20-Jul-2022

ନାକଟିଦେଉଳ(କନ୍ଦର୍ପ ବେହେରା) --ସରକାର ଯାହା କରି ନ ପାରିଲା ତାହା ପୁଣି କୋମଳ ମତି ପିଲାମାନଙ୍କ ଦ୍ବାରା ସଂଭବ ହୋଇପାରିଛି ା ଏକ ଖରାପ ରାସ୍ତାକୁ ମରାମତି କରି ଉଦାହରଣ ପାଲଟିଛନ୍ତି ନାକ୍ଟିଦେଉଳ ଵ୍ଲକ୍ ଅନ୍ତର୍ଗତ ଵଳମ୍ ପଞ୍ଚାୟତର ପିଲାମାନେ ା ସୂଚନା ଅନୁଯାୟୀ ବଳମ୍ ପଂଚାୟତ ଗଞାବାହାଳ ଛକ ରାସ୍ତାରେ ଟ୍ରାକ୍ଟର ଯିବା ଆସିବା କରି ଅନେକ ଗର୍ତ ସୃଷ୍ଟି ହୋଇ ଅବସ୍ଥା ଶୋଚନୀୟ ହୋଇ ପଡିଥିଲା ।ଏହି ଛକ ଠାରୁ ଗଞାଵାହାଲ୍ , ରଞା,ଧଳତଇଲା ଓ ବେତଝରଣ ଗ୍ରାମ କୁ ରାସ୍ତା ଯାଇଛି ।ଟ୍ରାକ୍ଟର ଚାଳକ ଓ ମାଲିକ ମାନଙ୍କୁ ଗ୍ରାମବାସୀ ଅନେକ ଥର ସମତୁଲ କରିବା

ପାଇଁ ଅନୁରୋଧ କରିବା ପରେ ମଧ୍ୟ କିଛି ସୁଫଳ ମିଳି ନଥିଲା । ଏପରି ରାସ୍ତାକୁ କିପରି ସଜଡ଼ା ଯାଇ ପାରିବ ସେଥିପାଇଁ କମ୍ ବୟସର ପିଲାମାନେ ଆଗେଇ ଆସିଥିଲେ ା ବ୍ଲକ୍ ପ୍ରଶାସନ ଓ ପଞ୍ଚାୟତ କୁ ଅପେକ୍ଷା ନ କରି ଦିବ୍ୟାଙ୍ଗ ଅନୁଷ୍ଠାନ ସମର୍ଥ ଭାରତ ର ସ୍ଥାନୀୟ ସଞ୍ଚାଳକ ଶ୍ରୀ ହରେକୃଷ୍ଣ ବିଶି ଙ୍କ ପରି ଚାଳନାରେ ଗ୍ରାମର ଶିଶୁ ଓ କିଶୋର ମାନେ ଏହି ରାସ୍ତା ଟିକୁ ସମତୁଲ କରି ଉଦାହରଣ ପାଲଟି ଛନ୍ତି । ଉକ୍ତ କାର୍ଯ୍ୟ କୁ ଜନସାଧାରଣ ପ୍ରଶଂସା କରିଛନ୍ତି ଓ ଵ୍ଲକ୍ ପ୍ରଶାସନ ଓ ଗ୍ରାମ ପଞ୍ଚାୟତ୍ ର ଦୃଷ୍ଟି ଆକର୍ଷଣ କରିଥିବା ଜଣା ପଡ଼ିଛି ା