07-Feb-2022

ପଦ୍ମପୁର:-ବରଗଡ଼ ଜିଲ୍ଲା ପଦ୍ମପୁର ଉପଖଣ୍ଡ ଅନ୍ତର୍ଗତ ପାଇକମାଲ ବ୍ଲକ  ୨୨ ଟି ପଞ୍ଚାୟତ ରେ ତିନୋଟି ଯାକ ଜିଲ୍ଲାପରିଷଦ ଜୋନରେ ବିଜେଡି ଓ ବିଜେପି ମଧ୍ୟରେ କାଁଟେ କି ଟକର ହେବା ଏକ ପ୍ରକାର ର ନିଶ୍ଚିତ ହୋଇଯାଇଛି । ଆଗାମୀ ୧୬ ତାରିଖ ହେବାକୁ ଥିବା ତ୍ରୀସ୍ତରିୟ ପଞ୍ଚାୟତ ନିର୍ବାଚନରେ ବିଜେଡି ଓ ବିଜେପି ଉଭୟେ ସମସ୍ତ ପଞ୍ଚାୟତରେ ସମର୍ଥୀତ ପ୍ରାର୍ଥୀ ଦେଇଥିବା ବେଳେ କଂଗ୍ରସ ର ସବୁ ପଞ୍ଚାୟତରେ ପ୍ରାର୍ଥୀ ନାହାନ୍ତି । ୩ଟି ଜିଲ୍ଲାପରିଷଦ ଜୋନରେ ତିନି ଦଳର ଜଣେ ଲେଖାଏଁ  ପ୍ରାର୍ଥୀ ଥିବା ବେଳେ ବୁକୁରାମୁଣ୍ତା, ଛିନ୍ଦେଇକେଲା, ଝାରବନ୍ଧ, କାଂସଡା, ଝିଟିକି, ଛେତଗାଁ, ଚର୍ଦ୍ଦାପାଲି, ଜାମସେଠ ୮ଟି ପଞ୍ଚାୟତରେ  ସମିତି ସଭ୍ୟ ପ୍ରାର୍ଥୀ ପାଇଁ ଦୁଇ ଜଣ ଲେଖାଏଁ ପ୍ରାର୍ଥୀ ଥିବା ବେଳେ  ମୋଟ ୬୯ ଜଣ ପ୍ରାର୍ଥୀଙ୍କ ମଧ୍ୟରୁ ୩୯ ଜଣ ମହିଳା ପ୍ରାର୍ଥୀ, ୩୦ ଜଣ ପୁରୁଷ ପ୍ରାର୍ଥୀ ମଇଦାନରେ ଅଛନ୍ତି । ସରପଞ୍ଚ ପାଇଁ ଛିନ୍ଦେଇକେଲା ଓ ଚର୍ଦ୍ଦାପାଲି ଛେତଗାଁ ପଞ୍ଚାୟତରେ ୨ଜଣ ଲେଖାଏଁ ପ୍ରାର୍ଥୀ  ଥବା ବେଳେ ମୋଟ ୧୦୭ ଜଣ ପ୍ରାର୍ଥୀ ମଧ୍ୟରୁ ୫୦ ଜଣ ମହିଳା  ପ୍ରାର୍ଥୀ ଥିବା ବେଳେ ୫୭ ଜଣ ପୁରୁଷ ପ୍ରାର୍ଥୀ  ମଇଦାନରେ ଅଛନ୍ତି । କେତେକ ପଞ୍ଚାୟତରେ ସରପଞ୍ଚ  ପାଇଁ ଉଭୟ ବିଜେଡି ଓ ବିଜେପି ଜଣେ ଲେଖାଏଁ ସମର୍ଥୀତ ପ୍ରାର୍ଥୀ ଦିଆଯାଇଥିଲେ ମଧ୍ୟ ଦୁଇଦଳର ବହୁ ଅମାନିଆ ପ୍ରାର୍ଥୀ ବିଭିନ୍ନ ପଞ୍ଚାୟତରେ ସରପଞ୍ଚ ଓ ସମିତିସଭ୍ୟ ପାଇଁ ଭାଗ୍ୟ ନିର୍ଦ୍ଦାରଣ କରୁଛନ୍ତି । ପାଇକମାଳ ବ୍ଲକ  ଅଧ୍ୟକ୍ଷ ପଦ ପାଇଁ ଅଣ ସଂରକ୍ଷଣ ମହିଳା ପାଇଁ ସଂରକ୍ଷଣ ଥିବାରୁ ଅଣ ସଂରକ୍ଷଣ ଥିବା ପଞ୍ଚାୟତ ମାନଙ୍କରେ ବହୁ ପ୍ରାଥୀ ଅନ୍ୟ ପଞ୍ଚାୟତରୁ ଆସି ନିଜ ଭାଗ୍ୟ ନିର୍ଦ୍ଦାରଣ କରୁଛନ୍ତି । ପାଇକମାଳ ବ୍ଲକ୍ ଅଧ୍ୟକ୍ଷ ଥିବା ଅଲତାପ ମହମ୍ମଦ ଗତ ନିର୍ବାଚନରେ ଟେମରୀ ପଞ୍ଚାୟତର ସମିତି ସଭ୍ୟ ହୋଇଥିବା ବେଳେ ଚଳିତ ବର୍ଷ ନିଜ ସ୍ତ୍ରୀ ଙ୍କୁ ସେଠାରୁ ଛିଡା କରିଛନ୍ତି । ଉକ୍ତ ପଞ୍ଚାୟତରେ ମୋଟ ୪ ଜଣ ପ୍ରାର୍ଥୀ ଅଛନ୍ତି ।

କେଛୋଦାଦର ପଞ୍ଚାୟତ ସମିତି ରେ  ଯୁବ ବିଜେଡି ସଭାପତି ଗୌତମ ସିଂ ଙ୍କ ସ୍ତ୍ରୀ ଙ୍କ ସହ ବିଜେପି ପାଇକମାଲ ମଣ୍ତଳ ସଭାପତି କୈଳାସ ଦିଶ୍ରୀ ଙ୍କ ସ୍ତ୍ରୀ ସିଧାସଳଖ ଲଢେଇ ହେଉଥିବା ବେଳେ ଦୁଲଭ କଲେତ ଙ୍କ  ସ୍ତ୍ରୀ ମଧ୍ୟ ମଇଦାନ ରେ ଅଛନ୍ତି । ପାଇକମାଳ ସମିତି ପାଇଁ ବିଜେଡି ଦଳରେ ନୁତନ ଭାବେ ଯୋଗ ଦେଇଥିବା କ୍ଷେତ୍ରୀ ଲୁହାର ଙ୍କୁ ଟକର ଦେଉଛନ୍ତି ବିଜେପି ଦଳର ଯୁବ ନେତା ସୁଶାନ୍ତ ନାଗ ଙ୍କ ସ୍ତ୍ରୀ  । ମାଣ୍ତିଆଢିପା ସମିତି ପାଇଁ  ଭିନ୍ନ ଭିନ୍ନ ସ୍ଥାନରେ ୫ ଥର ସରପଞ୍ଚ  ଓ ସମିତି ସଭ୍ୟ ହୋଇଥିବା ପାଇକମାଳର ଏବେକାର ସରପଞ୍ଚ ଶ୍ରୀମାନ ଧବଳେଶ୍ବର ସାହୁ ଙ୍କ ସ୍ତ୍ରୀ ସହ ଟକର ଦେଉଛନ୍ତି ବିଜେପି ଦଳର ବରିଷ୍ଠ ନେତା ଶ୍ରୀମୋହନ ପାଣିଗ୍ରାହୀ ଙ୍କ ସ୍ତ୍ରୀ  ତାଙ୍କ ସହିତ ଆଉ ୨ଜଣ ମହିଳା ପ୍ରାଥୀ ମଇଦାନ ରେ ଅଛନ୍ତି । ଉକ୍ତ ୪ ପଞ୍ଚାୟତର ବିଜୟୀ ପ୍ରାଥୀନୀ ବ୍ଲକ ଅଧ୍ୟକ୍ଷ ପଦ ପାଇଁ ନିର୍ବାଚନୀ ଦୈାଡ ରେ ଆଶାୟୀ ଥିବା ମନେହୁଏ ।