28-May-2022

ମୁରିବାହାଲ(ସୁଦାମ ବଘାର)-ମୁରିବାହାଲ ବ୍ଲକ ନୂତନ ସରପଂଚ ସଂଘ  ଶନିବାର ଦିନ ବହୁ ପୁରାତନ ଚଉଷଠି ୍‌ଯୋଗନୀ ପିଠ ରାଣୀପୁର ଝରିଆଲ ଶିବ ମନ୍ଦିିର  ପ୍ରାଙ୍ଗଣରେ ମୁରିବାହାଲ ବ୍ଲକର ସମସ୍ତ ୨୨ ଗୋଟି ପଂଚାୟତର ସରପଂଚମାନଙ୍କୁ ନେଇ ଏକ ଜରୁରି ବୈଠକ ହୋଇଯାଇଥିଲା । ଏହି ବୈଠକରେ ଅର୍ଣ୍ଣ ବାଗଙ୍କ ସଭାପତିତ୍ୱରେ ନୂତନ ସରପଂଚ ସଂଘ ଗଠନ କରାଯାଇଥିଲା । ଉକ୍ତ ବୈଠକରେ ମୁରିବାହାଲ ୨୨ ଗୋଟି ପଂଚାୟତର ଉନ୍ନତି ଏବଂ ବିକାଶ କିପରି ହେବ ସେ ବିଷୟରେ ଗୁରୁତ୍ୱାରୋପ କରାଯାଇଥିଲା । ଏହି କାର୍ଯ୍ୟକ୍ରମରେ ମୁରିବାହାଲ ବ୍ଲକ ଅଧ୍ୟକ୍ଷ ହରିବନ୍ଧୁ ମେହେର ଓ ବିଡିଓ ପ୍ରିୟରଞନ କୁମ୍ଭାର ଯୋଗ ଦେଇଥିଲେ । ସର୍ବ ସମ୍ମତିକ୍ରମେ ମୁରିବାହାଲ ସରପଂଚ ବିଶ୍ୱବିହାରି ଯୋଷିଙ୍କୁ ସଭାପତି ଭାବରେ ଚୟନ କରିଥିବା ବେଳେ ଉପସଭାପତି ରାମଦାଶ ମହାକୁର, ସମ୍ପାଦିକା କୁନ୍ତି ମେହେର, କୋଷାଧ୍ୟକ୍ଷ ମୋତିମାଲା ବେହେରା, ଚୟନ କରାଯାଇ ଆଗାମି ଦିନରେ ଏହି ସରପଂଚ ସଂଘ ପ୍ରଶାସନ ସହିତ ଆଲୋଚନା କରି ଜନସାଧାରଣଙ୍କ ସ୍ୱାର୍ଥକୁ ଦୃଷ୍ଟି ଦେଇ ଅଂଚଳର ଉନ୍ନତି ମୂଳକ କାର୍ଯ୍ୟ କରିବା ପାଇଁ ଦୃଢ ନିଷ୍ପତି ନେଇଥିଲେ । କଲ୍ୟାଣୀ ଘିଭେଲା, ଲୁଚନା ବଗର୍ତି, ଦମୟନ୍ତି ହାତି, ଲବଣୀ ନାଗ, ମମତା ପ୍ରଧାନି, ସୁବାସିନୀ ବେହେରା, ରଶ୍ମିତା ବାଗ, କରିଶ୍ମା ସୁନା, ପ୍ରିୟବ୍ରତ ପ୍ରଧାନୀ, ଦେବରାଜ ପାତ୍ର, ସବିତା ବିଭାର, ସୁମିତ୍ରା ସେଠ,  ତଥା ସମସ୍ତ ସରପଂଚ ଏହି ବୈଠକରେ ଉପସ୍ଥିତ ଥିଲେ ।