14-Mar-2023

ପାଟଣାଗଡ଼(ପୂର୍ଣ ଶଶୀ ଶେଖର ରାଓ ): ବଲାଙ୍ଗିର ଜିଲ୍ଲାରେ ଅପରାଧୀ ମାନଙ୍କୁ ଦମନ କରିବା ପାଇଁ ବଲାଙ୍ଗିର ଜିଲ୍ଲାପାଳ ଚଞ୍ଚଳ ରାଣା ଓ ଆରକ୍ଷୀ ଅଧିକ୍ଷକ ନିତିନ କୁଶଳକର ଅପରାଧୀ କ୍ଳିନ ମିଶନ ଚଲାଇଛନ୍ତି। ବଲାଙ୍ଗିର ସହରରେ ଅନେକ ଗୁଡ଼ିଏ ଅପରାଧୀଙ୍କୁ ଗିରଫ କରୁଥିବା ବେଳେ ତାଙ୍କ ଆଡ୍ଡାସ୍ଥଳୀ ଭାଙ୍ଗିରୁଜି ଚୁରମାର କରାଯାଇଛି। ଏହି ପରିପ୍ରେକ୍ଷୀରେ ପାଟଣାଗଡ଼ ଉପଖଣ୍ଡ ରେ ମଧ୍ୟ ଉପଜିଲ୍ଲାପାଳ ବିଜୟାନନ୍ଦ ସେଠୀ ଓ ଏସ ଡି ପି ଓ ଜ୍ୟୋତିର୍ମୟ ଭୁକ୍ତା ତହସିଲଦାର

ଲକ୍ଷ୍ମଣ ମାଝୀ ଙ୍କ ନେତୃତ୍ବରେ ଅପରାଧୀ କ୍ଳିନ ମିଶନ ଜାରି କରାଯାଇଛି। ପ୍ରଥମେ ପାଟଣାଗଡ଼ ସହରର ଅପରାଧି ଜଗା ସେନାପତି ର ଆଡ୍ଡାସ୍ଥଳୀ ଭଙ୍ଗା ଯାଇଥିବା ବେଳେ ଆଜି ଦ୍ବିତୀୟ ପର୍ଯ୍ୟାୟ ରେ ପାଟଣାଗଡ଼ ଥାନା ଅଞ୍ଚଳ ପାଢେଲ ନିକଟସ୍ଥ ଶ୍ରୀକାନ୍ତ ଘିବେଲା ର ଆଡ୍ଡାସ୍ଥଳୀ ଢ଼ାବା ଓ ହୋଟେଲ ଭଙ୍ଗା ଯାଇଛି ତା ନାଁ ରେ ୬ ଗୋଟି ଅପରାଧୀ ମାମଲା ଥିବା ଥାନା ଅଧିକାରୀ କହିଛନ୍ତି।ଘିବେଲା ର ଆଡ୍ଡାସ୍ଥଳୀ ଭଙ୍ଗା କାର୍ଯ୍ୟକ୍ରମ ବେଳେ ତହସିଲଦାର ଲକ୍ଷ୍ମଣ ମାଝୀ, ଏସ,ଡି, ପି, ଓ ଜ୍ୟୋତିର୍ମୟ ଭୁକ୍ତା, ପାଟଣାଗଡ଼ ଥାନା ଅଧିକାରୀ ଅନନ୍ତ ପ୍ରଧାନ, ସବ୍ ଇନ୍ସପେକ୍ଟର ବ୍ରଜ କିଶୋର ପଣ୍ଡା ଙ୍କ ସହିତ ଥାନା ଷ୍ଟାଫ୍ ଉପସ୍ଥିତ ଥିଲେ।