21-May-2022

ବରଗଡ:-ଜିଲ୍ଲା ସ୍ୱାସ୍ଥ୍ୟ ସମିତି, ବରଗଡ଼ ଏବଂ ସ୍ଵେଚ୍ଛାସେବୀ ଅନୁଷ୍ଠାନ  ଆ ଜ୍ କା  ପାଇକମାଲ ର ମିଳିତ ସହଯୋଗରେ  ଆଶାକର୍ମୀ ମାନଙ୍କ ତାଲିମ ଶିବିର ମଡ୍ୟୁଲ  ଛଅ ଓ ସାତ  ରାଉଣ୍ଡ -୨ ଆ ଜ୍‌ କା  ତାଲିମ କେନ୍ଦ୍ର ସାଲେପାଲି, ପାଇକମାଲ ଠାରେ ତା. ୧୭.୦୫.୨୦୨୧ ରୁ ଆରମ୍ଭ ହୋଇ  ଆଜି ଉଦଯାପିତ ହୋଇଯାଇଛି । ଏହି ତାଲିମ କାର୍ଯ୍ୟକ୍ରମ ରେ ବରଗଡ଼ ଜିଲ୍ଲା ର  ପାଞ୍ଚଟି ବ୍ଲକ ବରପାଲି , ଅତାବିରା, ଅମ୍ବାଭୋନା ଓ ଝାରବନ୍ଧ  ଓ ପଦ୍ମପୁର  ରୁ ମୋଟ ୨୮ ଜଣ ଆଶାକର୍ମୀ  ଯୋଗଦେଇଥିଲେ । ପ୍ରଶିକ୍ଷକ ଭୁବନେଶ୍ଵର ଦେବତା ଏବଂ ଲିଳାମୟ ବେହେରା  ତାଲିମ ପ୍ରଦାନ କରିଥିଲେ । ଏହି ତାଲିମ ରେ  ଶିଶୁର ପୋଷଣ, ଅପପୁଷ୍ଟି,

ସାଧାରଣ ଅସୁସ୍ଥତା, ତରଳ ଝାଡ଼ା  ଓ ତାର ପରିଚାଳନା, ରକ୍ତ ହିନତା ଓ ତାର ପରିଚାଳନା ଇତ୍ୟାଦି ବିଷୟବସ୍ତୁ ଗୁଡ଼ିକ ପରିସରଭୁକ୍ତ ଥିଲା । ଏଥିସହିତ ଆଶାକର୍ମୀ ମାନେ କ୍ଷେତ୍ର ପରିଦର୍ଶନରେ ନବଜାତ ଶିଶୁର ଓଜନ, ତାପମାତ୍ରା ମାପିବା ସହିତ ରେପିଙ୍ଗ କରିବା ଓ ହାତଧୁଆ କୌଶଳ ଗୁଡ଼ିକ   ପ୍ରଦର୍ଶନ କରିଥିଲେ । 

ଆ ଜ୍‌ କା ଅନୁଷ୍ଠାନର ପ୍ରୋଗ୍ରାମ କୋଅର୍ଡିନେଟର ନିତ୍ୟାନନ୍ଦ ଜେନା ତାଲିମ କାର୍ଯ୍ୟକ୍ରମ ର ସୁପରିଚାଳନା କରିଥିବାବେଳେ ଯୁଗଳ କିଶୋର ନାୟକ ଏବଂ କୁମୁଦିନୀ ପ୍ରଧାନ ସହଯୋଗ କରିଥିଲେ ।  ଶେଷରେ ପ୍ରୋଗ୍ରାମ କୋଅର୍ଡିନେଟର ସମସ୍ତଙ୍କୁ ଧନ୍ୟବାଦ ଜଣାଇ ତାଲିମ କାର୍ଯ୍ୟକ୍ରମ କୁ ସମାପ୍ତି ଘୋଷଣା କରିଥିଲେ ।