24-Jan-2023

ଆଜି ଡାବୁଗାଁ ବ୍ଲକ ରେ ଅଭିଯୋଗ ଶୁଣାଣୀ ଦିବସ ଥିଲା। ଏହି ଅବସରରେ ଏଡିଏମ୍ ଙ୍କ ମାଧ୍ୟମରେ ନବରଙ୍ଗପୁର ଜିଲ୍ଲାପାଳ ଙ୍କୁ ଏକ ଗୁରୁତ୍ବପୂର୍ଣ୍ଣ ଅଭିଯୋଗ ପତ୍ର ଦେଇଛନ୍ତି ଯୋବାଗୁଡା ସରପଞ୍ଚ ରଘୁନାଥ ଭତ୍ରା ଏବଂ ଦରଗୁଲା ଓ ତାଲବେଡା

ଗ୍ରାମବାସୀ ଭାରତମାଳା ପ୍ରୋଜେକ୍ଟ ରେ ହେଉଥିବା ଅନିୟମିତତା କୁ ନେଇ। ସେମାନଙ୍କ ଅଭିଯୋଗ ପ୍ରକାରେ ବ୍ଲାଷ୍ଟ୍ ଯୋଗୁଁ ଆଖପାଖ ଗାଁ ର ଘର ଗୁଡ଼ିକ ଦୋହଲି ଯାଉଛି। ପଥର ଗୁଡ଼ିକ ଅନେକ ଦୂର ପର୍ଯ୍ୟନ୍ତ ଚାଷ ଜମି ରେ ଆସି ପଡୁଛି। ଭବିଷ୍ୟତରେ ଅନେକ ବିପଦ ର କାରଣ ହୋଇପାରେ ଏ ଅନୈତିକ କାର୍ଯ୍ୟ। ବିନା ଅନୁମତିରେ ଏଭଳି ଗ୍ରାମ୍ୟ ପରିବେଶ କୁ ଅସ୍ୱାସ୍ଥ୍ୟକର କରାଯାଉଥିବା ମଧ୍ୟ ଅଭିଯୋଗ ହୋଇଛି। କାହାର ଅନୁମତି ନେଇ ଏଭଳି କାର୍ଯ୍ୟ କରାଯାଉଛି ବୋଲି ପ୍ରଶାସନ କୁ ପ୍ରଶ୍ନ ପଚାରିଛନ୍ତି ପଞ୍ଚାୟତ ଅଧିବାସୀ । ଦରଗୁଲା ମୌଜା ରେ ଥିବା ପ୍ଲଟ ନମ୍ବର ୫୯୬ ର ପଥର ବଣୀ ରେ ଚାଲୁଥିବା ଅନୈତିକ କାର୍ଯ୍ୟକଳାପ କୁ ଶୀଘ୍ର ବନ୍ଦ କରିବା ପାଇଁ ପଞ୍ଚାୟତ ଅଧିବାସୀମାନେ ସରପଞ୍ଚ ଙ୍କ ସହ ଦାବି କରିଛନ୍ତି।

ରିପୋଟ ମିହିର ଶଙ୍କର ପାତ୍ର,ନବରଙ୍ଗପୁର