24-Jan-2023

ଉଲୁଣ୍ଡା (ଗୌରଚନ୍ଦ୍ର ପରିଛା) ସୁବର୍ଣ୍ଣପୁର ଜିଲ୍ଲା ଉଲୁଣ୍ଡା ବ୍ଲକ ସଭାଗୃହରେ ଜିଲ୍ଲାପାଲ ଓ ଏସପିଙ୍କ ମିଲିତ ଅଭିଯୋଗ ଶୁଣାଣୀ ଶିବିର ଅନୁଷ୍ଠିତ ହୋଇଯାଇଛି । ଶିବିରକୁ ଜିଲ୍ଲାପାଲ ଅନୁପସ୍ଥିତ ଥିବାରୁ ଅତିରିକ୍ତ ଜିଲ୍ଲାପାଲ ନିଶିପୁନମ ମିଞ୍ଜ ଏବଂ ଏସପି ଅମରେଶ ପଣ୍ଡା ଯୋଗଦେଇ ଜନସାଧାରଣଙ୍କ ଆପତି ଅଭିଯୋଗ ଶୁଣିଥିଲେ ।

ଶିବିରରେ ସର୍ବମୋଟ ୪୨ ଟି ଅଭିଯୋଗ ପଂଜିକୃତ ହୋଇଥିଲା । ସେଥିମଧ୍ୟରୁ ୨୬ଟି ବ୍ୟକ୍ତିଗତ, ୧୬ଟି ସାମୁହିକ ଅଭିଯୋଗ ହୋଇଥିବା ବେଳେ ୧୮ଟି ଅଭିଯୋଗର ତୁରନ୍ତ ସମାଧାନ କରାଯାଇଥିଲା । ଅବଶିଷ୍ଠ ଅଭିଯୋଗ ଗୁଡିକ ନିର୍ଦ୍ଧାରିତ ସମୟ ମଧ୍ୟରେ ସମାଧାନ କରିବା ପାଇଁ ବିଭାଗୀୟ ଅଧିକାରୀ ମାନଙ୍କୁ ଅତିରିକ୍ତ ଜିଲ୍ଲାପାଲ ନିର୍ଦେଶ ଦେଇଥିଲେ । ଏହି ଅବଶରରେ ୭ଜଣ ହିତାଧିକାରୀଙ୍କୁ ଭତା,୧୫ ଜଣ ଏସଏଚଜି ମହିଲାଙ୍କୁ ୫ଲକ୍ଷ ୫୯ ହଜାର ଟଙ୍କା ରୂଣ ପ୍ରଦାନ, ଜଣକୁ ମୁଖ୍ୟମନ୍ତ୍ରୀ ରିଲିଫ ପାଣ୍ଠିରୁ ସହାୟତା ଏବଂ ଜଣକୁ ଜାତୀୟ ପରିବାର କଲ୍ୟାଣ ଯୋଜନାରେ ୨୦ ହଜାର ଟଙ୍କାର ଚେକ  ପ୍ରଦାନ କରାଯାଇଥିଲା । ବିଡିଓ ହେମସାଗର ଭୋଇଙ୍କ ତତ୍ୱାବଧାନରେ ହୋଇଥିବା ଏହି ଶିବିରକୁ ଜିଲ୍ଲା ପରିଷଦ ସିଇଓ ନିହାର ରଞ୍ଜନ କହଁର, ବୀରମହାରାଜପର ଉପଜିଲ୍ଲାପାଲ ଅଶୋକ ଭୋଇ, ଅତିରିକ୍ତ ତହସିଲଦାର ସୋମନାଥ ବେହେରା ପ୍ରମୁଖ ମଂଚାସୀନ ହୋଇଥିଲେ । ବ୍ଲକ ସାମାଜିକ ସୁରକ୍ଷା ଅଧିକାରୀ କ୍ଷିରୋଧ ଭୂଷଣ ରାଏ ପରିଚାଲନା କରିଥିବା ବେଲେ ଜିଲ୍ଲା ଏବଂ ବ୍ଲକର ସମସ୍ତ ବିଭାଗର ଅଧିକାରୀ ମାନେ ଯୋଗଦେଇଥିଲେ ।