03-Mar-2022

ବଲାଙ୍ଗିର(ପ୍ରେରଣା ଖବର) ବଲାଙ୍ଗିର ଚନ୍ଦ୍ରଶେଖର ନଗର ବିଜୟ କୁମାର ବିଶି ଗତ କାଲି ଠାରୁ ଏକ ଘରୋଇ ହସ୍‌ପିଟାଲରେ ଚିକିତ୍ସିତ ହେଇଛନ୍ତି । ରକ୍ତ ଅଭାବରୁ ତାଙ୍କ ଭାଇ କମଲ ଗଡତ୍ୟା ଜିଲ୍ଲା ଯୁବ କୁଲୁତା ସମାଜକୁ ଏ.ବି. ପଜିଟିଭ୍ ରକ୍ତ ପାଇଁ ସହଯୋଗ ମାଗିଥିଲେ । ଖବର ପାଇବା ମାତ୍ରେ ଜିଲ୍ଲା ଯୁବ ସଭାପତି ଅସୀମ କୁମାର ଭୋଇ ତୁଷୁରା ବାସିନ୍ଦା ପ୍ରଭାତ ଗଡତ୍ୟାଙ୍କୁ ଯୋଗାଯୋଗ କରିଥିଲେ । ଯୁବ ସଦସ୍ୟ ପ୍ରଭାତ ଗଡତ୍ୟା ସଙ୍ଗେ ସଙ୍ଗେ ତୁଷୁରା ୩୫ କି.ମି. ଦୂରରୁ ଆସି ରକ୍ତଦାନ କରି ଏକ ଅମୁଲ୍ୟ ଜିବନ ବଞ୍ଚାଇଥିଲେ । ରକ୍ତଦାନ ସମୟରେ ଯୁବ କୁଲୁତା ସମାଜର କୋଷାଧ୍ୟକ୍ଷା ଅଞ୍ଜଳି ବିଶି ମଧ୍ୟ ଉପସ୍ଥିତ ଥିଲେ । ଜିଲ୍ଲା ଯୁବ କୁଲୁତା ସମାଜର ସଦସ୍ୟ ଗଣ ସଦାସର୍ବଦା ଅସହାୟଙ୍କୁ ପ୍ରତ୍ୟେକ କ୍ଷେତ୍ରରେ ସହଯୋଗ କରି ଆସିଥିବାରୁ ଅତାବିରା ଜନ କଲ୍ୟାଣ କୁଲୁତା ସମାଜ ସଭାପତି ଦିବାକର ପ୍ରଧାନ ଓ ନୂଆଁପଡା ଜିଲ୍ଲା କୁଲୁତା ସମାଜର ବରିଷ୍ଠ ସଦସ୍ୟ ବିରେନ୍ଦ୍ର ପ୍ରଧାନ ଭୂୟଶି ପ୍ରଶଂସା କରିଥିଲେ ଓ ସଂଗଠନର ସର୍ବାଙ୍ଗିନ ଉନ୍ନତି କାମନା କରିଥିଲେ ।