27-Dec-2021

ବିନିକା(ହିମାଂଶୁ ଶେଖର ପୁଟେଲ)// ଠିକ ଏହି ସମୟ ଆସିଲେ ବଣୁଆ ହାତୀପଲ ଉଲୁଣ୍ଡା ଜଙ୍ଗଲରୁ ମହାନଦୀ ପାରି ହୋଇ ବିନିକା ଚାଲି ଆସୁଛନ୍ତି ।ଚଳିତ ବର୍ଷର ଖରିଫ ଧାନ ଅମଳ ବେଳେ ହାତୀପଲ ୩/୪ଦିନ ଲଗାତାର ଭାବେ ଆସି ଚାଷଜମିର ଧାନ ଖାଇ ଚାଲି ଯାଇଥିଲେ ।ବହୁ କଷ୍ଟରେ ହାତୀପଲ କୁ ଫରେଷ୍ଟ ବିଭାଗ କର୍ମଚାରୀ ଲଛିପୁର ଜଙ୍ଗଲ କୁ ଘଉଡାଇଵାରେ ସକ୍ଷମ ହୋଇଥିଲେ ।ଯାହା ଫଳରେ କି ଚାଷୀ ଓ ଅଞ୍ଚଳବାସୀ କିଛିଦିନ ପାଇଁ ନିସ୍ତାର ପାଇଥିଲେ । ହେଲେ ବଣୁଆ ହାତୀପଲ ପୁଣି ଲଛିପୂର ଜଙ୍ଗଲରୁ ଫେରି ସଂପ୍ରତି ବିନିକା ଅଞ୍ଚଳରେ ଆତଙ୍କରାଜ ଆରମ୍ଭ କରିଦେଇଛନ୍ତି ।ଲଗାତାର ୩ଦିନ ହେଲା ସନ୍ଧ୍ୟା ହେବାମାତ୍ର ଛୋଟବଡ଼ ମିଶି ୪୫ରୁ୫୦ ହାତୀପଲ ନଦୀ ପାର ହୋଇ ଆସୁଛନ୍ତି । କେତେବେଳେ ସେଲେଡି,କରତଙ୍ଗ, ତୁଲୁଣ୍ଡୁପାଲି,ଭମରପାଳି,ସଂସାମୁରା ତ ଆଉ କେତେବେଳେ ଉଲ୍ଲେ,ରହିଲା,ପାପକ୍ଷୟ ଏରିଆରେ ଆତଙ୍କ ଖେଳାଇ ଓ ଖଳାରେ ଚାଷୀ ବିକ୍ରି ପାଇଁ ଗଚ୍ଛିତ ରଖି ଥିବା ଧାନ ଖାଇ ଭୋରରୁ ନଦୀ ପାରି ହୋଇ ଆରପଟକୁ ଚାଲି ଯାଉଥିବା ବେଳେ ପୁନର୍ବାର ସନ୍ଧ୍ୟା ହେଲେ ପୁଣି ବିନିକା ମୋହ ହେଉଛନ୍ତି । ଗତକାଲି ବିଳମ୍ବିତ ରାତିରେ ଉଲ୍ଲେ ଗ୍ରାମର ଜଗବନ୍ଧୁ ବେହେରାଙ୍କ ୪ଏକର ପଲ୍କା ଘାରି ହାତୀପଲ ମାଡ଼ି ଦେଇଥିବା ବେଳେ ଚୈତନ ନାଗଙ୍କ ୨ଏକର,ଅଶୋକ କୁଅଁରଙ୍କ ୩ଏକର,ଶ୍ରୀହରି ମିଶ୍ରଙ୍କ ୪ଏକର,ରାମନାଥ ଷାଣ୍ଡଙ୍କ ପଲ୍କା ଘାରି ସମ୍ପୂର୍ଣ୍ଣ ନଷ୍ଟ ହୋଇଯାଇଛି । ବଣୁଆ ହାତୀପଲ ଙ୍କ

ଗତିବିଧି ନିରୀକ୍ଷଣ କରିବାରେ ଫରେଷ୍ଟ ବିଭାଗ ବିଫଳ ହେଉଥିବାରୁ ଏମାନଙ୍କ ଆତଙ୍କରାଜ ଦିନକୁ ଦିନ ବଡ଼ିବାରେ ଲାଗିଛି । ଫଳରେ ହାତୀ ଭୟରେ ରାସ୍ତାଘାଟ ଶୁନଶାନ୍ ହୋଇ ପଡ଼ୁଥିବା ବେଳେ ଚାଷୀ ରାତିସାରା ଭୟଭୀତ ଅବସ୍ଥାରେ ଉଜାଗର ରହୁଥିବା ଜଣାପଡିଛି ।  ସେହିପରି ହାତୀ ଉପସ୍ଥିତ ଥିବା ଏରିଆରେ ବିଦ୍ୟୁତ ସରବରାହ ବିଚ୍ଛିନ୍ନ ପାଇଁ ନିୟମ ରହିଥିଲେ ମଧ୍ୟ ଅନ୍ୟ ସ୍ଥାନ ମାନଙ୍କର ବିଦ୍ୟୁତ ବିଚ୍ଛିନ୍ନ କରାଯାଉଥିବାରୁ ଲୋକେ ଅନ୍ଧାରରେ ରହୁଛନ୍ତି । ମିଳିଥିବା ଖବର ଅନୁସାରେ ଆଜି ପୁଣି ସନ୍ଧ୍ୟାରେ ହାତୀପଲ ମହାନଦୀ ପାଣି ଭିତରେ ଗର୍ଜନ କରି ବିନିକା ପଟକୁ ଆସିବା ପାଇଁ ମୁହାଁଉଥିଵା କେତେକ ମତ୍ସ୍ୟଜିବୀ ମାଛ ନମାରି ଭୟରେ ନଦୀ କୂଳକୁ ଫେରି ଆସିଥିଲେ ।ତେଣୁ ଫରେଷ୍ଟ ବିଭାଗ କଡା ପେଟ୍ରୋଲିଂ କରି ହାତୀ ଘଉଡ଼ାଇବାକୁ ବିଭିନ୍ନ ମହଲରେ ଦାବି ହେଉଛି ।