17-Feb-2022

ସୁବର୍ଣ୍ଣପୁର // ମାଘମେଳା ଉପଲକ୍ଷେ ସନ୍ଥକବି ଭୀମଭୋଇ ସେବାଟ୍ରଷ୍ଟ ତରଫରୁ ଭୀମଭୋଇଙ୍କ ଜୀବନୀ ବିଷୟରେ  ସ୍ଥାନୀୟ ଶିଶୁ ଵିଦ୍ୟାମନ୍ଦିର ରେ ଏକ ଆଲୋଚନା ଚକ୍ର ଅନୁଷ୍ଠିତ ହୋଇଛି l  ଉକ୍ତ କାର୍ଯ୍ୟକ୍ରମରେ ବକ୍ତା ଭାବରେ  ବରିଷ୍ଠ ସାମ୍ବାଦିକ ତଥା ଲେଖକ  ଶ୍ରୀ ଗୋରେଖ ନାଥ ସାହୁ ଯୋଗ ଦେଇ  ଶ୍ରୀମଦ ଭାଗବତ ଗୀତା ଓ ସ୍ମୃତି ଚିନ୍ତାମଣି ମଧ୍ୟରେ ସାମଞ୍ଜସ୍ୟ ରହିଛି ବୋଲି ମତ ରଖି ଥିଲେ l ଏଥିରୁ ବୁଝାପଡୁଛି ଯେ ଶ୍ରୀମଦ ଭାଗବତ ଗୀତା ସମ୍ପର୍କ ରେ ଭୀମଭୋଇ ଙ୍କ ର ଯଥେଷ୍ଟ ଜ୍ଞାନ ଥିଲା l ଗୀତା ଓ ସ୍ମୃତି ଚିନ୍ତାମଣି ଉଭୟ ଙ୍କୁ ତୁଳନା କଲେ ଜଣା ଯାଏ ଯେ, ଗୀତା ଯେମିତି ବିଷାଦ ଯୋଗ ରୁ ଆରମ୍ଭ ହୋଇଛି ଏବଂ ଶରଣାଗତି ରେ ସରିଛି  ଭୀମଭୋଇ ସ୍ମୃତି ଚିନ୍ତାମଣି ରେ ସେଇ ତଥ୍ୟ କୁ ପ୍ରାଧାନ୍ୟ ଦେଇଛନ୍ତି l ଅନ୍ୟତମ ବକ୍ତା ଭାବେ ଲେଖକ ଆର୍ତ୍ତତ୍ରାଣ ବାବୁ, ଡାକ୍ଟର ଦେବାଶିଷ ପାଣ୍ଡିଆ, ଭୀମଭୋଇଙ୍କ

ଜୀବନି ଉପରେ ବକ୍ତବ୍ୟ ପ୍ରଦାନ କରିଥିଲେ ଓ  ଭୀମଭୋଇଙ୍କ ବାଣୀ ଉପରେ ପୁଙ୍ଖାନୁପୁଙ୍ଖ ଆଲୋଚନା କରିଥିଲେ l ସଭା ଶେଷରେ ଆର୍ତ୍ତତ୍ରାଣ ବାବୁଙ୍କ ଦ୍ୱାରା ରଚିତ ସନ୍ଥ ଭାଗବତ ବହି ଉନ୍ମୋଚନ ହୋଇଥିଲା। ଉକ୍ତ କାର୍ଯ୍ୟକ୍ରମକୁ  ସ୍ବେଛାସେବୀ ତଥା ଆଇନଜୀବୀ ରଶ୍ମିରଞ୍ଜନ ଦାସ ପରିଚାଳନା କରିଥିଲେ l  ରାଷ୍ଟ୍ରୀୟ ସ୍ୱୟଂସେବକ ସଂଘର ବିଭାଗ ବୌଦ୍ଧିକ ପ୍ରମୁଖ ଦିଲ୍ଲୀପ କୁମାର ତ୍ରିପାଠୀ, ପ୍ରଣବ ନାୟକ, ମନୋଜ ବିଶି, ମନୋଜ ପଣ୍ଡା, ପ୍ରବୀଣ ରଥ, ଦୟାନିଧି କରନ, ରାଜେନ୍ଦ୍ର ନାୟକ ସମେତସହର ର ବହୁ ଗୁଣି ଜ୍ଞାନୀ, ବୁଦ୍ଧିଜୀବୀ ଏଥିରେ ଯୋଗ ଦେଇଥିଲେ l