14-Apr-2023

ପଦ୍ମପୁର (ପ୍ରେରଣା ଖବର)
ସ୍ଥାନୀୟ ସରସ୍ୱତୀ ଶିଶୁ ବିଦ୍ୟା ମନ୍ଦିର ପଦ୍ମପୁର ର ୩୮ ତମ ବାର୍ଷିକ ଉତ୍ସବ ଅନୁଷ୍ଠିତ ହୋଇଯାଇଛି ।ପ୍ରଧାନ ଆଚାର୍ଯ୍ୟ ଶ୍ରୀଯୁକ୍ତ ଯୁବରାଜ ପଧାନ ଓ ଉତ୍ସବ ପ୍ରମୁଖ ଚୈତନ୍ୟ ଭୋଇ ଙ୍କ ତତ୍ତ୍ୱାବଧାନରେ ଅନୁଷ୍ଠିତ  ଉତ୍ସବ ରେ ଶ୍ରୀମତୀ ବର୍ଷା ସିଂ ବରିହା (ମାନ୍ୟବର ବିଧାୟିକା ପଦ୍ମପୁର ନିର୍ବାଚନ ମଣ୍ଡଳୀ ,ପଦ୍ମପୁର) ମୁଖ୍ୟ ଅତିଥି ଭାବରେ ଯୋଗଦେଇ ଦୀପ ପ୍ରଜ୍ରଳନ ପୂର୍ବକ କାର୍ଯ୍ୟକ୍ରମ କୁ ଉଦଘାଟନ କରିଥିଲେ ।ଶ୍ରୀଯୁକ୍ତ ପ୍ରଦୀପ କୁମାର ସାହୁ (ଉପ ସଭାପତି ଶିକ୍ଷା ବିକାଶ ସମିତି, ଓଡିଶା) ପ୍ରମୁଖ ଯୋଗଦେଇ ଶିଶୁ ର ସର୍ବାଙ୍ଗୀନ ବିକାଶ ପ୍ରତି ଧ୍ୟାନ ଦେଇ ଭଲ ମଣିଷ ଟିଏ ଗଢ଼ି ତୋଳିବାକୁ ମାତା ପିତା ଙ୍କ ଦାୟିତ୍ୱ ଗୁରୁତ୍ୱ ପୂର୍ଣ୍ଣ ବିଷୟରେ ଆଲୋକ ପାତ କରିଥିଲେ । ପ୍ରଧାନ ଆଚାର୍ଯ୍ୟ ଶ୍ରୀଯୁକ୍ତ ଯୁବରାଜ ପଧାନ ଅତିଥି ପରିଚୟ ଓ ସ୍ୱାଗତ ଭାଷଣ ପ୍ରଦାନ କରିଥିଲେ ।ଭଉଣୀ ମାନଙ୍କ ଦ୍ୱାରା ସ୍ୱାଗତ ସଂଗୀତ ପରିବେଷଣ କରାଯାଇଥିଲା ।ଶ୍ରୀଯୁକ୍ତ ଜନକଲାଲ ମେହେର ସମ୍ପାଦକ ବାର୍ଷିକ ବିବରଣୀ ପାଠକରିଥିଲେ ।ସଭାପତି ଶ୍ରୀଯୁକ୍ତ ପୃଥିରାଜ ସାହୁ ଉଦ୍ଦେଶ୍ୟ ଜ୍ଞାପନ କରିଥିଲେ ।ସମସ୍ତ ଅତିଥି ମାନଙ୍କ କରକମଳରେ ବିଦ୍ୟାଳୟ ର ବାର୍ଷିକ ମୁଖପତ୍ର ଅରୁଣ ଉନ୍ମୋଚିତ ହୋଇଥିଲା ।ଡ଼ଃ ବାଞ୍ଛାନିଧି ପଣ୍ଡା, ଶିରିଶ ବହିଦାର ,ଅନୀଲ ମୋଦୀ,ଗୋବିନ୍ଦ ପ୍ରସାଦ ଅଗ୍ରୱାଲ, ରାମକ୍ରିଷ୍ଣ ଦାସ ପ୍ରମୁଖ ଙ୍କୁ ମାନପତ୍ର ଓ ଉପଢୌକନ ଦେଇ ସମ୍ନାନୀତ କରାଯାଇଥିଲା ।ବିଦ୍ୟାଳୟ ର ବିଭିନ୍ନ ପ୍ରତିଯୋଗିତା ଓ ପରୀକ୍ଷା ରେ କୃତିତ୍ବ ହାସଲ କରିଥିବା ଭାଇ ଭଉଣୀ ମାନଙ୍କୁ ପୁରସ୍କୃତ କରାଯାଇଥିଲା । ଉକ୍ତ କାର୍ଯ୍ୟକ୍ରମ କୁ ଚୈତନ୍ୟ ଭୋଇ ଗୁରୁଜୀ ଓ କଲ୍ୟାଣୀ ମିଶ୍ର ଗୁରୁମା ସଂଯୋଜନା କରିଥିବା ବେଳେ ଶ୍ରୀଯୁକ୍ତ ଜୟକୁମାର ଭୁଏ ସହ ସମ୍ପାଦକ ଧନ୍ୟବାଦ ଅର୍ପଣ କରିଥିଲେ ।ପରେପରେ ଭଉଣୀ ମାନଙ୍କ ଓଡ଼ିଶୀ ନୃତ୍ୟ, ଶିଶୁ ପ୍ରାରମ୍ଭ ରୁ ଦଶମ ଶ୍ରେଣୀ ପର୍ଯ୍ୟନ୍ତ ୧୧ ଗୋଟି ନୃତ୍ୟ ଝିଅ ମାନଙ୍କ ଉପରେ କଥାବସ୍ତୁ ନେଇ ପରିବେଷଣ  ପରୀ ନୃତ୍ୟ ଓ ଯୋଗାସନ ,କେଶରଂଜନ ପଧାନ ଙ୍କ ଦ୍ୱାରା ରଚିତ ଓ ନିର୍ଦ୍ଦେଶିତ ନାଟକ ଗାନ୍ଧୀ ଛକ ଦର୍ଶକ ମାନଙ୍କ ହୃଦୟସ୍ପର୍ଶୀ   ହୋଇଥିଲା । ବିଭିନ୍ନ ମନୋରଞ୍ଜନ କାର୍ଯ୍ୟକ୍ରମ ରେ ବସନ୍ତ ସାହୁ, ରମେଶ ଗୁର୍ଲା ,ଦୟାସାଗର ଧରୁଆ ,ଜୁବଲି ପଣ୍ଡା, ରାଶେଶ୍ୱରୀ ପାଣିଗ୍ରାହୀ, ସୌରେନ୍ଦୀ ସାହୁ, ପ୍ରମୁଖ ନିର୍ଦ୍ଦେଶନା ଦେଇଥିଲେ ।ମାତୃ ଭାରତୀ ର ସଦସ୍ୟା ବୃନ୍ଦ,ପରିଚାଳନା କମିଟି ସଦସ୍ୟ, ସମସ୍ତ ଗୁରୁଜୀ ଗୁରୁମା ଙ୍କ ସହଯୋଗ ରେ କାର୍ଯ୍ୟକ୍ରମ ଟି ସଫଳ ହୋଇଥିଲା ।