25-Jan-2023

ବଲାଙ୍ଗୀର(ମଳୟ ମିଶ୍ରଙ୍କ ରିପୋର୍ଟ )  ଅନ୍ୟାନ୍ୟ ଜିଲ୍ଲାରେ ଓଡିଆ ଭାଷା , ସାହିତ୍ୟ ଓ ସଂସ୍କୃତି ବିଭାଗର ଜିଲ୍ଲାଗୁଡିକୁ ପୁସ୍ତକମେଳା ନିମନ୍ତେ ମିଳୁଥିବା ସରକାରୀ ଅନୁଦାନକୁ  ବଲାଙ୍ଗୀରରେ କେତେକ ନିକୃଷ୍ଟ୍ବା ସ୍ବାର୍ଥପର ଗୋଷ୍ଠୀ  ଜିଲ୍ଲା ପ୍ରଶାସନ ଓ ଜିଲ୍ଲା ସଂସ୍କୃତି ବିଭାଗ ବନାମ  ମନମୁଖୀଭାବରେ ଗଠିତ ସଂସ୍କୃତି ପରିଷଦକୁ ଆଳ କରି ସମାନ୍ତରାଳ ପୁସ୍ତକମେଳା କରି ହଡପ କରିଆସୁଥିବା ଜିଲ୍ଲାର ଲେଖକମାନଙ୍କ ମହଲରୃ ତୀବ୍ର ପ୍ରତିକ୍ରିୟା ସୃଷ୍ଟି କରିଛି । 

ଗତବର୍ଷ ଏହି ଅନୁଦାନକୁ ମଧ୍ୟ ଏହିପରି ଭାବରେ ବିକଳ୍ପ ପୁସ୍ତକମେଳା କରି ସଂସ୍କୃତିବିଭାଗ ଦେଇଥିବା ଲକ୍ଷାଧିକ ଟଙ୍କା ହଡପ କରାଯାଇଥିବା ଅଭିଯୋଗ ପ୍ରକାଶ ପାଇଥିଲା । ଚଳିତବର୍ଷ ମଧ୍ୟ ଏପରି ଚକ୍ରାନ୍ତ କରାଯାଉଛି । ଆଜି ଜିଲ୍ଲା ସଂସ୍କୃତି ଅଧିକାରୀଙ୍କ ନେତୃତ୍ଵରେ ପୁଣି ଏହି ଗୋଷ୍ଠୀ ସକ୍ରିୟ ହୋଇ ଉଠିଛନ୍ତି । ଆଜି ଏଥିପାଇଁ ଏକ  ବୈଠକ ଅନୁଷ୍ଠିତ ହେଉଛି । 

ଗତବର୍ଷଠାରୁ ବଲାଙ୍ଗୀର ଜିଲ୍ଲା ଲେଖକ ପରିଷଦ ଏହାର ତୀବ୍ର ବିରୋଧ କରି ଆସୁଛି ।    ପଡୋଶୀ ବରଗଡ , ସୁବର୍ଣ୍ଣପୁର ଓ ଅନ୍ୟାନ୍ୟ ଜିଲ୍ଲାରେ ଜିଲ୍ଲାର ପ୍ରତିଷ୍ଠିତ ପୁରାତନ ସାହିତ୍ୟାନୁଷ୍ଠାନକୁ ଏହି ଅର୍ଥଅନୁଦାନ ପ୍ରଦାନ କରାଯାଇଆସୁଥିବା ସ୍ଥଳେ , ବଲାଙ୍ଗୀରରେ କାହିଁକି ଏହାର ବ୍ୟତିକ୍ରମ କରାଯାଉଛି ବୋଲି ପ୍ରଶ୍ନ କରାଯାଇଛି । ବଲାଙ୍ଗୀର ଜିଲ୍ଲାକୁ ସଂସ୍କୃତିବିଭାଗ କେତେ ଟଙ୍କା ଏଥିପାଇଁ ଦେଉଛି ,

ଆଜିର ସୂଚନାଯୁଗରେ ଏହା ଗୋପନ ରଖାଯାଇ ଆସୁଛି ।
ଗତବର୍ଷ ଓ ଚଳିତବର୍ଷ ଏହି ବିଭାଗୀୟ ସରକାରୀ ଅନୁଦାନ ଜିଲ୍ଲା ଲେଖକ ପରିଷଦ ବିଧିବଦ୍ଧଭାବେ ଜିଲ୍ଲା ସଂସ୍କୃତି ଅଧିକାରୀ ଓ ଜିଲ୍ଲାପାଳଙ୍କ ଜରିଆରେ ଓଡିଆ ଭାଷା ସାହିତ୍ୟ ଓ ସଂସ୍କୃତିବିଭାଗର ନିର୍ଦ୍ଦେଶକଙ୍କ ନିକଟରେ ଲିଖିତ ଆବେଦନ କରିଆସୁଛି । କିନ୍ତୁ ଜିଲ୍ଲାପାଳ ବା ଜିଲ୍ଲା ସଂସ୍କୃତି ଅଧିକାରୀ ଏହି ଆବେଦନକୁ ସୁପାରିଶ ନ କରି ଉକ୍ତ ଚକ୍ରାନ୍ତକାରୀଗୋଷ୍ଠୀର ଇଙ୍ଗିତରେ ପରିଚାଳିତ ହୋଇ ଆସୁଥିବା ଦୁଃଖ ଓ କ୍ଷୋଭର ବିଷୟ । ସେମାନେ ବହିହାଟ ବା ପୁସ୍ତକମେଳା , ପୁସ୍ତକମେଳା , ବୁକ୍ ଫେୟାର୍ ଅଲଗା ଅଲଗା ବୋଲି ସରକାର ନିର୍ଦ୍ଧାରଣ କରିବାଥିବାରୁ ଏହିବାବଦ ଅର୍ଥଅନୁଦାନ ଜିଲ୍ଲା ଲେଖକ ପରି ଷଦର ବହିହାଟକୁ ଦିଆଯାଇ ପାରିବ ନାହିଁ ବୋଲି ଅତ୍ୟନ୍ତ ହାସ୍ୟାସ୍ପଦ ଅଜବ୍ ଯୁକ୍ତି ଉପସ୍ଥାପନ କରୁଛନ୍ତି । ଏଠାରେ ଉଲ୍ଲେଖଯୋଗ୍ଯ ଯେ , ଦୀର୍ଘବର୍ଷ ଧରି ବଲାଙ୍ଗୀରରେ ଜିଲ୍ଲା ସଂସ୍କୃତିଅଧିକାରୀ ପଦ ଖାଲି ପଡିଥିବାରୁ ଏହି ପଦରେ ଜିଲ୍ଲା ସ୍ବଳ୍ପ ସଂଚୟ ଅଧିକାରୀଏହାର ଭାରପ୍ରାପ୍ତ ଦାୟିତ୍ୱରେ ରହିଆସିଥିଲେ । ସେ ତାଙ୍କର କେତେକ ଅନୁଗାମୀଙ୍କୁ ଲଗାଇ ସଂସ୍କୃତିପରିଷଦ , ଭାଷା ଗବେଷଣା ପରିଷଦ ଇତ୍ୟାଦି ତଥାକଥିତ କମିଟି ଦର୍ଶାଇ ଏହିବାବଦର ସରକାରୀ ଅର୍ଥଅନୁଦାନର ଘୋଟାଲା କରିଆସୁଥିବା ଅଭିଯୋଗ ପ୍ରକାଶ ପାଇଥିଲା । ତାଙ୍କଦ୍ବାରା ଲୋକଉତ୍ସବ ସମେତ ଏଭଳି ବିଭିନ୍ନ ସରକାରୀ ଓ ସରକାରୀଅର୍ଥର ବିନିଯୋଗରେ ଆୟୋଜିତ ଅନ୍ୟାନ୍ୟ ସାଂସ୍କୃତିକ କାର୍ଯ୍ୟକ୍ରମର ଅଯଥା ମିଥ୍ୟାଖର୍ଚ୍ଚ କରି ଟଙ୍କା ହଡପ କରାଯାଇଥିବା ପ୍ରମାଣର ତଦନ୍ତ ପରେ ତାଙ୍କଠାରୁ ଜୋରିମାନା ଆଦାୟର ନୋଟିସ୍ ଦିଆଯାଇଥିବା ଖବରରୁ ପ୍ରକାଶ । ସଂପ୍ରତି ଜଣେ ଜିଲ୍ଲା ସଂସ୍କୃତି ଅଧିକାରୀ ଆସିବା ପରେ ମଧ୍ୟ ତାଙ୍କ ଉପରେ ଚାପ ପକାଇ ଏହି ମଦ୍ୟପ ପୂର୍ବତନ ଅଧିକାରୀଜଣକ ଅବସରପ୍ରାପ୍ତ ହେଲା ପରେ ବି ଚଳିତ ଲୋକଉତ୍ସବ ଗତକାଲି ସମାପ୍ତ ହେବା ପରେ ପରେ ପୂର୍ବଭଳି ନିଜ ଅନୁଗାମୀଗୋଷ୍ଠୀକୁ ଧରି ଚକ୍ରାନ୍ତରେ ସକ୍ରିୟ ରହିଥିବା ଦେଖାଯାଇଛି ।   ଅନ୍ତତଃ ଚଳିତବର୍ଷଠାରୁ ଏହି ବୁକ୍ ଫେୟାର୍ ପାଇଁ ସରକାରୀ ଅନୁଦାନ ଜିଲ୍ଲା ଲେଖକ ପରିଷଦକୁ ଦିଆଯିବାକୁ ଜିଲ୍ଲା ଲେଖକ ପରିଷଦର ମୁଖ୍ୟପୃଷ୍ଠ ପୋଷକ ରହିଥିବା ଜିଲ୍ଲାପାଳ ସୁପାରିଶ କରିବାକୁ ପରିଷଦ ଦାବି କରିଛି ।