29-Mar-2023

କର୍ଲାମୁଣ୍ଡା  (ପ୍ରଦିପ କୁମାର ସାହୁ)
କଳାହାଣ୍ଡି ଜିଲ୍ଲା କର୍ଲାମୁଣ୍ଡା ବ୍ଲକ ରିଞ୍ଜା ପଂଚାୟତର  ରିଂଜା ଗ୍ରାମର ଶିକ୍ଷକ ଜଗନ୍ନାଥ ବାଗ ଗତରାତିରେ ଆତ୍ମହତ୍ୟା କରିଥିବା ଜଣାପଡିଛି l ମୃତକ ମ ରାମପୁର ବ୍ଲକର ସାଗରପାଲି ଉଚ୍ଚ ପ୍ରାଥମିକ ବିଦ୍ୟାଳୟରେ ଶିକ୍ଷକତା କରୁଥିଲେ l ତେବେ ଗତକାଲି ରାତିରେ ତାଙ୍କ ଶୋଇବା କୋଠରୀରେ ପାଟି ରେ ରଶି ଲଗାଇ ଆତ୍ମହତ୍ୟା କରିଥିବା ଜାଣିବାକୁ ପାଇବା ପରେ ପରିବାରବର୍ଗ ପୋଲିସ କୁ ସୂଚନା ଦେଇଥିଲେ । ସୂଚନା ପାଇ ମ ରାମପୁର ଥାନାଧିକାରୀ ସଚିନ୍ଦ୍ର ପଧାନ, ରିଷିଡା ଫାଣ୍ଡିଧିକାରୀ କ୍ଷୀରସିନ୍ଧୁ ମାଝୀ ସାଇଣ୍ଟିଫିକ ଟିମ ସହ ଘଟଣାସ୍ଥଳରେ ପହଂଚି ଶବ ପଞ୍ଚନାମା କରିବାସହ ବ୍ୟବଚ୍ଛେଦ ପାଇଁ ମ ରାମପୁର ପଠାଇଥିଲେ l ଏନେଇ ମ ରାମପୁର ଥାନାରେ ୟୁ ଡି କେଶ ନଂ ୬/୨୩ ରେ ଏକ ମାମଲା ରୁଜୁ ହୋଇଛି l ରିଷିଡା ଫାଣ୍ଡିଧିକାରୀ କ୍ଷୀରସିନ୍ଧୁ ମାଝୀଙ୍କୁ ତଦନ୍ତ ଅଫିସର ଭାବେ ଦାୟିତ୍ୱ ଦିଆଯାଇଛି l ତେବେ ପାରିବାରିକ ଅଶାନ୍ତି କାରଣରୁ ସେ ଆତ୍ମହତ୍ୟା କରିଥାଇପାରନ୍ତି ବୋଲି ପୋଲିସ କହିଛି l ପ୍ରକାଶଥାଉ କି ଉକ୍ତ ଶିକ୍ଷକ ଓ ତାଙ୍କ ପତ୍ନୀ ମଧ୍ୟରେ  ଆଜକୁ ୩ ବର୍ଷ ହେବ ଛାଡ଼ପତ୍ର ମାମଲା ଚାଲିଥିବା ବେଳେ  ଓ ତାଙ୍କ ପତ୍ନୀ ଙ୍କୁ ଭରଣ ପୋଷଣ ବାବଦକୁ ତାଙ୍କ ଦରମାରୁ ଦିଆଯାଉଥିଲା। ତାଙ୍କ ପତ୍ନୀ ସନ୍ତାନ ସହ ନିଜ ବାପଘରେ ରହୁଥିବା ଜଣାଯାଇଛି l