29-Mar-2023

କର୍ଲାମୁଣ୍ଡା:(ପ୍ରଦିପ କୁମାର ସାହୁ)
 ସମଗ୍ର ଶିକ୍ଷା କଳାହାଣ୍ଡି ଓ କୈବଲ୍ୟ ଏଜୁକେଶନ୍ ଫାଉନଡେଶନ୍ ର ମିଳିତ ଆନୁକୂଲ୍ୟରେ "ପଢିବାକୁ ଶିଖିବା : ଶିଖିବାକୁ ପଢ଼ିବା"  କର୍ଲାମୁଣ୍ଡା ବ୍ଲକ ସ୍ତରୀୟ ଏକଦିବସୀୟ କର୍ମଶାଳା ତେରେସିଂହା ସରକାରୀ ଉଚ୍ଚ ବିଦ୍ୟାଳୟ ରେ ବୁଧବାର ଅନୁଷ୍ଠିତ ହୋଇଯାଇଛି । ଅତିରିକ୍ତ ଜିଲ୍ଲା ଶିକ୍ଷା ଅଧିକାରୀ ଟେମଲାଲ ଦୁବେ ଙ୍କ ଅଧ୍ୟକ୍ଷତା ରେ  ଅନୁଷ୍ଠିତ ଏହି କାର୍ଯ୍ୟକ୍ରମରେ ସ୍ଥାନୀୟ ଗୋଷ୍ଠୀ ଶିକ୍ଷା କାର୍ଯ୍ୟାଳୟ ର ସହକାରୀ ଗୋଷ୍ଠୀ ଶିକ୍ଷା ଅଧିକାରୀ ସହଦେବ ସୁନା ଓ ଅବସର ପ୍ରାପ୍ତ ପୂର୍ବତନ ବ୍ଲକ ଶିକ୍ଷା ଅଧିକାରୀ ହୃଷୀକେଶ ଗହିର ,ତେରେସିଂହା ସରକାରୀ ଉଚ୍ଚ ବିଦ୍ୟାଳୟ ର ପ୍ରଧାନ ଶିକ୍ଷକ ଗରୁଡ଼ଧ୍ଵଜ ଗହିର କୈବଲ୍ୟ ଏଜୁକେଶନ୍ ଫାଉନ୍ ଡେଶନ୍ ର ଜିଲ୍ଲା କାର୍ଯକ୍ରମ ପରିଚାଳକ ଶାଶ୍ଵତ ସୌରଭ ପଣ୍ଡା ଓ ତାଙ୍କର କର୍ମକର୍ତ୍ତା ବୃନ୍ଦ ଯୋଗ ଦେଇଥିଲେ ।
ଜାତୀୟ ଶିକ୍ଷା ନୀତି ୨୦୨୦ ର ଏକ ବିଶେଷ ଉପାଦାନ ମୌଳିକ ସାକ୍ଷରତା ଓ ସଂଖ୍ୟା ଜ୍ଞାନ ଅନ୍ତର୍ଗତ କଳାହାଣ୍ଡି ଜିଲ୍ଲା ଶିକ୍ଷା ବିଭାଗର ଏକ ଅଭିନବ ପ୍ରୟାସ ପଢିବାକୁ ଶିଖିବା, ଶିଖିବାକୁ ପଢ଼ିବା କାର୍ଯ୍ୟକ୍ରମ ମାଧ୍ୟମରେ ବ୍ଲକ ର ପ୍ରଥମ ରୁ ଅଷ୍ଟମ ଶ୍ରେଣୀରେ ଅଧ୍ୟୟନରତ ସମସ୍ତ ଛାତ୍ର ଛାତ୍ରୀ କେମିତି ପଠନ, ଲିଖନ, କଥନ ଓ ସଂଖ୍ୟା ଜ୍ଞାନ ଉପରେ ଦକ୍ଷତା ହାସଲ କରିପାରିବେ ସେ ଦିଗରେ ଶ୍ରୀଦୁବେପ୍ରଧାନଶିକ୍ଷକମାନଙ୍କୁ ବିଶେଷ ଭାବେ ତାଲିମ ପ୍ରଦାନ କରିଥିଲେ | ଏଥିରେ ପିଲାଙ୍କର ଉନ୍ନତିକୁ ବିଦ୍ୟାଳୟ ସ୍ତରରେ ସାପ୍ତାହିକ ଆକଳନ ଓ ବ୍ଲକ ଏବଂ ଜିଲ୍ଲାକୁ ମାସିକ ରିପୋର୍ଟ ପ୍ରଦାନ ଉପରେ ଗୁରୁତ୍ୱାରୋପ  କରିଥିଲେ | ଏହି କାର୍ଯ୍ୟକ୍ରମ କର୍ଲାମୁଣ୍ଡା ବ୍ଲକ ର ପ୍ରାଥମିକ ଶିକ୍ଷା କୁ ସୁଦୃଢ଼ କରିବ ବୋଲି ବୁଦ୍ଧିଜିବୀ ମହଲରେ ମତ ପ୍ରକାଶ ପାଇଛି |ଏଥିରେ ବ୍ଲକର  ପ୍ରଧାନଶିକ୍ଷକ ଓ ସି ଆର ସି ସି ମାନେ ଯୋଗଦେଇଥିଲେ