23-Mar-2023

ସମ୍ବଲପୁର, ( ସଂଜୀବ ପାଣିଗ୍ରାହୀ)
ସ୍ବାଧୀନତା ପୁର୍ବରୁ ଲୀଲା ନାଟକ ପାଇଁ ପ୍ରସିଦ୍ଧି ଲାଭ କରିଥିବା ସମ୍ବଲପୁର ଜିଲ୍ଲା କବରାପାଲିରେ ୧୯୪୮ଠାରୁ  ରାମଲୀଳା ନାଟକ ଆରମ୍ଭ କରାଯାଇ ଥିଲା। ସିନ୍ଦୁରପଂକ ଗ୍ରାମର ଭୀକାରୀ ପଣ୍ଡାଙ୍କ ଦ୍ବାରା ରଚିତ ରାମଲୀଲା ନାଟକକୁ ନିଜେ ନିର୍ଦ୍ଦେଶନା ଦେଇ ନାଟକ ଆରମ୍ଭ କରିଥିଲେ। କଲାକାର ଗ୍ରାମ ଭାବରେ କବରାପାଲି ଗାଁରେ ଦିର୍ଘ ବର୍ଷ ଧରି ୧୪ ଦିନ ଧରି ରାମଲୀଳା ନାଟକ ଅନୁଷ୍ଠିତ ହୋଇଆସୁଛି। ଚଲିତ ବର୍ଷ ରାମଲୀଳା ନାଟକ ର ୭୫ ବର୍ଷ ହେବାକୁ ଥିବା ବେଲେ   ଅମ୍ରୁତ ଉତ୍ସବକୁ ଧୁମଧାମରେ ପାଲନ କରିବା ପାଇଁ କବରାପାଲି ରାମନବମୀ କମିଟୀ ପକ୍ଷରୁ ଜୋରଦାର ପ୍ରସ୍ତୁତି ଚାଲିଛି, ଆସନ୍ତା ମାର୍ଚ୍ଚ ୩୦ତାରିଖରେ କଲସଯାତ୍ରା ସହ ଶ୍ରୀରାମ ମହାପ୍ରଭୁ ମାତା ସୀତା ଏବଂ ଲକ୍ଷ୍ମଣଙ୍କ ସହ ମଣ୍ଡପକୁ ଆଗମନ କରିବେ। ୩୧ ତାରିଖରୁ ଏପ୍ରିଲ ୫ ତାରିଖ ପର୍ୟ୍ଯନ୍ତ ରାମ ଲୀଲା ନାଟକ ଅନୁଷ୍ଠିତ ହେବା। ୬ ତାରିଖରେ କିର୍ତ୍ତନ, ୭ ତାରିଖରେ ବାଦୀପାଲା, ୮ ତାରିଖରେ ପାରାୟଣ, ୯ ତାରିଖରେ ମହିଳା କିର୍ତନ ପରେ ମହାପ୍ରଭୁଙ୍କ ମନ୍ଦିର ପ୍ରବେଶ  କାର୍ଯ୍ୟକ୍ରମ ସ୍ଥିର କରାଯାଇଛି। କବରାପାଲି ରାମ ନବମୀ ଉତ୍ସବ ପ୍ରସ୍ତୁତି ବୈଠକରେ କମିଟୀର ସଭାପତି ଅଶ୍ବିନୀ ବଢାଇ , ମହିମା ପ୍ରସାଦ ବଢାଇ, ସଂଜୟ ପ୍ରଧାନ, ଶରତ ସାହୁ, ଦିଲିପ ବଢାଇ, ଖୀରୋଦ ସାହୁ, ଅନ୍ତର୍ଯ୍ୟାମୀ ପଧାନ, ଗୋବିନ୍ଦ ସାହୁ ପ୍ରମୁଖ  ସାମିଲ ହୋଇଥିଲେ।