02-Dec-2020

କଣ୍ଟାବାଞ୍ଜି, (ପ୍ରେରଣା ଖବର)- ସରକାରଙ୍କ ମୋ ସ୍କୁଲ ଅଭିଯାନ ଦୁଇ ହଜାର ସତର ମସିହାରୁ ଆରମ୍ଭ ହୋଇଥିଲେହେଁ ଅନେକ ବିଦ୍ୟାଳୟରେ ଏହା କାର୍ଯ୍ୟକାରୀ ହୋଇ ପାରି ନାହିଁ।ଏହି କାର୍ଯ୍ୟକ୍ରମରେ ବିଦ୍ୟାଳୟ ମାନଙ୍କରେ ପଢି ସାରିଥିବା ପୁରୁଣା ଛାତ୍ର ଛାତ୍ରୀ ତଥା ବଦାନ୍ୟ ଶିକ୍ଷାପ୍ରେମୀ ମାନଙ୍କ ଠାରୁ ଆର୍ଥିକ ସାହାଯ୍ୟ ନେଇ ସଞ୍ଚୟ ଖାତାରେ ଜମା କଲେ ସରକାରଙ୍କ ଠାରୁ ଦୁଇଗୁଣ ଅର୍ଥ ମିଳିବ ଯାହାକି ବିଦ୍ୟାଳୟର ଉନ୍ନତି ପାଇଁ ବିଭିନ୍ନ ଦିଗରେ ଖର୍ଚ୍ଚ କରାଯିବ।ଦୀର୍ଘ ମାସ ଧରି କରୋନା ପାଇଁ ବିଦ୍ୟାଳୟ ଗଡିକ ବନ୍ଦ ଥିବାରୁ ଏହି କାର୍ଯ୍ୟକ୍ରମଟି ତ୍ୱରାନ୍ୱିତ ହୋଇପାରିନାହିଁ। ଶିକ୍ଷା ବିଭାଗର ନିର୍ଦ୍ଦେଶ କ୍ରମେ ଆଜି ସରକାରୀ ବାଳକ ଉଚ୍ଚ ବିଦ୍ୟାଳୟରେ ତୁରେକେଲା ବ୍ଳକ ଓ କଣ୍ଟାବାଞ୍ଜୀ ଏନଏସିର ବିଦ୍ୟାଳୟ ମାନଙ୍କର ପ୍ରଧାନ ଶିକ୍ଷକ ଓ ଶିକ୍ଷୟିତ୍ରୀ ମାନଙ୍କୁ ନେଇ କରୋନା ନିୟମାବଳୀ କୁ ମାନି  ଅନୁଷ୍ଠିତ ସଭାରେ ଶ୍ରୀ ସୁରେନ୍ଦ୍ର କୁମାର ପୁରୋହିତ, ଗୋଷ୍ଠୀ ଶିକ୍ଷା ଅଧିକାରୀ, ଶ୍ରୀ ଫକିର ଚରଣ ବିଶି,ଶ୍ରୀ ରଘୁନାଥ ମହରା,ଏବିଇଓ ଓ ଶ୍ରୀ ବିଭୁଦତ୍ତ ସାହୁ, ଶିକ୍ଷକ ଉପସ୍ଥିତ ଥିଲେ।ଶ୍ରୀ ସାହୁ ସଭା ପରିଚାଳନା କରିଥିଲେ ଓ କ୍ରିଷ୍ଣାନନ୍ଦ ପାଣିଗ୍ରାହୀ ଧନ୍ୟବାଦ ଅର୍ପଣ କରିଥିଲେ।ଉପସ୍ଥିତ ଶିକ୍ଷକ ଶିକ୍ଷୟିତ୍ରୀ ଏହି ଅଭିଯାନଟିକୁ ସଫଳ କରିବାକୁ ପ୍ରତିଶୃତି ଦେଇଥିଲେ।ଶ୍ରୀ ବ୍ରଜମୋହନ ମିଶ୍ର, ବିରଞ୍ଚି ନାରାୟଣ ଦାଶ,ରାଜ କିଶୋର ମେହେର, ଲକ୍ଷ୍ମଣ ସୁନା, ବିକାଶ ବର୍ଗେ,ବିବେକା ରାଏ,ସମ୍ଭୁଚରଣ ବିଶି,ଅମରେନ୍ଦ୍ର ବାଗ ଆଦି ଶିକ୍ଷକ ଉପସ୍ଥିତ ଥିଲେ।