31-Oct-2022

ବୀରମହାରାଜପୁର, (ବିନୋଦ ପାଣ୍ଡେ ): ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବିଜୁ ପଟ୍ଟନାୟକ ମିନି ଷ୍ଟାଡିଅମ ମାଲେଶ୍ରୀ ମୁକ୍ତ ରଙ୍ଗ ମଞ୍ଚ ରେ ବିରାଟ ଧନୁଯାତ୍ରା ମହୋତ୍ସବ ଅନୁଷ୍ଠିତ ହେବାର ଜଣାଯାଇଛି । ଆଜି ରୀତିନୀତି ଅନୁସାରେ ପୂଜାର୍ଚ୍ଚନା କରି ଶୁଭ ସ୍ତମ୍ଭ ସ୍ଥାପନ କରିବା ସହ କଂସ ବରଣ କାର୍ଯ୍ୟ ସମ୍ପନ୍ନ ହୋଇଯାଇଛି l ଆସନ୍ତା ଡ଼ିସେମ୍ବର ୧ ରୁ ୭ ତାରିଖ ପର୍ଯ୍ୟନ୍ତ ହେବାକୁ ଥିବା ଧନୁଯାତ୍ରା ମହୋତ୍ସବ ରେ ବରଗଡ ଚିଚିଣ୍ଡା ର ଝସକେତନ ପଧାନ କଂସ ଭୂମିକା ରେ ଅଭିନୟ କରୁଥିବା ବେଳେ, ମିନା ବଜାର ଓ ଅପେରା ହେବାର ସ୍ଥିର ହୋଇଛି l ଏନେଇ ଯାତ୍ରା କମିଟି ସଭାପତି କିଶୋର ହୋତା ସୂଚନା ଦେଇଛନ୍ତି । ଆଜି କଂସ ବରଣ ସମୟରେ ବରିଷ୍ଠ ସାମ୍ବାଦିକ ଶୟମ୍ଭୁ ନାଥ ଖଣ୍ଡଗିରି, ଆଇନଜୀବି ପ୍ରଦୀପ ମିଶ୍ର, ଲୁତୁରପଙ୍କ ସରପଞ୍ଚ ସୂର୍ଯ୍ୟ ନନ୍ଦ, ଚିନ୍ମୟ ସାହୁ, ଆଶ୍ରୟ ମହାନନ୍ଦ, ସୁରୁବାବୁ ପଧାନ, ଶୁଭମ ହୋତା, ଶିତୁ ଥାନାପତି, ମିନା ବଜାର ମେନେଜର ସୁରେନ୍ଦ୍ର ନାଏକ ପ୍ରମୁଖ ଉପସ୍ଥିତ ଥିଲେ l