30-Mar-2023

ବଲାଙ୍ଗୀର (ପ୍ରେରଣା ଖବର ): ବହି ସାଇତି ରଖିବା, ବହିପଢିବା ଏକ ସାଂସ୍କୃତିକ  ପରମ୍ପରାର  ପରିଚୟ। ସମୁନ୍ନତ ମଣିଷ ସଭ୍ୟତାର ବିକଶିତ ସ୍ବରୂପ ଏହି ଅଭ୍ୟାସ ଉପରେ ନିର୍ଭର କରିଥାଏ। ଏଣୁ ଆଗାମୀ ପିଢୀକୁ ସୁସ୍ଥ ସାମାଜିକ ଚେତନା ସହ ଏକ ସୁସଂହତ ସାଂସ୍କୃତିକ ପରମ୍ପରା ପ୍ରଦାନ କରିବାକୁ ପୁସ୍ତକ ପଠନର ଅଭ୍ୟାସ ଜାରୀ ରଖିବା ଦରକାର ବୋଲି ମତ ଦେଇଛନ୍ତି ବଲାଙ୍ଗିର ଜିଲ୍ଲାସ୍ତରୀୟ ପୁସ୍ତକ ମେଳାର ଉଦଯାପନୀ ସଂଧ୍ୟାର  ବରେଣ୍ଯ ଅତିଥି  ପ୍ରଫେସର ମଧୁସୂଦନ ପତି। ବଲାଙ୍ଗୀର ଅତିରିକ୍ତ ଜିଲ୍ଲାପାଳ ଲମ୍ବୋଦର ଧାରୁଆ  ଙ୍କ  ସଭାପତିତ୍ବ ରେ ଅନୁଷ୍ଠିତ ସଂଧ୍ୟାକାଳିନ   ସଭାରେ ବରେଣ୍ଯ  ଅତିଥି ଭାବେ  ପ୍ରଫେସର ମଧୁସୂଦନ ପତି, ଓଡିଶା ସାହିତ୍ଯ ଏକାଡେମୀର ସଦସ୍ଯା ଡାକ୍ତର ଜ୍ୟୋତିର୍ମୟୀ ସାହୁ ।   ସନ୍ଦୀପ କୁମାର କୁଅଁର ଙ୍କ ସଂଯୋଜନାରେ ଅନୁଷ୍ଠିତ ଏହି

ସଭାରେ ଜିଲ୍ଲା ଲେଖକ ପରିଷଦ ର କୋଷାଧ୍ୟକ୍ଷ ଅଜିତ କୁମାର ମହାନ୍ତି  ସ୍ବାଗତ ଭାଷଣ ପ୍ରଦାନ କରିଥିଲେ। ଜିଲ୍ଲା ସଂସ୍କୃତି ଅଧିକାରୀ ରଶ୍ମୀରଞ୍ଜନ ମିଶ୍ର ଅତିଥିମାନଙ୍କୁ ସମ୍ବର୍ଦ୍ଧିତ କରିବା ସହ ଶେଷରେ  ଧନ୍ୟବାଦ ଅର୍ପଣ କରିଥିଲେ।

ଏହି ଅବସରରେ ରାଧାକୃଷ୍ଣ ପଟ୍ଟନାୟକ ଙ୍କ ଗୀତିକବିତା ପ୍ରୀତିଗୀତି, ଗୋପୀକୃଷ୍ଣ ପାଣ୍ଡିଆ  ଙ୍କ ଏକାଦଶୀ ଅର୍ଘ୍ୟ,ସଦାନନ୍ଦ ମେହେରଙ୍କ  ଶରଧା ବିକାଶ ପୁସ୍ତକ କୁ ଲୋକାର୍ପିତ କରିଥିଲେ ମଞ୍ଚାସୀନ ଅତିଥିବୃନ୍ଦ। 

 ଅପରାହ୍ନରେ ଐଶ୍ଵର୍ଯ୍ୟା ଦାସଙ୍କର ପରିଚାଳନାରେ ବଲାଙ୍ଗୀର କୁଇଜ ଅନୁଷ୍ଠିତ ହୋଇଥିଲା।ନାଟ୍ୟଭୂଷଣ ଜଗଦାନନ୍ଦ ଛୁରିଆ, ଗୋପାଳ ପ୍ରଧାନ ଉପସ୍ଥିତ ଥିଲେ।
 ପରେ  ସାଇ ଅଂଶିକା ତାଣ୍ଡି, ଆଦ୍ୟାଶା ଅନ୍ବେଷା ମେହେରଙ୍କ  ଲୋକନୃତ୍ଯ,  ଦିବ୍ଯାଂଶୀ ବାଗ ଙ୍କ ସମଲପୁରୀ ଫୁଲବାଲି, ଆଇଡିଏମ ପବ୍ଲିକ ସ୍କୁଲର  ଲୋକନୃତ୍ଯ ପରିବେଷଣ କରାଯାଇଥିଲା। ଐଶ୍ଵର୍ଯ୍ୟା ଦାସ ସାଂସ୍କୃତିକ କାର୍ଯ୍ୟକ୍ରମ ପରିଚାଳନା କରିଥିଲେ।