03-Mar-2022

ନୟାଗଡ଼, (ପ୍ରଦୀପ କୁମାର ପଣ୍ଡା)/ ନୟାଗଡ଼ ଜିଲ୍ଲା ଖଣ୍ଡପଡା ବ୍ଲକ ଅଧିନସ୍ଥ କୁମ୍ଭାରପଡ଼ା ଗ୍ରାମ ପଞ୍ଚାୟତ ରେ କୁମ୍ଭାରପଡ଼ା ଉଚ୍ଚ ବିଦ୍ୟାଳୟ ଦୀର୍ଘ ପଚାଶ ବର୍ଷ ହେଲା କାର୍ଯ୍ୟକାରୀ ହୋଇଆସୁଅଛି | ଦୁଃଖ ଏବଂ ପରିତାପର ବିଷୟ ଯେ ଉକ୍ତ ବିଦ୍ୟାଳୟ ପ୍ରତି ସ୍ଥାନୀୟ ତଥା ଜିଲ୍ଲା ପ୍ରଶାସନ ର ଅବହେଳା ହେତୁ ଏଯାବତ ବିଦ୍ୟାଳୟ ଟି ଜରାଜିନ୍ନ ଅବସ୍ଥାରେ ପଡ଼ିରହିଛି | ପଡୋଶୀ ଗ୍ରାମ ର ବିଦ୍ୟାଳୟ ଗୁଡିକ ର ଉନ୍ନତିକରଣ ରେ ସରକାରୀଅର୍ଥ ରାଶି ବ୍ୟବହୃତ ହୋଇ ପାରୁଥିବା ବେଳେ ଉକ୍ତ କୁମ୍ଭାରପଡ଼ା ଶୈକ୍ଷିକ ବାତାବରଣ ଉପରେ ସମସ୍ତ ନେତା ମାନଙ୍କ ଦୃଷ୍ଟି ବହିର୍ଭୁତ ହେଉଥିବା ନେଇ ସାଧାରଣରେ ହେଉଛି ଚର୍ଚ୍ଚା | ଅନ୍ୟପଟେ ଉକ୍ତ ବିଦ୍ୟାଳୟ ର ସୁବର୍ଣ୍ଣଜୟନ୍ତୀ ଆସନ୍ତା ଜୁଲାଇ ବାର ତାରିଖ ରେ ହେବାକୁ ଥିବା ହେତୁ ପୂର୍ବତନ ଛାତ୍ରଛାତ୍ରୀ ମାନେ ଅଂଟାଭିଡ଼ି ଥିବା ଦୃଷ୍ଟି ଗୋଚର ହୋଇଛି | ଏହି ପରିପ୍ରେକ୍ଷୀରେ ଯୁବ ଶିକ୍ଷାବିତ ତଥା ସମାଜସେବୀ ଅଜୟ କୁମାର ସେଠୀ ଙ୍କ ଅବାହକତ୍ୱ ରେ ସୁବର୍ଣ୍ଣଜୟନ୍ତୀ ପାଳନ ପାଇଁ ଏକ ପ୍ରସ୍ତୁତି ବୈଠକ କୁମ୍ଭାରପଡ଼ା ଉଚ୍ଚ ବିଦ୍ୟାଳୟ ଅତିରିକ୍ତ ଶ୍ରେଣୀ ଗୃହ ରେ  ଅନୁଷ୍ଠିତ ହୋଇ ଯାଇଛି | ପ୍ରଧାନ ଶିକ୍ଷୟତ୍ରୀ ଶ୍ରୀମତୀ ସସ୍ମିତା ଦଳେଇ ଙ୍କ ଅଧ୍ୟକ୍ଷତା ରେ ଉକ୍ତ ବୈଠକ ରେ ସିଆରସିସି ରମାକାନ୍ତ ପଣ୍ଡା, ମୋ ସ୍କୁଲ କମିଟି ର ସଭାପତି ଅଖିଳ କୁମାର ପଣ୍ଡା, ନବ ନିର୍ବାଚିତ ସରପଞ୍ଚ ଚିନ୍ମୟ କୁମାର ପଣ୍ଡା, ବରିଷ୍ଠ ଶିକ୍ଷାବିତ ନଟବର ପ୍ରଧାନ ପ୍ରମୁଖ ମଞ୍ଚାସିନ ଥିଲେ | ଉକ୍ତ ବୈଠକରେ ଏକ ୧୧ ଜଣିଆ କମିଟି ଗଠନ କରାଯାଇ ଅଖିଳ କୁମାର ପଣ୍ଡା ଙ୍କୁ ସଭାପତି ଏବଂ ପ୍ରଧାନଶିକ୍ଷୟତ୍ରୀ ସସ୍ମିତା ଦଳେଇ ଙ୍କୁ ସମ୍ପାଦକ ଭାବେ ଚୟନ

କରାଯାଇଛି | ତେବେ ସୁବର୍ଣ୍ଣଜୟନ୍ତୀ ପାଳନ ର ପ୍ରାକ ପ୍ରସ୍ତୁତି କ୍ରମେ ୩ ଦିନିଆଁ କାର୍ଯ୍ୟକ୍ରମ ରେ ଉଦ୍ଘାଟକ ଭାବେ ଶିକ୍ଷାମନ୍ତ୍ରୀ ଏବଂ ମୁଖ୍ୟ ଅତିଥି ଭାବେ ବିଭିନ୍ନ ବିଭାଗୀୟ ମନ୍ତ୍ରୀଙ୍କ ସହିତ ଅନେକ ବରିଷ୍ଠ ଶିକ୍ଷାବିତ, ସିନେ ଅଭିନେତା, ବିଭିନ୍ନ ବିଭାଗୀୟ ସରକାରୀ ଅଧିକାରୀ ମାନଙ୍କୁ ନିମନ୍ତ୍ରଣ କରାଯିବା ପାଇଁ ଆଲୋଚନା କରାଯାଇଛି | ଏଥିସହିତ ପୁରାତନ ତଥା ବର୍ତ୍ତମାନ ର ଛାତ୍ରଛାତ୍ରୀ ଙ୍କ ଦ୍ୱାରା ବିଭିନ୍ନ ପ୍ରକାର ସାଂସ୍କୃତିକ କାର୍ଯ୍ୟକ୍ରମ କରାଯିବା ପାଇଁ ସ୍ଥିର କରାଯାଇଛି | ଉକ୍ତ ପ୍ରଥମ ଅଧିବେଶନ ରେ ପ୍ରାୟ ପଚାଶ ରୁ ଉର୍ଦ୍ଧ ପୂର୍ବତନ ଛାତ୍ର ଯୋଗଦେଇ ଥିବା ବେଳେ ଭରଚୁଆଲ ରେ ଶତାଧିକ ଛାତ୍ରଛାତ୍ରୀ ଯୋଗଦେଇଥିଲେ |