02-May-2022

ବଲାଙ୍ଗୀର ଜିଲ୍ଲା ଅନ୍ତର୍ଗତ ବଙ୍ଗୋମୁଣ୍ଡା ବ୍ଲକ, ବଡ଼ପଡା ଗ୍ରାମର ପ୍ରଭାତ କିରଣ ନନ୍ଦଙ୍କ ପୁତ୍ର ଦୀପକ କୁମାର ନନ୍ଦଙ୍କୁ ମୁମ୍ବାଇ ସ୍ଥିତ ଟାଟା ସାମାଜିକ ବିଜ୍ଞାନ ସଂସ୍ଥା, ବିଶ୍ୱବିଦ୍ୟାଳୟ ତରଫରୁ ସମାଜିକ କାର୍ଯ୍ଯ ପାଠରେ ଡକ୍ଟରେଟ ଡିଗ୍ରୀ ପାଇବାରେ ସମର୍ଥ ହୋଇଛନ୍ତି I ସେ ତାଙ୍କର ସନ୍ଦର୍ଭ ଓଡ଼ିଶା ବିକାଶର ରାଜନୀତିକରଣ ଏବଂ ଆଂଚଳିକ ବୈଷ୍ୟମତା ଉପରେ ଲେଖି ସଫଳତାର ସହିତ ଚଳିତ ମାସ ଏପ୍ରିଲ ୧୯ ତାରିଖ ଉତୀର୍ଣ୍ଣ ହୋଇଛନ୍ତି I ଏଭଳି କୀର୍ତ୍ତିମାନ ବଙ୍ଗୋମୁଣ୍ଡା ଭଳି ଏକ ଅର୍ଥନୈତିକ ଏବଂ ଶିକ୍ଷାଗତ ଅନଗ୍ରସର ଅଞ୍ଚଳ ପାଇଁ ଗର୍ବ ଏବଂ ଗୌରବର ବିଷୟ I ତାଙ୍କର ଶିକ୍ଷା ସେ ବଡ଼ପଡା-ତୁରକେଲା ପ୍ରାଥମିକ ବିଦ୍ୟାଳୟ ଏବଂ ଜାମଖୁଣ୍ଟା ମାଧ୍ୟମିକ ଇଂରାଜୀ ବିଦ୍ୟାଳୟରୁ ଆରମ୍ଭ କରି ପରବର୍ତ୍ତୀ ସମୟରେ ଭୁବନେଶ୍ୱର ଏବଂ ମୁମ୍ବାଇ ରେ ଅଧ୍ୟୟନ କରିଥିଲେ I ସେ ଜଣେ ମେଧାବୀ ଛାତ୍ର ଥିଲେ ଏବଂ ଇତି ମଧ୍ୟରେ ସେ ବିଦେଶ ଭ୍ରମଣ କରି ଇଉରୋପ ସ୍ଥିତ ସ୍ୱିଡ଼େନ ରେ ମଧ୍ୟ ପାଠ୍ୟ ଅର୍ଜନ କରିଛନ୍ତି I ଏହା ସହିତ ସେ ବିଭିନ୍ନ ଜାତୀୟ ଏବଂ ଅନ୍ତର୍ଜାତୀୟ ସେମିନାର ଏବଂ କନଫରେନ୍ସ ରେ ନିଜର ଗବେଷଣା ବିଷୟବସ୍ତୁ କୁ ଉପସ୍ଥାପନା କରିଛନ୍ତି I ତାଙ୍କର ଲେଖା ସବୁ ବିଭିନ୍ନ ଖବରକାଗଜ ଏବଂ ଜର୍ଣ୍ଣାଲ ରେ ମଧ୍ୟ ପ୍ରକାଶିତ ହୋଇସାରିଛି I ଆଶାକରୁ ତାଙ୍କର ଏହି ସଫଳତା ଆହୁରି ଅନେକ ଯୁବ ଗୋଷ୍ଠୀ ପାଇଁ ପ୍ରେରଣା ଦାୟୀ ହେବ ଏବଂ ଏହି ଅଂଚଳ ଶିକ୍ଷାଗତ କ୍ଷେତ୍ରରେ ଅଗ୍ରସର ହେବ I