24-Mar-2023

ସୁବର୍ଣ୍ଣପୁର - (ମନୋରଞ୍ଜନ ତ୍ରିପାଠୀ)
ବାଇକ ଡ଼ିକି ଭାଙ୍ଗି ଟଙ୍କା ଲୁଟ ଘଟଣା ରେ ଆଜି ସୋନପୁର  ପୋଲିସ  ଗଞ୍ଜାମ  ଜ଼ିଲ୍ଲା ଆସ୍କା ଥାନା ଅଞ୍ଚଳ ରୁ ଦୁଇ ଜଣ  ଲୁଟେରା ଦୁର୍ବୁତ୍ତ ଙ୍କୁ  ଗିରଫ କରିବାରେ ସଫଳ ହୋଇଛି l ପ୍ରକାଶ ଥାଉ କି ଯେ ଗତ 6-3-2023: ରେ ସୋନପୁର ବରୋଦା ବ୍ୟାଙ୍କ ରୁ ଖଲିଆପାଲି ଗାଁ ର ରୋହିତ କୁମାର ସାହୁ ଦୁଇ ଲକ୍ଷ ଟଙ୍କା ନେଇ ଗାଁ କୁ ଯିବା ବେଳେ ବିନିକା ରୋଡ଼ ହୋଟେଲ ଗ୍ରୀନ ପାର୍କ ଆଗରେ ଅଟକି ଅନ୍ୟମନସ୍କ ହୋଇ ପାଣି ବୋଟଲ କିଣିବା ସମୟ ରେ  ବ୍ୟାଙ୍କ ରୁ ପିଛା କରୁଥିବା ଦୁଇ ଜଣ ଲୁଟେରା ଏକ ହୁଣ୍ଡା ୟୁନିକନ ବାଇକ ରେ ଆସି  ରୋହିତ ର ଆଖି ପିଛୁଳାକେ ଡ଼ିକି ଭାଙ୍ଗି ଦୁଇ ଲକ୍ଷ ଟଙ୍କା ଲୁଟି ଫେରାର ହୋଇଥିଲେ l ରୋହିତ ଏ ନେଇ ସୋନପୁର ଥାନା ରେ ଲିଖିତ ଅଭିଯୋଗ କଲା ପରେ ସୋନପୁର ପୋଲିସ ଘଟଣା ସ୍ଥଳ ର ସିସିଟିଭି ଆଧାର ରେ  ଓ ପ୍ରତ୍ୟକ୍ଷ ଦର୍ଶୀ ଙ୍କ ଆଧାର ରେ ଏ ଘଟଣା ର ଅନୁସନ୍ଧାନ ଜାରି ରଖିଥିଲେ l ଲୁଟେରା  ଆକାଶ ଦାସ ଓ ରଂଜିତ ରାଓ ଙ୍କୁ  ଆସ୍କା ରୁ ଗିରଫ କରି ତାଙ୍କ ହୁଣ୍ଡା ବାଇକ OD 02AS -6921 ଓ ଦେଢ଼ ଲକ୍ଷ ଟଙ୍କା ଉଦ୍ଧାର କରିଥିବା ବିଷୟ ଆଜି ସୁବର୍ଣ୍ଣପୁର ଏସପି ଶ୍ରୀ ଅମରେଶ ପଣ୍ଡା  ଏକ ସାମ୍ବାଦିକ ସମ୍ମିଳନୀ ରେ ଖୁଲାସା କରିଥିବା ଜଣାଯାଇଛି l  ଏବଂ ଏ ଅଭିଯୁକ୍ତ ଙ୍କୁ ଆଜି କୋର୍ଟ ଚlଲାଣ କରିଥିବା ଜଣାଯାଇଛି l ସୋନପୁର ପୋଲିସ ର ସିରିଜ ସଫଳତା କୁ ଜ଼ିଲ୍ଲାବାସୀ ପ୍ରଶଂସା କରିଥିବା ବେଳେ ଏ କଳଙ୍କିତ ବରୋଦା ବ୍ୟାଙ୍କ ସମେତ  ଅନ୍ୟ ସମସ୍ତ ବ୍ୟାଙ୍କ ମାନଙ୍କ ଆଗରେ ଗ୍ରାହକ ଙ୍କୁ ସଚେତନତା କରିବା ପାଇଁ    ବ୍ୟାଙ୍କ ଓ ପୋଲିସ ପ୍ରଶାସନ ପକ୍ଷରୁ ପଦକ୍ଷେପ ନେବାକୁ ଲୋକେ ଦାବୀ କରୁଛନ୍ତି l ଆଜି ର ଏଇ ପ୍ରେସ ମିଟ ରେ ଏସପି ଶ୍ରୀ ପଣ୍ଡା ଙ୍କ ସମେତ ଏସ୍ଡ଼ିପିଓ ପୁଷ୍ପାଞ୍ଜଳୀ ନିଙ୍ଗୀ, ଓ ଥାନା ଅଧିକାରୀ କୃଷ୍ଣ ଚନ୍ଦ୍ର ମେହେର ଉପସ୍ଥିତ ଥିଲେ l