24-Oct-2022

ସୁବର୍ଣ୍ଣପୁର:  ୫୪ ତମ ସର୍ବଜନୀନ କାଳୀପୂଜା ମହୋତ୍ସବ ୨୦୨୨ ଅବସରରେ ଗତକାଲି ମଝିପଡ଼ା ରାମଧୁନ କ୍ଲବ ଠାରେ ଏକ ସାମ୍ବାଦିକ ସମ୍ମିଳନୀର ଆୟୋଜନ କରାଯାଇଥିଲା l ପୂଜା କମିଟିର ଉପଦେଷ୍ଟା ତଥା ପ୍ରାକ୍ତନ ପୌର ଅଧ୍ୟକ୍ଷ କଈରୁ ସ୍ୱାଇଁ ଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ସାମ୍ବାଦିକ ସମ୍ମିଳନୀ ସଭାକୁ ରାମଧୁନ କ୍ଲବ ସମ୍ପାଦକ ବିକାଶ ପଣ୍ଡା ସଂଯୋଜନା କରିଥିଲେ l ପୂଜା କମିଟି ସଭାପତି ସୁରଜ ସାହୁ, ସମ୍ପାଦକ ପୂରଣ ନାଏକ, କୋଷାଧ୍ୟ୍ୟକ୍ଷ ରାଜୀବ ସାହୁ, କମିଟି ର ବରିଷ୍ଠ ସଦସ୍ୟ ମାଧବ ଦାସ, ଜଗତବନ୍ଧୁ ତ୍ରିପାଠୀ, ହରିନାରାୟଣ ସାହୁ, ପିୟୁଷ ପଣ୍ଡା, ଲଡ଼ୁ କିଶୋର ମଲ୍ଲିକ, ଶେଷ ଦେବ ମେହେର, ଓ ଭକ୍ତି ରଞ୍ଜନ ଦଳାଇ, ମିଡ଼ିଆ କୋଡିନେଟର ମନୋରଞ୍ଜନ ତ୍ରିପାଠୀ ପ୍ରମୁଖ ମଂଚାସୀନ ସମସ୍ତ କର୍ମକର୍ତା ଏବର୍ଷ ମା ଙ୍କ ପୂଜାକୁ କିଭଳି ଭାବେ ଆକର୍ଷଣୀୟ କରାଯିବ ଏବଂ ଶୁଙ୍ଖଳା ସହ ପରିଚାଳନା କରାଯିବ ସେ ନେଇ ନିଜ ନିଜ ର ମତାମତ ରଖିଥିଲେ l ପୂଜାର ପ୍ରତ୍ୟୋକ କାର୍ଯ୍ୟକ୍ରମ କୁ ବହୁଳ ପ୍ରଚାର ପ୍ରସାର କରି ବିଭିନ୍ନ ପରାମର୍ଶ ଦେବାକୁ ଅନୁରୋଧ କରିଥିଲେ l ପ୍ରତ୍ୟହ ସନ୍ଧ୍ୟା ଆଳତୀ  ଖୁବ ଆକର୍ଷଣ ଓ ଦୀର୍ଘ ୫୦ ବର୍ଷ ପୂର୍ବରୁ ହିନ୍ଦୁ ମୁସଲିମ ଉଭୟ ସମ୍ପ୍ରଦାୟର ଲୋକେ ଏ ପୂଜାରେ ସାମିଲ ହୋଇ ସାରା ଭାରତ ରେ ସର୍ବ ଧର୍ମ ସମନ୍ୱୟ, ଏକତା  ଓ ଭାଇଚାରା ର ବାର୍ତ୍ତା  ପହଞ୍ଚାଉଥିବା ଏ ପୂଜାର ଏକ ବିଶେଷତ୍ୱ ଅଟେ l ଆସନ୍ତା କାଲି ସୋମବାର  ମଧ୍ୟ ରାତ୍ରି  ଠାରୁ ମା କାଳୀଙ୍କ ପୂଜା ଆରମ୍ଭ କରାଯାଇ  ଆସନ୍ତା ୧ ତାରିଖ ଠାରୁ ୭ ତାରିଖ ଯାଏ ସାଂସ୍କୃତିକ କାର୍ଯ୍ୟକ୍ରମ ଏବଂ ୮ ତାରିଖ ଦିନ ଭସାଣି ଉତ୍ସବ ଧୁମଧାମରେ ପାଳନ କରାଯିବ ବୋଲି ଉପଦେଷ୍ଟା ଶ୍ରୀ ସ୍ୱାଇଁ ଙ୍କ ଠାରୁ ପ୍ରକାଶ l