23-Mar-2023

କଳାହାଣ୍ଡି,ଧର୍ମଗଡ(ତ୍ରିନଥ ବେଶ୍ରା)
ଆଜି କଳାହାଣ୍ଡି ଜିଲ୍ଲା ନାଗରିକ ବିକାଶ ସଂଗଠନ ପକ୍ଷ ରୁ ବୁଧବାର ୪ଦଫା ଦାବି ନେଇ ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ଏକ ଦାବିପତ୍ର ପ୍ରଦାନ କରାଯାଇଛି। ଗ୍ରାମ୍ୟ ଜଳଯୋଗାଣ ଓ ପରିମଳ  ବିଭାଗ ଜରିଆରେ ଅଚଳ ଥିବା ନଳକୂପ ଓ ଷ୍ଟାଣ୍ଡ ପୋଷ୍ଟ କୁ ତୁରନ୍ତ ମରାମତି କରାଯାଇ କାର୍ଯ୍ୟକ୍ଷମ କରାଯାଉ, ଜଳ କଷ୍ଟ ଅଞ୍ଚଳ ଗୁଡିକ କୁ ଚିହ୍ନଟ କରି ତୁରନ୍ତ ଟ୍ୟାଙ୍କର ମାଧ୍ୟମରେ ପାନୀୟ ଜଳ ଯୋଗାଣ, ଜଳ ଯୋଗାଣ ମିଶନ ଏବଂ ରାଜ୍ୟର ମେଗା ପାଇପ୍ ଜଳ ଯୋଗାଣ "ବସୁଧା " ଭଲି ପ୍ରମୁଖ ଯୋଜନା ଜଳ ର ଅନେକ ସମସ୍ୟା ସମାଧାନ କରିପାରିବ, ତେଣୁ ଏହାର କାର୍ଯ୍ୟନ୍ବୟ କୁ ତ୍ବରାନ୍ବିତ କରି ତୁରନ୍ତ ସମସ୍ତ ପାନୀୟ ଜଳର ସମାଧାନ, ସ୍କୁଲ ଛାଡ଼ିଥିବା କିଶୋରୀ ମାନଙ୍କ ପାଇଁ ପୁନଃ ଶିକ୍ଷା ଗ୍ରହଣ ବ୍ୟବସ୍ଥା କରାଯାଉ, ସମସ୍ତ ଅଙ୍ଗନୱାଡି କେନ୍ଦ୍ରରେ ନିଜସ୍ଵ ଗୃହ ସୁନିଶ୍ଚିତ କରାଯାଉ ଆଦି ଦାବି ଗୁଡ଼ିକ ଉଲ୍ଲେଖ ରହିଛି। ନାଗରିକ ବିକାଶ ସଂଗଠନ ଧର୍ମ ଗଡ ବ୍ଲକ ସଭାନେତ୍ରୀ ଜେମା ଖମାରୀ ସମ୍ପାଦିକା ପ୍ରବୀଣ। ଖମାରୀ ଙ୍କ ନେତୃତ୍ୱରେ ପ୍ରଥମେ ସ୍ଥାନୀୟ ବସ୍ ଷ୍ଟାଣ୍ଡ ନିକଟରୁ ମହିଳାମାନେ ଏକ ଶୋଭାଯାତ୍ରାରେ ବାହାରି ବିଭିନ୍ନ ସ୍ଳୋଗାନ ଦେଇ ବ୍ଳକ କାର୍ଯ୍ୟାଳୟ କୁ ପହଞ୍ଚି ଥିଲେ। ପରେ ଧର୍ମ ଗଡ ଗୋଷ୍ଠୀ ଉନ୍ନୟନ ଅଧିକାରୀଙ୍କୁ ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ୪ଦଫା ସମ୍ମିଳିତ ଏକ ଦାବିପତ୍ର ପ୍ରଦାନ କରିଥିଲେ। ଏହି ସମୟରେ ବ୍ଳକ ସଂଯୋଜକ ଜଗନ୍ନାଥ ଶଗଡ଼ିଆ ଓ କ୍ଷିରସିନ୍ଧୁ ନାୟକ, ଦେବ ରାଜ ଭଇସ।ଲ , ଦେବ ସ୍ପିତା ମାଝୀ ଙ୍କ ସମେତ ବ୍ଳକର ୨୪ଟି ପଞ୍ଚାୟତର ଶତାଧିକ ମହିଳା ଉପସ୍ଥିତ ଥିଲେ।