23-Dec-2022

ବଲାଙ୍ଗିର (ପ୍ରେରଣା ଖବର) ସ୍ଥାନୀୟ ଆର୍. ଏନ ସିଂଦେଓ କ୍ରୀଡା କମ୍ପ୍ଲେକ୍ସ ଠାରେ  ଜେଏସଏମ ବାଣିଜ୍ୟ ମହାବିଦ୍ୟାଳୟ ପକ୍ଷରୁ  ବାର୍ଷିକ କ୍ରୀଡା ପ୍ରତିଯୋଗିତା ଅନୁଷ୍ଠିତ ହୋଇଅଛି | ଉଦଘାଟନୀ ଉତ୍ସବରେ ମୁଖ୍ୟ ଅତିଥି ଭାବରେ ବଲାଙ୍ଗିର ବନ ଅଧିକାରୀ  ନିତିଶ କୁମାର,  ବଲାଙ୍ଗିର ଅତିରିକ୍ତ ଜିଲ୍ଲାପାଳ ଆଦିତ୍ୟ ଦଳବେହେରା,  ଜିଲ୍ଲା କ୍ରୀଡା ଅଧିକାରୀ  ପରାସର ବାଗ ଯୋଗଦାନ କରିଥିଲେ | 

ଅତିଥିଗଣ ଛାତ୍ରଛାତ୍ରୀମାନଙ୍କୁ କ୍ରୀଡା ପ୍ରତି ଆଗ୍ରହ ଓ କ୍ରୀଡା ଦ୍ୱାର ଜୀବନ ଗଠନ ଉପରେ ଉତ୍ସାହ ପ୍ରଦାନ କରିଥିଲେ |   ଶିକ୍ଷକ ଶିକ୍ଷୟତ୍ରି,  ଛାତ୍ରଛାତ୍ରୀ ମାନଙ୍କୁ ନେଇ ଦୌଡ,  ସଟଫୁଟ, ଡିସ୍କସ୍, ଜବଲିଂ ଥ୍ରୋ ଇତ୍ୟାଦି ପ୍ରତିଯୋଗିତା ଅନୁଷ୍ଠିତ ହୋଇଥିଲା  l ୨୦୨୨ ବାର୍ଷିକ କ୍ରିଡା ପ୍ରତିଯୋଗିତା ରେ  +୨  ରୁ ହାନସିକା ଶର୍ମା (+ ୨ ପ୍ରଥମ ବର୍ଷ) ଓ ଏମ୍ ଡି  ଆଦିଲ୍ (+୨ ଦ୍ୱିତୀୟ ବର୍ଷ) ପୁଣି +3 ରୁ  ଟି ସେରିନା ଫ୍ଲୋରେନ୍ସ  (+ ୩ଦ୍ୱିତୀୟ ବର୍ଷ) ଓ  ଆକାଶ କୁମାର ମାଜି (+୩ ଦ୍ୱିତୀୟ ବର୍ଷ) ଚମ୍ପିଆନ୍ସ ଅଫ୍ ଘୋଷଣା ହୋଇଥିଲେ   |      ପ୍ରତିଯୋଗିତା ପରେ ଅତିଥିମାନଙ୍କ ସହିତ  ରାମ କୁମାର ପାଣିଗ୍ରହୀ  ପ୍ରିନ୍ସିପାଲ୍   କେନ୍ଦିୟ ବିଦ୍ୟାଳୟ,   ଜେଏସଏମ ବାଣିଜ୍ୟ ମହାବିଦ୍ୟାଳୟର ଅଧ୍ୟକ୍ଷ ଶ୍ରୀକାନ୍ତ ଶର୍ମା, ପରାମର୍ଶଦାତା ପୀତବାସ ପଣ୍ଡା, 

 କଲେଜ ସମ୍ପାଦିକା ସୁମନ ଶର୍ମା,  ପ୍ରିନ୍ସିପାଲ୍  ଚେତନା ଅଗ୍ରୱାଲ,  ଶିକ୍ଷକ ଶିକ୍ଷୟତ୍ରି  ଉପସ୍ଥିତ ରହି ବିଜେତାମାନଙ୍କୁ ପୁରସ୍କାର ବିତରଣ କରାଯାଇଥିଲା  | କଲେଜର ପ୍ରଶାସନିକ  ଅଧିକାରୀ ଶୈଳେସ କୁମାର ପାଲ ଙ୍କ ଧନ୍ୟବାଦ ଅର୍ପଣ କରିବା ସହିତ  କ୍ରୀଡା ଶିକ୍ଷକ ନିରୋଜ କୁମାର ମିଶ୍ର ଦ୍ୱାରା ଉକ୍ତ ବାର୍ଷିକ କ୍ରୀଡା ପ୍ରତିଯୋଗିତା ୨୦୨୨ ର ସମାପ୍ତି ଘୋଷଣା କରାଯାଇଥିଲା