15-Feb-2022

ନବରଗଡ଼:- ବରଗଡ଼ ଜିଲ୍ଲା ରେ ପଞ୍ଚାୟତ ନିର୍ବାଚନ ସରଗରମ ହେଉଥିବା ବେଳେ ପଞ୍ଚାୟତ କୁ ନେଇ ଗାଁ ଗାଁ ରେ ପିଲାଙ୍କ କ୍ରିକେଟ, ଭଲିବଲ, ଫୁଟବଲ ଟୁର୍ଣାମେଣ୍ଟ ମଧ୍ୟ ବେଶ ଜମୁଛି । ନ ଦେଖିବା ନେତା ଙ୍କୁ ଦେଖି ହେଉଥିବାବେଳେ ଖେଳ ହେଉନଥିବା ଯାଗାରେ ଟୁର୍ଣାମେଣ୍ଟ ର ଆୟୋଜନ ହେଉଛି ।ଉଭୟ ପ୍ରାର୍ଥୀ ଓ ଖେଳାଳି ଙ୍କ ପାଇଁ ଏକ ବଡ଼ ସୁଯୋଗ ଆଣିଦେଇଛି ପଞ୍ଚାୟତ ନିର୍ବାଚନ ବୋଲି ଗାଁ ଗାଁରେ ଚର୍ଚ୍ଚା ଯୋର ଧରିଛି ।ନେତା ଓ ପ୍ରାର୍ଥୀ ମାନଙ୍କୁ ପ୍ରଚାର ର ସୁଯୋଗ ମିଲୁଥିବାବେଳେ ଖେଳାଳି ମାନଙ୍କୁ ମଧ୍ୟ ଟୁର୍ଣାମେଣ୍ଟ ଆୟୋଜନ ପାଇଁ ସୁଯୋଗ ମିଳି ଯାଉଛି ।ଗୋଟିଏ କ୍ରିକେଟ ଟୁର୍ଣାମେଣ୍ଟ ଆୟୋଜନ ପାଇଁ ବେଳେବେଳେ ଅତିଥି ଓ ମୁଖ୍ୟ ଅତିଥି ଖୋଜା ପଡୁଥିବାସମୟରେ ଏବେ ନିର୍ବାଚନ ତ୍ରୀସ୍ତରୀୟ ନିର୍ବାଚନ ରେ ଅତିଥି ଖୋଜା ବଦଳରେ ଖୋଦ ପ୍ରାର୍ଥୀ ଅତିଥି ହୋଇ ଆସିବାକୁ ଆଗଭର ହେଉଥିବା ଦେଖା ଦେଇଛି ।ଗୋଟିଏ ସ୍ଥାନରେ ଟୁର୍ଣାମେଣ୍ଟ ଟିଏ ଆୟୋଜନ ହେଲେ ପାଞ୍ଚ ଛଅ ଗୋଟି ଗାଁର ଖେଳାଳି ଓ ଦର୍ଶକ ମିଶି ଶହଶହ ସଂଖ୍ୟା ର ଲୋକ ହେଉଥିବାବେଳେ ଦୁଇତିନି ଦିନ ପର୍ଯ୍ୟନ୍ତ ଟୁର୍ଣାମେଣ୍ଟ ଆୟୋଜନ ହେଉଛି । ଫଳରେ ପଞ୍ଚାୟତ ନିର୍ବାଚନ ର ପ୍ରାର୍ଥୀ ମାନଙ୍କୁ ପ୍ରଚାର କରିବାର ବଡ଼ ସୁଯୋଗ ଆଣି ଦେଉଛି  ଟୁର୍ଣାମେଣ୍ଟ ଫଳରେ ଉଭୟ ଟୁର୍ଣାମେଣ୍ଟ ଓ ନିର୍ବାଚନ ପ୍ରଚାର ବେଶ ଜମୁଛି ।ପ୍ରାର୍ଥୀ ଅତିଥି ହୋଇ ଯୋଗଦାନ ଦେଉଥିବା ଓ ବିଜେତା ଓ ଉପ ବିଜେତା ମାନଙ୍କୁ ପୁରସ୍କୃତ କରି ଫେରୁଛନ୍ତି। କେଉଁଠି ଟୁର୍ଣାମେଣ୍ଟ ଟି  ନିର୍ବାଚନ ସମୟରେ ଲୋକଙ୍କ ମନୋରଞ୍ଜନ ହେବା ସହ ଏକ ବଡ଼ ପ୍ରଚାର ମାଧ୍ୟମ ପାଲଟି ଥିବା ସମୟରେ କେଉଁଠି ଟୁର୍ଣାମେଣ୍ଟ ଟି ଖେଳାଳି ମାନଙ୍କ ପାଇଁ ସଫଳତା ଆଣିଦେଉଛି । ନିର୍ବାଚନ ସମୟରେ ସର୍ବାଧିକ ନୂଆ ନୂଆ ଟୁର୍ଣାମେଣ୍ଟ ଆୟୋଜନ ହେଉଥିବାରୁ ଆଲୋଚନା ଜୋର ଧରିଛି । ଏପଟେ ପ୍ରାର୍ଥୀ ମାନଙ୍କ ପକେଟ୍ ରୁ ବିଡାବିଡା ନୋଟ ମଧ୍ୟ ଖର୍ଚ୍ଚ ହେଉଥିବା ସମୟରେ ପ୍ରାର୍ଥୀ ମାନଙ୍କୁ ନେଇ ଏକ ପ୍ରକାରର ବ୍ଳକମେଲ ଚାଲିଛି ଭଳି ମନେହୁଏ ।ଏ ଭଳି ହେବାଦ୍ବାରା ସତରେ କ'ଣ ଗଣତନ୍ତ୍ର ଆଗାମୀ ଦିନରେ ରହିବ ତ ?