ ଆଜି  ସମର୍ଥକଙ୍କ ସହିତ ପଞ୍ଚାୟତ କାର୍ଯ୍ୟାଳୟରେ ପହଞ୍ଚି ଥିଲେ । ସେଠାରେ ତାଙ୍କୁ ଫୁଲମାଳ ଦେଇ ସ୍ୱାଗତ କରିଥିଲେ ସମର୍ଥ ତଥା କେତେକ ୱାର୍ଡମେମ୍ବରମାନେ ମଧ୍ୟ । ସେ ତାଙ୍କର ପ୍ରତିକ୍ରୀୟାରେ ପ୍ରାକାଶ କରିଥିଲେ ଯେ,  ପଞ୍ଚାୟତବାସୀଙ୍କ ସେବା କରିବାକୁ ତାଙ୍କୁ ପାଞ୍ଚ ବର୍ଷ ପାଇଁ ନିର୍ବାଚିତ କରିଛନ୍ତି । ତେଣୁ ସେମାନଙ୍କ ଆଶା ଓ ଭରସାକୁ ସମ୍ମାନ ଦେଇ ପଞ୍ଚାୟତକୁ ଠିକ୍ ଭାବରେ ଚଳାଇବି ବୋଲି ସେ କହିଥିଲେ । ଆହୁରି ମଧ୍ୟ କହିଥିଲେ ଯେ ପଞ୍ଚାୟତରେ ସେ କୌଣସି ଦୂର୍ନୀତି କରିନଥିବା ପ୍ରକାଶ କରିବା ସହ ପଞ୍ଚାୟତବାସୀ ମୋ ସହିତ ରହିଥିବା ଏବଂ ଅସୁବିଧା ସମୟରେ ସାଥ ଦେଇଥିବାରୁ ସେମାନଙ୍କୁ ଧନ୍ୟବାଦ ଜଣାଇଥିଲେ ।  ନିଳମ୍ବନ ଉଠିବା ଓ ଦାୟିତ୍ୱ  ନେବା ଉପରେ ବିଡିଓ ଡୁଙ୍ଗୁରିପାଲି ଏବଂ ପଞ୍ଚାୟତ ଅଧିକାରୀଙ୍କୁ ପଚାରିବାରୁ  ସେମାନେ ପ୍ରକାଶ କରିଥିଲେ ଯେ, ସରକାର ନିଳମ୍ବନ କରିଥିଲେ । ସରକାର ପୁଣି ଏହାକୁ ପ୍ରତ୍ୟାହାର କରି ଦାୟିତ୍ୱ ଦେଇଛନ୍ତି । ପୁଣି ସେ ପୂର୍ବଭଳି ସରପଞ୍ଚ ଦାୟିତ୍ୱ ତୁଳାଇବେ ବୋଲି ପ୍ରକାଶ କରିଥିଲେ ।