29-Nov-2020

 ଗଣିଆ/ନୟାଗଡ (ବିଜୟ ଲକ୍ଷ୍ମ ରାଉତ )
ପ୍ରତି ଗ୍ରାମରେ ପକ୍କାଘର ଡିଣ୍ଡିମ ପିଟିଲେ ସରକାର, ଚାଳ ଉଡ଼ିଗଲା ପରେ ଘରେ ଜରି ଛପର ହେଲେବି ଜରିଟିଏ ପାଇଁ ଭାର୍ଜନ ହେଲେନି ସରକାର, ଘରେ ଘରେ ଦେଲେ ସୋଲାର, ହେଲେ ମାତ୍ର କିଛିଦିନ ପରେ ପୁଣି ଅନ୍ଧାର, ସବୁବେଳେ ଆସୁଛନ୍ତି ବଡ ବଡ ଅଫିସର କିନ୍ତୁ ସେମାନଙ୍କର ପ୍ରତିଶୃତି ଖାଲି ପାଣିରେ ଗାର | ଏହିଭଳି ପରିସ୍ଥିତି ଦେଖିବାକୁ ମିଳିଛି ସୁଦୂର ଆଦିବାସୀ ଅଧ୍ୟୁଷିତ ନୟାଗଡ଼ ଜିଲ୍ଲା ଗଣିଆ ବ୍ଳକ ଅନ୍ତର୍ଗତ ଛାମୁଣ୍ଡିଆ ପଞ୍ଚାୟତ ର  କୁତୁରୀ ଗ୍ରାମରେ | ଦୀର୍ଘ ୫ ମାସ ହେଲା ପାନୀୟ ଜଳ ଟିକେ ପାଉନାହାନ୍ତି ଏହି ଗ୍ରାମବାସୀ ନଳକୂପ ଗୁଡିକର ଅଚଳାବସ୍ତା ଏବଂ ସୋଲାର ଚାଳିତ ପାଣିଟାଙ୍କି ଦୀର୍ଘ ୫ ମାସ ରୁ ଅଧିକ ସମୟ ଧରି ବନ୍ଦ ପଡ଼ିଥିବା ବିଷୟରେ ବାରମ୍ବାର ବିଭିନ୍ନ ପ୍ରଶାସନିକ ଅଧିକାରୀଙ୍କୁ ଅବଗତ କରାଇବା ପରେ ମଧ୍ୟ କୌଣସି ଆସୁ ସମାଧାନ ଏ ପର୍ଯ୍ୟନ୍ତ ହୋଇନାହିଁ ବୋଲି ଗ୍ରାମବାସୀ ଅସନ୍ତୁଷ୍ଟ |ଗ୍ରାମକୁ ଉପଯୁକ୍ତ ରାସ୍ତା ସଂଯୋଗ ନାହିଁ ବାସଗୃହ କହିଲେ ଭଙ୍ଗା କୁଡ଼ିଆ ଉପରେ କଳା ଜରି ଛପର ସରକାରଙ୍କର ଉପରକୁ ଅଙ୍ଗୁଳି ନିର୍ଦେଶ କରି ଖରା, ବର୍ଷା,  ଶୀତରେ ତାସଲ୍ୟ ହସ କୁତୁରୀ  ଗ୍ରାମରୁ ସ୍ପଷ୍ଟ ବାରିହୋଇ ପଡୁଛି |ବର୍ଷା ଦିନେ ମହାନଦୀର ଗୋଳିଆ ପାଣି ସେମାନଙ୍କର ଦୁରାରୋଗ୍ୟ ପାଇଁ ମାଗଣା ପଥି ପାଲଟିଛି |ମୁଣ୍ଡ ଗୁଞ୍ଜିବା ପାଇଁ ଭରସା ପାଲଟିଥିବା ଭଙ୍ଗା କୁଡ଼ିଆ ସାମ୍ନାରେ ଅକାମି ସୋଲାର ଖୁଣ୍ଟି ଗୁଡିକ ପ୍ରଶାସନ ର ଅପାରଗତା କୁ ପ୍ରସ୍ଫୁଟିତ କରାଉଛି |ବାରମ୍ବାର ଅଗମ୍ୟ ରାସ୍ତା ଦେଇ ଦୀର୍ଘ ଚାଳିଶ କିଲୋମିଟର ଅତିକ୍ରମ କରି ପ୍ରଶାସନ ପାଖରେ ଗ୍ରାମବାସୀ ଆଣ୍ଠୁ ଭାଙ୍ଗି ଅନ୍ତରର କୋହକୁ ଚାପି ମୌଳିକ ସୁବିଧା ଗୁଡିକ ବିଷୟରେ ଅବଗତ କରାଇବା ପରେ ବିଫଳ ହୋଇ ଶେଷରେ ଚତୁର୍ଥ ସ୍ତମ୍ବ ଗଣମାଧ୍ୟମ ଆଗରେ ଗୁହାରି ଜଣାଇ ଆଶା ରଖିଛନ୍ତି ସତେ ଯେମିତି ରହିବାକୁ ଉପଯୁକ୍ତ ଘର ଖଣ୍ଡେ ସହିତ ପାନୀୟ ଜଳର ବ୍ୟବସ୍ଥା ବହୁଶିଘ୍ର ଉପଭୋଗ କରିପାରିବେ |ଗଣମାଧ୍ୟମ ସାହାଯ୍ୟ ରେ ପ୍ରଶାସନ କୁ କରିଥିବା ଗୁହାରି ଯୁଦ୍ଧକାଳୀନ ଭିତିରେ ପଦକ୍ଷେପ ନିଆ ନଗଲେ ବାଧ୍ୟ ହୋଇ ସେମାନେ ବିଭିନ୍ନ ସରକାରୀ କାର୍ଯ୍ୟାଳୟ ଆଗରେ ବିଦ୍ରୋହାତ୍ମକ ରୂପନେଇ ଆମରଣ ଅନଶନ କରିବେ ବୋଲି ବୈଦ୍ୟୁତିକ ଗଣମାଧ୍ୟମ ଆଗରେ ବୟାନ ଦେଇଛନ୍ତି | ସରକାର ଆଦିବାସୀ ଅଧ୍ୟୁଷିତ ଅଂଚଳ ଗୁଡିକର ଉନ୍ନତିକରଣ ଉପରେ ବିଶେଷ ଗୁରୁତ୍ୱ ଦେଉଥିବା ବେଳେ ଏହି କୁତୁରି ଗ୍ରାମ ପ୍ରତି କିପରି ଆଖି  ଥାଇ ଅନ୍ଧ ପାଲଟିଯାଇଛନ୍ତି ବୋଲି ବୁଦ୍ଧିଜୀବୀ ମହଲ ରେ ଚର୍ଚ୍ଚା ହେଉଛି |