30-Nov-2022

(ଅନିଲ କୁମାର ତ୍ରିପାଠି) ବଲାଙ୍ଗୀର ଜିଲ୍ଲାର ସର୍ବ ପୁରାତନ ଐତିହ୍ଯ ସମ୍ପନ୍ନ ରାଣୀପୁର ଝରିଆଲର ବିକାଶ କୁ ନେଇ ଚଳିତ ବିଧାନସଭା ଶୀତକାଳୀନ ଅଧିବେଶନରେ ପୁଣୀ ଥରେ ପ୍ରଶ୍ନ ଉଠାଇଛନ୍ତି କଣ୍ଟାବାଞ୍ଜି ବିଧାୟକ ସନ୍ତୋଷ ସିଂହ ସାଳୁଜା ଓ ବଲାଙ୍ଗୀର ବିଧାୟକ ନରସିଂହ ମିଶ୍ର। ଏହାକୁନେଇ ରାଣୀପୁର ଝରିଆଲ ଯୋଗିନୀ ପ୍ରେମୀଙ୍କ ମନରେ ଉତ୍ସାହ ଦେଖାଦେଇଛି ଏବଂ ଶହଶହ ବର୍ଷ ଧରି ଅନୁନ୍ନତ ହୋଇ ବିକାଶ ଅପେକ୍ଷାରେ ଥିବା ଯୋଗିନୀପିଠ କୁନେଇ ବିଧାନସଭାରେ ବିଭିନ୍ନ ଅଧିବେଶନ ରେ ବାରମ୍ବାର ପ୍ରଶ୍ନ ପଚାରି ଓଡିଶା ସରକାର ଓ ବିଭାଗିୟ ମନ୍ତ୍ରୀ ଙ୍କ ଠାରୁ ଉତ୍ତର ଚାହୁଁଛନ୍ତି ବିଧାୟକ। ତେବେ ଚଳିତ ଶୀତ ଅଧିବେଶନ ରେ କଣ୍ଟାବାଞ୍ଜି ବିଧାୟକ ଶ୍ରୀ ସାଲୁଜା ପ୍ରଥମରୁ ଯୋଗିନୀପିଠ ପାଇଁ ୨୦୧୯ ଜାନୁଆରି ୧୫ ଭାରତର ପ୍ରଧାନମନ୍ତ୍ରୀ ଶ୍ରୀଯୁକ୍ତ ନରେନ୍ଦ୍ର ମୋଦୀ ବଲାଙ୍ଗୀର ଗସ୍ତ ସମୟରେ ଅନୁଦାନ ଘୋଷଣା କରିଥିଲେ ହେଁ ତାହା ବର୍ତ୍ତମାନ ପର୍ଯ୍ୟନ୍ତ କାହିଁକି ପହଞ୍ଚିପାରିନି, ଜଦି ପହଞ୍ଚିପାରିନି ତେବେ ତାହାକୁନେଇ ଓଡିଶା ସରକାର କେବେ ଜାଣିବାକୁ ଚେଷ୍ଟା କରିଛନ୍ତି କି , ଜଦି ଜାଣି ପାରିନାହାନ୍ତି ତେବେ ତଥ୍ଯ ସଂଗ୍ରହ କରି ଆସନ୍ତା ଅଧିବେଶନରେ ଉତ୍ତର ରଖିବେ କି  ବୋଳି ପଚାରିଥିଲେ। ଏବଂ ବାଚସ୍ପତିଙ୍କୁ ମଧ୍ଯ ବିଧାୟକ ଅନୁରୋଧ କରିଥିଲେ ଯେ ନିଜେ ପ୍ରଧାନମନ୍ତ୍ରୀ ଅନୁଦାନ ଦେଇଥିବା ଟଙ୍କା କୁଆଡେ ଗଲା ତାର ତଥ୍ଯ ଦେବାପାଇଁ ରାସ୍ତା ଦେଖାଇବା ପାଇଁ ଅନୁରୋଧ କରିଥିଲେ। ତାସହ ପର୍ଯ୍ୟଟନ ମନ୍ତ୍ରୀ ନିଜେ ରାଣୀପୁର ଝରିଆଲ ଯୋଗିନୀପିଠ କୁ ଯାଇ କୋଉଭଲି ଭାବରେ ୬୪ ଯୋଗିନୀପିଠ, ଚକ୍ରବ୍ୟୁହ, ଶଙ୍ଖବ୍ୟୁହ, ଇନ୍ଦ୍ରଲାଟ ମନ୍ଦିର, ସୋମେଶ୍ବର ଶୈବପୀଠ ଓ ସୋମ ପୁଷ୍କରିଣୀ କୁ ଦେଖି ନିଜେ ହୃଦୟଙ୍ଗମ କରି ଆର୍ଥିକ ସହାୟତା ଦେଇ ପିଠର ବିକାଶ କରନ୍ତୁ ଏବଂ ଏକ ପଞ୍ଚତାରକା ହୋଟେଲ, ବୋଟିଂ ବ୍ୟବସ୍ଥା ଏବଂ ଅନ୍ଯାନ୍ଯ ଆନୁସାଙ୍ଗିକ ବ୍ୟବସ୍ଥା କରନ୍ତୁ ବୋଳି କହିଥିଲେ। ଏହାର ଉତ୍ତର ଦେଇ ବିଭାଗୀୟ ମନ୍ତ୍ରୀ ରାଣୀପୁର ଝରିଆଲ ଯୋଗିନୀପିଠ ପାଇଁ ପ୍ରଧାନମନ୍ତ୍ରୀ କେତେଟଙ୍କା ଘୋଷଣା କରିଥିଲେ ଓ କେବେ ଘୋଷଣା କରିଥିଲେ ତାର ତଥ୍ଯ ବର୍ତ୍ତମାନ ତାଙ୍କ ପାଖରେ ନ ଥିବା ଯୋଗୁଁ ବିଭାଗ ସହ ଆଲୋଚନା କରି ଜଣାଇବି ବୋଳି କହିଥିଲେ ଏବଂ ଦ୍ବିତିୟ ପ୍ରଶ୍ନର ଉତ୍ତର ଦେଇ ରାଣୀପୁର ଝରିଆଲ ଯୋଗିନୀପିଠ ଭାରତୀୟ ପ୍ରତ୍ନତତ୍ତ୍ବ ସର୍ବେକ୍ଷଣ ସଂସ୍ଥା ଅଧିନରେ ବର୍ତ୍ତମାନ ଥିବାରୁ ତାର ଡିମାରକେସନ ଇତ୍ୟାଦି ଏଏସଆଇ ଅଧିନରେ ଆସୁଛି ତେଣୁ ଆମେ କିଛି କରିବା ଆମ ସରକାର କିଛି କରିବା ସମ୍ଭବ ହୋଇ ପାରୁନାହିଁ। ତଥାପି ୨୦୨୦/୨୧ ଆର୍ଥିକ ବର୍ଷରେ ୨୦ ଲକ୍ଷ ଟଙ୍କାର ଅନୁଦାନ ଯୋଗାଇ ଦିଆ ଯାଇଥିବା ସୁଚନା ଦେଇଥିଲେ । ପରେ ପର୍ଯ୍ୟଟନ ମନ୍ତ୍ରୀଙ୍କ ଏହି ଉତ୍ତର କୁ ନେଇ ବଲାଙ୍ଗୀର ବିଧାୟକ ନରସିଂହ ମିଶ୍ର ବାଚସ୍ପତିଙ୍କ ମାଧ୍ୟମରେ ପର୍ଯ୍ୟଟନ ମନ୍ତ୍ରୀଙ୍କୁ ପଚାରିଥିଲେ ଯେ ଜଗନ୍ନାଥ ଧାମ ପୁରୀ ମଧ୍ଯ ଏଏସଆଇ ଅଧିନରେ ଆସୁଛି ତେବେ ପୁରୀ ପାଇଁ ରାଜ୍ଯ ସରକାର ହଜାରହଜାର କୋଟି ଟଙ୍କା ଖର୍ଚ୍ଚ କରି ପାରୁଥିବା ବେଳେ ରାଣୀପୁର ଝରିଆଲ ପାଇଁ କାହିଁକି ଖର୍ଚ୍ଚ କରିପାରୁନାହାନ୍ତି ବୋଳି ପଚାରିଥିଲେ ଏବଂ ତାର ଉପାୟ ଖୋଜି ବାହାର କରାଗଲେ ବିକାଶ କରା ଯାଇପାରିବ ଏବଂ ଏହାଏକ ଟୁରିଜିମ ସ୍ପଟ ହିସାବରେ ପରିଗଣିତ ହେବ ବୋଳି କହିଥିଲେ। ଏହାର ଉତ୍ତର ରଖି ବିଭାଗିୟ ମନ୍ତ୍ରୀ ଆଗକୁ ନିଜେ ବଲାଙ୍ଗୀର ଗସ୍ତ କରିବି ଓ ରାଜ୍ଯର ସ୍ବାର୍ଥ ଦୃଷ୍ଟିକୁ ଆଖି ଆଗରେ ରଖି ବିହିତ ପଦକ୍ଷେପ ଗ୍ରହଣ କରାଯିବ ବୋଳି କହିଥିଲେ। ଏହାକୁନେଇ ନେଇ ଏବେ ଜିଲ୍ଲା ସାରା ଚର୍ଚ୍ଚା ବଲାଙ୍ଗୀରର ଦୁଇ ସିଂହ ଏଥର ବଲାଙ୍ଗୀର ଜିଲ୍ଲାର ହକ ପାଇଁ ବାରମ୍ବାର ବିଭିନ୍ନ ଅଧିବେଶନ ରେ ନିଜ ଆବାଜକୁ ଆହୁରୀ ଶାଣିତ କରୁଥିବାରୁ ଶିଘ୍ର ବିଭିନ୍ନ ପର୍ଯ୍ୟଟନ ସ୍ଥଳୀ ସହ ଷଷ୍ଠ ରୁ ନବମ ଶତାବ୍ଦୀର ଐତିହାସିକ  ରାଣୀପୁର ଝରିଆଲ ରେ ବି ବିକାଶ ହେବ ଓ ଶହଶହ ବର୍ଷ ଧରି ବିସ୍ତିର୍ଣ୍ଣ ପାହାଡ ରେ ଛିଡାହୋଇ ନିଜକୁ ବଞ୍ଚାଇ ରଖିବାକୁ ସଂଘର୍ଷ କରି ଜିଲ୍ଲାର ଐତିହାସିକ ଗାଥାକୁ ବଞ୍ଚାଇ ରଖିଥିବା ଯୋଗିନୀ ଗଣ ଙ୍କ ସଂଘର୍ଷ ଶେଷ ହେବ କି ବୋଳି ଚର୍ଚ୍ଚା ଜୋର ଧରିଛି।