23-Dec-2022

ବଲାଙ୍ଗିର // ଆଜି ରାଜ୍ୟସଭାରେ କେନ୍ଦ୍ର ଆଦିବାସୀ ବ୍ୟାପାର ମନ୍ତ୍ରୀ ଅର୍ଜୁନ ମୁଣ୍ଡାଙ୍କ ଦ୍ୱାରା ଆଗତ "ସମ୍ବିଧାନ ଅନୁସୂଚିତ ଜନଜାତି ଆଦେଶ ସଂଶୋଧନ ବିଲ , ୨୦୨୨" ପ୍ରସଙ୍ଗରେ ବିଲ ସପକ୍ଷରେ ମତାମତ ପ୍ରଦାନ ପୂର୍ବକ ସାଂସଦ ନିରଞ୍ଜନ ବିଶି କେନ୍ଦ୍ର ସରକାରଙ୍କ ଦୃଷ୍ଟିଆକର୍ଷଣ କରି କହିଥିଲେ ଯେ ସାମ୍ବିଧାନିକ ବିଧିବ୍ୟବସ୍ଥା ଅନୁସାରେ ଆଦିବାସୀ ସମ୍ପ୍ରଦାୟ, ଆଦିବାସୀ ଅଂଶବଂଶ, ଗୋଷ୍ଠୀ ସମୂହକୁ ରାଜ୍ୟ ଆଦିବାସୀ ତାଲିକାରେ ସାମିଲ କରିବା କାର୍ଯ୍ୟ ବହୁତ ସ୍ୱାଗତଯୋଗ୍ୟ ପଦକ୍ଷେପ, କିନ୍ତୁ ଅଣ ଆଦିବାସୀ ଲୋକ ଜାଲ ଜାତି ପ୍ରମାଣପତ୍ର ମାଧ୍ୟମରେ, ସମ୍ବିଧାନ ପ୍ରଦତ୍ତ ଅଧିକାର, ସଂରକ୍ଷଣ ସୁବିଧା ଛଡାଇ ନେବା ଅସମ୍ବିଧାନିକ କାର୍ଯ୍ୟ l ତେଣୁ ନକଲି ଆଦିବାସୀ ମାନଙ୍କୁ  ଜାଲଜାତି ପ୍ରମାଣପତ୍ର ରବ୍ଦ କରି, ଚାକିରୀ ରୁ ବହିଷ୍କାର କରିବା ସହିତ ଗିରଫ କରାଯାଉ,ନକଲି ଆଦିବାସୀ କର୍ମଚାରୀ ହଡପ କରିଥିବା ଦରମା ଭତ୍ତା ବ୍ୟାଜlପ୍ତ  କରିବା ପାଇଁ ସାଂସଦ ଶ୍ରୀ ବିଶି ଦାବୀ କରିଥିଲେ l ଏହା ସହିତ କର୍ଣ୍ଣାଟକ ରାଜ୍ୟରେ ଥିବା ବେଟା କୁରୁବା କାଡୁ କୁରୁବା ଆଦିବାସୀ ସମ୍ପ୍ରଦାୟକୁ କର୍ଣ୍ଣାଟକ ଆଦିବାସୀ ତାଲିକାରେ ସାମିଲ କରିବା ପାଇଁ  ବିଜେଡି ଦଳ ତରଫରୁ ସାଂସଦ ଶ୍ରୀ ବିଶି ସମର୍ଥନ କରିଥିଲେ l କର୍ଣ୍ଣାଟକ ଭଳିଆ ସମ୍ବିଧାନ ଅନୁସୂଚିତ ଜନଜାତି ଆଦେଶ ସଂଶୋଧନ ବିଲ ଆଣି  ଓଡିଶା ର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଦ୍ୱାରା ସୁପାରିଶ କରାଯାଇଥିବା ସଅର, ପୋର୍ଜା, ପହରିଆ,ଦୁରୁଆ, ଧୂରୁଆ, ଧୂରୁୱା,ବଣ୍ଡା ପ୍ରଜା, ବୋଣ୍ଡା ପରଜା, ମାଙ୍କିଡିଆ, ଯୋଡ଼ିବା, ଝୋଡ଼ିଆ, ଜlଡ଼ିଆ, ଝାଡ଼ିଆ, ଚୁକ ଟିଆ ଭୁଞ୍ଜିଆ,ପାଉଡି ଭୂୟାଁ ଆଦିବାସୀ ସମ୍ପ୍ରଦାୟ ଗୁଡିକୁ ଓଡିଶା ଆଦିବାସୀ ତାଲିକାରେ ସାମିଲ କରିବା ପାଇଁ ପଦକ୍ଷେପ ନେବାକୁ କେନ୍ଦ୍ର ସରକାରଙ୍କ ଆଦିବାସୀ ବ୍ୟାପାର ମନ୍ତ୍ରଣାଳୟ କୁ ଅନୁରୋଧ କରିଥିଲେ l ସ୍ୱାଧୀନତାର ୭୫ ବର୍ଷ ପରେ  ପାର୍ଲିଆମେଣ୍ଟର ପବିତ୍ର ଉଚ୍ଚ ସଦନରେ ଶବର ଆଦିବାସୀ ଭାବରେ ଶ୍ରୀ ବିଶି ପ୍ରଥମ ସାଂସଦ l ସାରା ଭାରତ ଦେଶର ଶବର ଆଦିବାସୀ ମାନଙ୍କ ମଧ୍ୟରେ ଶ୍ରୀ ବିଶି ହେଉଛନ୍ତି ପ୍ରଥମ ରାଜ୍ୟସଭା ସାଂସଦ l ଏଥିପାଇଁ ଓଡିଶାର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ରାଜ୍ୟସଭାର ପବିତ୍ର ଗୃହରେ କୃତଜ୍ଞତା ଜଣାଇଥିଲେ ସାଂସଦ ଶ୍ରୀ ବିଶି l ସାଂସଦ ଶ୍ରୀ ବିଶିଙ୍କ ବକ୍ତବ୍ୟ ରେ ଉପସ୍ଥିତ ସାଂସଦ ଗଣ ସ୍ୱାଗତ ଜଣାଇଥିଲେ l