02-Mar-2022

ବଲାଙ୍ଗିର(ପ୍ରେରଣା ଖବର) - ସଇଁନ୍ତଲା ବ୍ଲକ ଡୁଙ୍ଗୁରିପାଲି ଗ୍ରାମର ପରମେଶ୍ୱର ସାହୁ ଗତ ୨୭ତାରିଖରୁ ଭିମଭୋଇ ମେଡିକାଲ କଲେଜରେ ଚିକିତ୍ସିତ ହେଉଛନ୍ତି । ତାଙ୍କ ଶରୀରରେ ରକ୍ତ ପରିମାଣ ୩.୨ ହେବାରୁ ଡାକ୍ତର ତାଙ୍କୁ ରକ୍ତ ଦେବା ପାଇଁ କହିଥିଲେ । ତାଙ୍କ ପୁତ୍ର ବଲାଙ୍ଗିର ଜିଲ୍ଲା ଯୁବ କୁଲୁତା ସମାଜକୁ ଏ.ବି. ପୋଜିଟିଭ୍ ରକ୍ତ ପାଇଁ ସହଯୋଗ ମାଗିଥିଲେ । ଖବର ପାଇବା ମାତ୍ରେ ଆଗଲପୁର ବ୍ଲକ ବୁଦୁଲା ଗ୍ରାମ ବିବେକାନନ୍ଦ ଭୋଇ ୪୦ କିମି ଦୂରରୁ ଆସି ରକ୍ତଦାନ

କରିଥିଲେ ଓ ବ୍ୟକ୍ତିଗତ ଭାବେ ପରମେଶ୍ୱର ସାହୁଙ୍କୁ ଏକହଜାର ଟଙ୍କା ଚିକିତ୍ସା ପାଇଁ ଆର୍ଥିକ ସହାୟତା ପ୍ରଦାନ କରିଥିଲେ । ରକ୍ତଦାନ ସମୟରେ ବଲାଙ୍ଗିର  ଜିଲ୍ଲା ଯୁବ କୁଲୁତା ସଭାପତି ଅସୀମ କୁମାର ଭୋଇ, ପୁଇଁନ୍ତଲା ବ୍ଲକ ଯୁବ ସଦସ୍ୟ ରମେଶ ପ୍ରଧାନ ଓ ବିଭୁତି ବାରିକ ପ୍ରମୁଖ ଉପସ୍ଥିତ ଥିଲେ । ବିବେକାନନ୍ଦ ଭୋଇଙ୍କ ଏଭଳି ମହତ କାର୍ଯ୍ୟକୁ ଅତାବିରା ଜନକଲ୍ୟାଣ କୁଲୁତା ସମାଜ ସଭାପତି ଦିବାକର ପ୍ରଧାନ, ନୂଆପଡ଼ା ଜିଲ୍ଲା  କୁଲୁତା ସମାଜର ବରିଷ୍ଠ ସଭ୍ୟ ବିରେନ୍ଦ୍ର ପ୍ରଧାନ ଭୁୟାସି ପ୍ରଶଂସା କରିଥିଲେ ।