26-Jun-2022

ପଦ୍ମପୁର//ଆଜି ପଶ୍ଚିମ ଓଡ଼ିଶା ପ୍ରସିଦ୍ଧ ତୀର୍ଥକ୍ଷେତ୍ର ପବିତ୍ର ଶ୍ରୀ ଶ୍ରୀ ନୃସିଂହନାଥ ପୀଠ ଠାରେ ଶ୍ରୀ ଆଖଣ୍ତଳ ଦାଶଙ୍କ ସଭାପତିତ୍ବରେ ସମଲପୁରୀ ଦିନ ପାଳନ ଅବ୍ଯବହିତ ପୂର୍ବରୁ ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଥିଲା । ଉକ୍ତ ପ୍ରସ୍ତୁତି ବୈଠକରେ "ସିରଜିନା" ସଂପାଦକ ରାଜେନ୍ଦ୍ର କୁମାର ମହାନ୍ତି  ସମଲପୁରୀ ଦିନ କିପରି ଆଡମ୍ବର ସହକାରେ ନୃସିଂହନାଥ ପୀଠ ରେ ପାଳନ କରାଯିବ ସେହି ବିଷୟରେ ଆଲୋଚନା କରିଥିଲେ । ଉକ୍ତ ଦିନ ୨୦୦ ଜଣ କବି ଓ କଳାକାର ଙ୍କୁ ସମ୍ମାନିତ କରିବା ବିଷୟ ସେ ପ୍ରକାଶ କରିଥିଲେ । ଅଗଷ୍ଟ ୧ ତାରିଖ ସମଲପୁରୀ ଦିନ କାର୍ଯ୍ୟକ୍ରମରେ ମୁଖ୍ଯବକ୍ତା ରୂପେ ମୁରିବାହାଲ କଲେଜ ଅଧ୍ୟାପକ ଶ୍ରୀ ଦିଲୀପ ପଶାୟତ ଯୋଗଦାନ କରିବେ ବୋଲି ଆଲୋଚନା କରା ଯାଇଥିଲା । ଏହି କାର୍ଯ୍ୟକ୍ରମ ଟିକୁ ଗନ୍ଧମାର୍ଦ୍ଦନ ସୁରକ୍ଷା ଯୁବ ପରିଷଦ ର ପ୍ରଯୋଜନା ହେବ ବୋଲି ଯୁବ ପରିଷଦ ଆବାହକ ଦୁର୍ଯ୍ୟୋଧନ ପୁଟା ପ୍ରକାଶ କରିଥିଲେ । ଏହି ଦିନ ନୃତ୍ୟଗୀତ ଓ ନାଟକ ମଞ୍ଚସ୍ଥ ହେବାର କାର୍ଯ୍ୟକ୍ରମ ରହିଛି । ଏହି ପରିପ୍ରେକ୍ଷୀ ସମ୍ବଲପୁରୀ କବିତା ପାଠୋତ୍ସବ ହେବ । ଉକ୍ତ ବୈଠକରେ ନରୋତ୍ତମ ଦାଶ,ପ୍ରେମ ସାଗର ଫୌଜଦାର,ରାଜେନ୍ଦ୍ର ସେଠ,ବିଶ୍ବନାଥ ସେଠ,ଆରଦ୍ରା ବାଗ,ଲଲିତ ଜଗତ ପ୍ରମୁଖ ଯୋଗଦାନ କରିଥିଲେ । ଶେଷରେ ନରୋତ୍ତମ ଦାଶ ଧନ୍ୟବାଦ ଅର୍ପଣ କରିଥିଲେ ।
(ନରହରୀ ବଗର୍ତ୍ତୀଙ୍କ ରିପୋର୍ଟ)